BADAKIT Edizio Berrituak euskaraz jolasteko eta dibertitzeko 1.800 galdera berri eskaintzen ditu. 7 urtetik aurrerako haur, gazte nahiz helduek jolas dezakete, adin guztietarako egokia baita. Euskal Herriko eta mundu zabaleko eduki gaurkotuak biltzen dituzte Xabier Telleriak eta Karolina Sainz de Bikuñak prestatutako galderek.
Mahai jolas hau egokia da gertakizunak, bitxikeriak, kirola, kultura, historia eta hainbat kontu modu entretenigarrian ezagutzeko. Galdera-erantzunak, sei gai nagusiren ingurukoak dira eta gai bakoitzari kolore bat dagokio: hizkuntza eta literatura, natura, kirola, kultura, ikuskizunak eta historia.
Bi zailtasun maila eskaintzen ditu Badakit Edizio Berrituak. Izan ere, 600 galdera zailtasun txikikoak dira, etxeko gaztetxoenentzat, eta 1.200 galdera etxeko ausartenentzat. Halere, kontuan izan behar da zorteak ere parte hartzen duela jolasean.
Galdera bakoitzeko hiru erantzun posible aurkezten dira, bakarra izango delarik zuzena. Baina kontuz ziri eta aginduekin, irabazitako peoiak edozein momentutan gal ditzakezu eta!
Bi jokalarik jolas dezakete Badakitekin baina baita familia guztiak ere. Banaka nahiz taldeka jolastea ahalbideratzen duen jolasa dugu Badakit.
Egiozu aurre Badakiten erronkari!
Ba al dakizu Nola izena duen Shin Chanen txakurrak? Beisbolean, nola duen izena pilota kolpatzeko tresnak? Zenbat atomo dituen ur tanta batek? Nork asmatu zuen katapulta? Nik Badakit... baina dagoeneko etxean dut jolasa.