Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
astelehena 2024ko irailaren 30ean
Bero-beroan
Elkarrizketa izanik ere, logikoena ukatzea da
Egoera apur bat baretu ondoren, Espainiako Gobernuak argi adierazi du ez dagoela ETArekiko kontakturik, eta Arnaldo Otegik ere ez dagoela prozesurik. EAJ eta EAtik mesfidantzaz ikusi dira PSOE eta Batasunaren arteko balizko harremanak, batez ere Ibarretxe Planak zubipean geratzeko arriskua duelako. Errealismorako tartea dator orain, eta aktore politiko guztiek eszenatoki berrian nola kokatu pentsatu beharko dute. Ez da ezaguna ETA eta Espainiako Gobernuaren artean kontakturik izan den edo bidean den, baina Maria Teresa Fernandez de la Vegak ezer dagoela ukatzeak ere ez du balio handirik oraingoz, balego ere, sasoi honetan logikoena dagoela ukatzea litzateke eta. Borondaterik onenarekin ere, Jose Luis Rodriguez Zapaterok ez du lan makala izango Espainiako iritzi publikoa ETArekiko elkarrizketaren kausara irabazteko.
Francisco Gonzalez BBVAko lehendakariak egoera zaila bizi du
Otsailaren 26an izango da BBVAko akzionisten Batzar Nagusia eta egun horretan banku ospetsuko lehendakaritza galdu dezake Francisco Gonzalezek. Azken asteetan zurrunbilo latza bizi du, bi arrazoirengatik batez ere. Batetik, SACYR eraikuntza-enpresa erasoaldian ari da, kapitalaren %5 eskuratu eta bankuaren Administrazio Kontseiluan sartzeko. Bestetik, Francisco Gonzalezek 1996an FG Valores burtsa enpresa saldu zion Merry Lynch banku amerikarrari eta haren ondorioz 4.808 milioi euroko irregulartasunak topatu dira. Horren atzean izan daitezkeen delituak iraungita leudeke, denbora honetan guztian salaketarik jarri ez delako. Hala ere, orain Merkatu Baloreen Nazio Batzordeari (CNMV) »1996an PPren agindupean» datuak suntsitzearen akusazioa egiten ari zaio eta agian, prebarikazio delitua egon litekeela aipatu da. CNMVk, aldiz, (orain PSOEren kontrolpean) hiru egunetan eta ezustean itxi du auziaren ikerketa, 1996an gertatutakoa jakitea oso zaila delako. Itxiera faltsua dela dirudi, dena den, eta auziak oraindik ekaitza handiagoa ekarriko duela uste da.
ETBk Oiartzungo bertso saioa zentsuratu du
Urtero Etxeratek Oiartzunen antolatzen duen bertso saioa ETBk zentsuratu egin du aurtengoan. Saioa urteko garrantzitsuenetakoa da eta urtarrilaren 9an izan zen. Saioa ETBko Hitzetik Hortzera bertso programan ateratzeko grabatu zen, baina ez da atera irudietan «Euskal presoak Euskal Herrira» leloa duen bandera ezaguna agertzen zelako.
Euskal presoen kartzela zigorrak luzatzeko neurriak
Espainian beren zigorra betetzen ari diren euskal presoen kartzelaldia nola-hala luzatzeko etengabeko ahaleginetan ari dira agintari judizial eta politikoak. Iñaki de Juana Chaosen auzia izan da entzutetsuena eta funtsean bi bide nagusi erabiltzen ari dira ahalik eta gartzelaldi luzeena lortzeko. Batetik, garai batean epaitu gabeko sumarioen irekiera eman da, jadanik gertatutakoak tipologia berberekoak diren kontuan izan gabe edota birfundizioaren kontzeptuari muzin eginez. Bestetik, 1973ko Kode Penalaren arabera epaitutakoen erredentzioen berrazterketa osoa egingo dela iragarri du Auzitegi Nazionalak, erredentzioa ematen duten gaiei buruzko balorazioa nagusiki funtsionarioen esku utziz. Hirugarren bide bat ere irekitzen ari da, dena den, De Juana Chaosekin abian jarri dutena: aitzakirik txikiena ere baliatzea salaketa berriak egin eta espetxe zigor berriak lortzeko; gainera, De Juana Chaosen Garako iritzi artikuluak nola interpretatu eta erabili dituzten ikusita, bide oparoa izan daitekeena. Edo, neurri hauek guztiak, agian, oparoak izan daitezke, halaber, Espainiako Gobernuak etorkizunean ETArekin izan dezakeen edozelako negoziazioan. Hori ere entzun eta irakurri izan da.
