Zer izan nahi duten, nazio, eskualde ala erkidego autonomo, hori euskal herritarrek erabaki beharko dutela esan berri du PSE-EEko idazkari nagusi Patxi Lopezek. Kataluniako eztabaiden hariari jarraituz Lopezek esandakoa esanguratsua da, nazio izendapena hartzen duena eta Espainiako Estatua izenez parekatzen direlako; beste kontua da bakoitzak nola ulertzen duen hitz horren atzean dagoena. Nazioarena burujabetzarekiko nola lotzen den alegia. Nazioen nazio hori -PSOEko askoren Espainia hori- zer den eta nola egituratzen den. Apurka biziko den eztabaida giltzarria da.