Ezpalak


2021eko uztailaren 27an

Santimamiñe zaintzen

Goi paleolitoan iritsi zen gizakia Santimamiñeko kobetara (Kortezubi). Lehen biztanle haiek utzitako aztarnak ondo gordetzeko, ikerketa egiten ari da Bizkaiko Foru Aldundia. Egun bertaratzen diren bisitariek kobetan eta haiek gordetzen duten ondarean zer-nolako eragina duten aztertzen ari da, horren arabera, bisita kopurua mantentzeko edo gutxitzeko. Horrez gain, indusketa arkeologikoa egiten ari dira, koben benetako balio arkeologikoa ezagutze aldera. Santimamiñeko pinturak -zaldiak, bisonteak...- dira kobetako altxor preziatuena eta oraino ikusi gabeko arte adierazpenik ote dagoen argitu asmoz, miaketa espeleologikoa egiten ari dira. Egungo bisitarien aztarnek lehenengo biztanleen aztarnak ezaba ez ditzaten.


Txotxongiloak Gasteizko plazetan

Panta Rhei taldeak Titireando jaialdia antolatu du laugarren urtez, gasteizko Udalaren laguntzaz. Uztaila eta abuztuan emanaldiak eskainiko dituzte zazpi taldek Arabako hiriburuko plaza eta kaleetan. Arbolé, Saltimabanqui, Mutis, L'Home Dibuixat, Rocamora, Hortzmuga eta Panta Rhei taldeek. Emanaldiez gain, txotxongiloak ikusteko aukera gehiago izango da. Izan ere, Gasteizko Montehermoso kulturunean mundu guztiko 65 txotxongilo jarri dituzte, baita haiek nola erabiltzen diren eta nola egiten diren erakusten duten panelak ere. Irailaren 18a arte bisitatu ahal izango da.


Poesia jardunaldiak Ean

Gabriel arestik bere bizitzaren azken bi urteak emandako herrian, Ean, haren poesia eta beste batzuena aztertuko dute ostiraletik igandera (hilaren 15-17). Ekitaldi mordoa antolatu dituzte HEA (Herriari emon arnasa) kultur taldeak, Larrabetzuko Literatura Eskolak eta Eako Udalak: gazteentzako poesia tailerra, errezitaldiak (Jose Luis Otamendi, Xabi Borda, Jon Benito), Jon Miranderen, Lauaxetaren eta Arestiren inguruko mahai-inguru bana... Kantaldia ere izango da ostiralean moilan, Arean taldearen eta Imanol eta Joni Ubeda eta Karlos Aranzegiren eskutik.


EHZren jaialdiaren balantzea

Amaitu berria den Euskal Herria Zuzenean jaialdiak ez du gastuei aurre egiteko adina diru bildu. Hala ere, antolatzaileak pozik agertu dira, 18.000 pertsona bildu direlako Idauze-Mendin eta iaz abian jarritako ingurumena errespetatzeko proiektuari »herrixka biologikoa eta bidezko merkataritzako ekoizpenak eskaintzen zituzten ostatuak» eutsi diotelako. Jaialdia beste hiru urtez Zuberoan egiteko asmoa dute antolatzaileek, haatik, jaialdiaren geroaz gogoeta egin beharra nabarmendu dute. Horretarako, eztabaida mahaiak antolatuko dituzte abendurako.


Bi gurpilen gaineko erakusketa

Motoari eskainitako erakusketa zabaldu dute Donostiako Kursaalen, Mundu bat bi gurpil gainean. Motoak eta motozaleak, erakusketa eta historia. izenburupean. Motoa denboran zehar, Motoa Espainian, Teknika motoan, Estetika motoan, Ospearen halla eta Automobila dira erakusketa osatzen duten sei atalak. Abuztuaren amaiera arte ikusi ahal izango diren motoez gain, ekitaldi osagarriak izango dira: moto berrien aurkezpenak, rallyak... Informazio gehiago www.dosruedas.net gunean.


Folk musikaren alde

Herri musikaren aldeko manifestu bat plazaratu du SGAEk, «pentsamendu bakarraren globalizazio kolonizatzailearen aurrean» Espainiako Estatuko folk musika babesteko. 150etik gora musikarik egin dute bat manifestuarekin. Besteak beste, Carlos Núñez, Eliseo Parra, Xabi San Sebastian eta Kepa Junkerak. Manifestuan adierazi dutenez, «gure lana baloratzea eta gure obra errespetatzea beharrezkoa dugu; kontzertu eta jaialdietan ez diezagutela uka gure errepertorioen gaineko eskubidea».


Hizkuntza gutxituetako literaturak lotzeko lanean

Maiatz Solasaldiak egin dituzte orain gutxi Maiatz, Aber (Bretainia) eta Reclams (Okzitania) literatur aldizkariek. Euskaraz, bretoieraz eta okzitanieraz idatzitako argitalpenek, hizkuntza gutxituetan idatzitako literatura aldizkarien egoera aztertzeaz gain, elkarrekin egin ditzaketen ekimenez hausnartu dute. Dagoeneko egiten dituzte batzuk, Aberen azken zenbakian Itxaro Bordaren olerki batzuk argitaratu dituzte bretoieraz, esaterako. Urtero elkarrekin aldizkari bat plazaratzeko aukeraz hitz egin zuten.


