Roberto Mosok honela zioen Zabalik astekarian: «Telebistan musika gutxi dago audientziarik ez duelako. Beharbada, musikazaleok beste iturriak aukeratzen ditugu».
Ander Lizarralde bertsolariak adierazpenok egin zizkion Berriari: «Txapelketak ondo daude, baina ez bihurtzeko futboleko liga bezala; denek gora egin nahi dute, lehen mailara iristeko. Hori da egiten dudan kritika».
Myriam Frade Serantes kultur aretoko lehendakariak Artezi esanak: «Ezinbestekoa da erakundeok sinestea kultura bultzatzeak gizartearen garapena bermatzen duela. Inoiz ezin da gauza bera izan kultura administratzea, besterik gabe, eta hura integralki kudeatzea» .
Gotzon Egiaren hitzok jaso zituen Berriak: «Itzulpenaren inguruan badira oraindik jendeak (....) oso erraz sinesten dituen mito batzuk. Esaterako: bi hizkuntza dakiena itzultzailea dela. Esaterako, euskal literaturan bi maila daudela: goikoan, euskaraz sortutakoa; beherago, maila apal eta tristeagoan, itzulpenak. Euskal itzultzaileek argi erakutsi dute azken 20 urteotan hori ez dela egia».
Pedro Rivero gidoigileak Garan: «Trukean ezer jaso gabe, pelikula batekin arriskatzen den lehena gidoigilea da».