Hau da gazteentzako nire lehenbiziko publikazioa, eta argitaratu dizkidaten guztien artean luzeena. Gazte aroko giroa eta bizipenak izan ditut gogoan, oso garai eta toki zehatzetan gertaturiko pasadizoak. Benetako gertaeretan oinarrituta daude; gordina eman dezake, baina halakoxea izan zen neure inguruko errealitatea. Hala ere, anekdotak gorabehera, eta inguruaz aparte, protagonistaren garapena eta peripezia interesatzen zaizkit.

Bai. Oso aro emankorra, konplexua eta aberatsa iruditzen zait. Helduen kontuetan murgildu nahi izaten dute, baina sarritan ez dakite zuzen nola mugitu mundu horretan. Bestalde, ume giroa atzean utzi dute, baina ez zeharo, eta umekeriak egiteko joera dute oraindik. Giltzarri sasoia da. Maitasuna, errua, adiskidetasuna eta gainontzeko sentimenduak, berriak ez izan arren, nekez gobernatzen dira. Mundua ezagutzeak eman ohi duen defentsarik ez dute, ikasten ari baitira.

Garai hartako Oreretan kokatutako istorio bat faltsua irudituko litzaidake politika aipatuko ez balu, are gehiago pertsonaien adina kontuan harturik. Baina gai horiek ez dira istorioaren mamia. Bestalde, liburua ez da ez abortuari buruzko ez beste ezeri buruzko tratatu bat; fikzioa da. Hala ere, entzun dut nerabeen haurdunaldiek gora egin dutela, preserbatiboa ez delako erabiltzen.