Hika teatroak Groau! haurrentzako ikuskizuna aurkeztuko du hilaren 19an, Durangoko San Agustin aretoan. Yolanda Arrietaren testuan oinarritutako lanak Javier Muguruzaren musika izango du lagun.

Amaia Zubiria, Petti, Xabi San Sebastian, Ortophonk, Bide Ertzean eta Oskorri Kataluniako Vic hirian urtero egiten den musika merkatuan izango dira, euskal ordezkari gisa, hilaren 16tik 19ra.

Javier Agirresarobe argazki zuzendari eibartarrak 2004ko Espainiako Zinematografia Saria jasoko du larunbatean, Zinemaldiaren baitan.

Aitzol Aramaiok lehen film luzea errodatuko du. Terminal laburrarekin makina bat sari irabazitako zinegileak Unai Elorriagaren SPrako Tranbia eramango du pantailetara.

Joxe Kruzelegi Kataolatza soinujolea zendu da, 82 urte zituela. Hamasei urtetik trikitia jotzen aritu zen eta hainbat erromeria egin zuen Juliana Zubizarretarekin batera. Aurten omenaldia egin behar zioten Kursaalean egingo den Nazioarteko Trikitixa Jaialdian.