ASTEKARIA
2005eko uztailaren 17a
Azoka
Azkenak
“Errebeldia hazi egin da Argentinan, herri oso bat bultzaka ari da”

Argentinako Abokatuen Gremioa erakundean egiten du lan Laura Taffetanik (Buenos Aires, Argentina, 1963). Gobernuaren errepresioa pairatu duten maputxe ugarirekin lan egin du azken urteetan, eta Askapena antolakundeak antolatutako topaketa antiinperialisten barnean izan da Euskal... [+]


Ertzaintzak Etxarri II gaztetxea hustu du Bilboko Errekalde auzoan

Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.


2025-04-04 | ARGIA
Langile bat hil da Agoitzen obra batetik jausita

Ezbeharra ostegunean gertatu da eta SOS Nafarroak 16:00 orduak jotzear zirela jaso du haren berri. Medikua, anbulantzia et Foruzaingoa bertarako dira, baina ezin izan dute gizona suspertu eta bertan hil da.


2025-04-04 | ARGIA
Euskaraldia Hika-rako 83 herrik eman dute izena

Aurtengo berritasuna da. Ahobizi eta belarriprest rolen artean aukeratzeaz gain, herritarrek Euskaraldia Hikan parte hartzeko aukera izango dute. Hitanoa erabiltzen ez den herrietan, toka eta noka, bien erabilera bultzatuko da, eta hitanoa bizirik dagoen herrietan nokaren... [+]


Interview. Urez eta hondarrez
Lurra zapaltzeko moduak

Interview. Urez eta hondarrez
Egileak: Telmo Irureta eta Mireia Gabilondo.
Aktoreak: Telmo Irureta eta Dorleta Urretabizkaia.
Zuzendaria: Mireia Gabilondo.
Konpainia: Tentazioa.
Noiz: apirilaren 2an.
Non: Victoria Eugenia Klub Aretoan,... [+]


2025-04-04 | Sustatu
Kneecap filma, orain euskarazko azpitituluekin

Ezagutzen duzue Kneecap filma? Oscar sarietarako hautatu zuten. Belfasteko hirukote baten istorioa da. Kneecap Hip Hop talde ezaguna da gaur egun, eta hizkuntzaren aldeko jarrera (gaelikoa) argia dute, IRAren osteko belaunaldiaren gorabeherak kontatzen ditu filmak; drogak eta... [+]


Haur filosofiari buruzko podcasta igandean estreinatuko du ARGIAk: ‘Galdera Basatiak’, Iñigo Martinezek gidatuta

Galdera batzuen aurrean, behin eta berriz helduok ume sentitzen garela dio Iñigo Martinezek, “bizitza zulo existentzialez beterik” dagoelako. Galderaz galdera "behin-behineko erantzunen bila" aritzeko asmoa du irakasle eta filosofoak. ARGIA... [+]


2025-04-04 | Euskal Irratiak
Beñat Molimos: “Herritarren babesari esker du Laborantza Ganbarak iraun hogei urte hauetan”

Euskal Herriko Laborantza Ganberak hogei urte bete ditu. 2005ean sorturik, bataila anitzetatik pasa da Ainiza-Monjoloseko erakundea. Epaiketak, sustengu kanpainak edota Lurramaren sortzea, gorabehera ainitz izan ditu hogei urtez.


Itsasadarreko tunelaren obretarako leherketak legeztatzearen aurka mobilizatuko da ostiral honetan ‘Subflubiala Ez!’

Giza-katea antolatu du Subflubiala ez! plataformak eta hitzordua Artaza-Romo Institutuan jarri du gaurko 18:00etan. Bizkaiko Foru Aldundiak Ingurumen Inpaktuaren Adierazpena (IIA) aldatzea du helburu eta horrelakorik ez du onartzen plataformak.


Kutsadura maila handi eta arriskutsuak behatu dira Zubietako erraustegiaren inguruetan

Europan kutsadura maila aztertzen aritzen den Toxicowatch erakundeak egindako ikerketaren emaitzak dira. Erraustegia martxan jarri aurretik egin zituzten lehen azterketak, eta ondoren 2024ra arteko laginak aztertu dituzte. Iazko laginen emaitzak dira honakoak.


Instituzioek preso atzerritarren birgizarteratzea oztopatzen dutela salatu du Salhaketa Nafarroak

Elkarteko Andoni Burguetek nabarmendu du espetxean dauden presoek egindako delitu gehienek behar sozioekonomikoekin lotura dutela.


Netanyahuri babesa erakutsi eta Nazioarteko Zigor Auzitegiko kide izateari utziko dio Hungariak

Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]


Eguneraketa berriak daude