Euskal Herriko irrati nazionala sortzeko ahalegina
Euskal Herri osoko irratia sortzeko, aurrez, herri elkartea eratu dute, Azti-Begia izenekoa. Proiektuaren nondik norakoak elkarteko kide Iñaki Altunak (Gara egunkariko zuzendariorde izandakoak) eman zituen. Egitasmoari atxikimendua azaltzeko honakoak ere bildu ziren aurkezpenean: Luzien Etxezaharreta (Gure Irratia), Itziar Artega (Egin Irratiko esatari ohia), Mikel Perurena (Arrosa Ekoizpen Zentroko arduradun ohia) eta Idoia Blanco (Arabako Hala-Bedi irratiko kidea). Egitasmoaren bultzatzaileen ustez, Euskal Herrian Espainiako eta Frantziako irrati kateak eta EITB daude, baina horiek ez dira aski. Irrati berriak zulo hori bete nahiko luke. Emisio hasierak ez du datarik, aurrez «ahots berri»en beharra dagoela zabaldu nahi dute eta herritarren babesa aurkitu. Erabiliko duten hizkuntzari dagokionez, garbi dute gehiena euskaraz eta gaztelaniaz izango dela eta gainerakoa frantsesez.
Donostia Ospitalean euskaraz
Ospitaleko Zuzendaritza Batzordeak, Euskara Batzordeak eta sei sindikatuk (CCOO, UGT, LAB, ELA, SAE eta SATSE) jarri dute abian kanpaina. Ospitalean lehen hitza euskaraz eta Nahi baduzu, euskaraz leloak aukeratu dituzte eta euskaraz aritu nahi duten ospitaleko langileek pina eramango dute aldean pazienteek jakin dezaten.
Kataluniako patronalen ustez produktuak katalanez etiketatzea zaila da
Kataluniako Autonomia Estatutu Berriak jaso lezake produktuen etiketetan katalana erabiltzea derrigorrezkoa izatea. Kataluniako erakunde patronalek hori betetzea zaila izango litzatekeela adierazi dute. Horri buruzko iritzi artikulua idatzi du (La Vanguardia, 2005-01-19) Quim Monzók. Hona zatitxo bat: «Hamarkadak daramatzagu inork betearazten ez dituen hizkuntz legeak nola ematen diren ikusten. Lehen agintzen zutenek logoa itsas urdina izateak eta oraingoek gorrimina ez du perspektiba aldatzen. Jende jakintsua eta prestatua, enpresariek hori dena badakite, eta badakite baita ere, politikoen pragmatismoari eta epelkeriari esker, araua ematen bada, ez dela aplikatuko. Beti gertatu den bezala. Eta hala gertatuko balitz, eta politikoen pragmatismoak eta epelkeriak balioko ez balute, patronalak beraiek arduratuko dira, dioten moduan, katalanez etiketatzea zaila izan dadin».
Elfriede Jelinek euskaratu gabe
2004an Literatur Nobel Saria irabazi duen Elfriede Jelinek idazle austriarraren Die Liebhaberinnen liburua itzultzeko XVIII. Jokin Zaitegi saria eman gabe geratu da. Aurkeztutako laginak aztertuta horixe erabaki du Edorta Mataukok, Urtzi Urrutikoetxeak eta Maria Colerak osatutako epaimahaiak.
Zaldiko Maldikoren 2004ko sariak
Lamien Urrezko Orrazia IKA eta AEKri emango die Iruñeko Zaldiko Maldiko elkarteak eta Asto-Masto saria berriz, Nafarroako Hezkuntza kontseilari Luis Campoyri.
Irakurrienak
Matomo erabiliz
#1
#2
Zigor Olabarria Oleaga
#3
#4
Gorka Peñagarikano Goikoetxea
#5
Gorka Bereziartua
#6
Amets Aranguren Arrieta
Azkenak
2024-09-30
Onintza Irureta Azkune
EHUk eskolak ematea debekatu dio, behin-behinean, “mezu faxistak” zabaldu dituen irakasleari
Euskal Herriko Unibertsitateak jakinarazi duenez, gutxienez astebetez ez du eskolarik emango Zuzenbide Fakultateko irakasleak. Astelehen goizean Leioako campuseko ehunka ikaslek sare sozialetan frankismoa goraipatzea eta mezu xenofobo, matxista eta homofoboak hedatu izana salatu... [+]
2024-09-30
Ahotsa.info
Landa eremuan ere osasun zerbitzu duina eskatu dute Elizondon
MULTIMEDIA - Albistea
Turistifikazioaren Aurkako Urria antolatu dute, hiri bizigarri baten alde
Turismoaren Nazioarteko Egunean, joan den ostiralean, aurkeztu zuen Bizilagunekin plataformak Turistikazioaren Aurkako Urria egitasmoa.
2024-09-30
Unai Larrinaga Torrontegi
Osasun arloko itunak euskararen garrantzia aitortu beharko luke
2024-09-30
ARGIA
Barakaldoko tiroketaren harira zazpi pertsona atxilotu dituzte
Gizon bat hil eta beste bi pertsona zauritu dituzte igandean, Barakaldon izandako tiroketan. Ertzaintzak zazpi lagun atxilotu ditu –bost gizon eta bi emakume–, eta ikerketa zabalik da oraindik.
2024-09-30
ARGIA
Israelek dozenaka lagun hil ditu Libanon eta Yemenen, Hezbollah eta Hamaseko buruak tartean
Israelen bonbardaketek ez dute etenik. Beirut (Libano) eta Yemengo hainbat azpiegitura izan ditu jo-puntuan azken egunotan, eta dozenaka herritar hil erasoetan. Horien artean, Hezbollah erakunde xiitako buruzagi Hassan Nasrallah eta Segurtasun Prebentiboko komandante Nabil... [+]
2024-09-30
ARGIA
Ultraeskuinak irabazi ditu hauteskundeak Austrian, lehen aldiz Bigarren Mundu Gerraz geroztik
Botoen %28,8 lortu ditu FPÖ alderdi ultranazionalistak, 2019an baino %13 gehiago. ÖVP Alderdi Popularrak botoen %26,3 jaso du eta hirugarren indarra izan da SPÖ alderdi sozialdemokrata, botoen %21,1ekin. Alderdi nagusiek uko egin diote ultraeskuinari gobernatzeko... [+]
2024-09-30
Zigor Olabarria Oleaga
Pilar Garaialde, Gogora Institututik kanpo utzi duten estatuaren biktima:
“Beti zoru etikoa ahoan, baina ez dakit hori non ote dagoen”
Iragan asteazkenean, Gogora Institutuko Zuzendaritza Kontseiluko bost kide independenteak hautatu zituzten Gasteizko Legebiltzarreko Justizia eta Giza Eskubideen Batzordean. EAJren eta PSE-EEren abstentzioek Pilar Garaialde Salsamendi zuzendaritzatik kanpo utzi zuten. Bera zen,... [+]
2024-09-30
Bertsozale.eus
Eneritz Artetxe Eizagirre nagusi Hondarribian
Gipuzkoako Bertsolari Txapelketako bosgarren final-zortzirena jokatu da gaur Hondarribiko Itsas Etxean. Artetxe, saioa irabaztearekin bat, final-laurdenetara sailkatu da.
Eguneraketa berriak daude