Teresaren salbazioa
- Soinujolearen semea Bernardo Atxagaren liburuak arrakasta handia izan du: hiru edizio daude kalean eta hainbat sari eskuratu ditu. Irailean gaztelaniaz eta katalanez argitaratuko da. ARGIAk datorren astean liburuan sartu gabe geratu zen ipuinetako bat eskainiko dio bere irakurleari: Teresaren istorioaren jarraipena.
Nork ez du gogoratzen Soinujolearen Semea liburuko Teresa? Obabako Alaska Hotelean jaio zen neskatxa hura? Martinen arreba, Berlino eta Geneviéveren alaba... poliomielitisaren ondorioz herren geratu zen neska?
Teresa hura da, hain zuzen ere, ARGIAren datorren asteko alearekin batera banatuko den Teresa, poverina mia ipuinaren protagonista. Bernardo Atxagak aspaldi idatzi zuen ipuin hau, hain zuzen ere, Soinujolearen semea prestatzen zebilenean, baina liburutik kanpo geratu zen, erritmoa zela-eta: «Ez nuen tokirik aurkitu, erritmoa mantenduz Teresaren testua liburuan kokatzeko», onartu digu Atxagak.
Teresaren istorioa dramatikoa izan zen Soinujolearen semean. Davidekin bizitako amodio afera tristea da oso, bietako bat zegoelako harremanean sarturik, bestea kanpo geratzen zen bitartean. Eta bere herrenak asko sufriarazten zion. Atxagak, ordea, Teresa salbatu egin du Teresa, poverina mia ipuinean. Maitasun istorioa kontatzen digu bertan, Teresa bera eta artisau bihurtutako André medikuaren artekoa. Tonu dramatikoarekin hasi eta goraka amaitzen den istorioa da gainera: «Ez dago bakarrik maitasun istorio bat, maitasunaren trataera bat ere badago. Inguruko giroarekin kutsatzen da Teresa. Soinujolearen semean trataera dramatikoa da. Hoteleko sexu eszenan, adibidez, Davidek nahi duen bakarra koadernoa lortzea da eta tristea da oso. Hemen beste begirada bat jarri diot, gustagarria da». Maitasuna ezagupidea ere bada, Atxagaren ustez, jendea ezagutzeko modu berezi bat. Eta hori garbi ikusten da ipuinean: «Askotan, ikusten duzu hainbat jende eta pentsatzen duzu ‘zer aurkitzen ote du pertsona horrek beste horrengan, niretzako erabat pertsona zikoitza da’».
Soinujolearen semean hurbildu zen Atxaga lehen aldiz maitasunaren gaira. Aurrez aurre heldu zion gainera. Eta aipatua izan zen oso. Oraingoan, Teresa, poverina mian ere horretan dihardu. Baina maitasun istorio bat egiteaz gain, euskarak lirika egiteko ere balio duela frogatu nahi izan du. «Nik erabili egin nahi nuen euskara eremu intimoetara lerratzeko. Ipuinaren atzean kezka hori dago».
Ez da lehenengo aldia Atxagak bere ipuinak argitaratzeko formatu hau erabiltzen duela. Aurretik, Tolosako Aranburu Jauregiak plazaratu zuen Mendian gora ipuina eta BBK-k argitaratu zuen Lezio berri bat ostrukari buruz lana. ARGIAk kaleratuko duen Teresa, poverina miak bi horien estetika eta tamaina bera jarraituko du. «Liburu txikiak niri asko gustatzen zaizkit, beti poltsikoan eraman ditzakezu »diosku Atxagak». Nori emango diozu 500 orrialdeko Soinujolearen semea bezalako liburua? Beste ipuin txiki hauek nik askotan erabiltzen ditut gutunetan kanpoko lagunei bidaltzeko, oparitzeko... horrelako ipuintxoak ez du ezer eskatzen, hamar minututan irakur daiteke. Xarma du».
Teresa, poverina mia ARGIAk plazaratuko du lehen aldiz. Ondoren, Soinujolearen semea liburutik kanpo geratu ziren beste hainbat ipuinekin batera, liburu bat prestatuko du Atxagak: Aguiriano, Itzultzaile bat Parisen... dira ipuin horietako batzuk. Liburua datorren urteko udaberrian izango da kalean.
Teresa, poverina mia ARGIAren abuztuko ale bereziarekin batera banatuko da. Harpidedunek etxean jasoko dute ipuina aldizkariarekin batera. Harpidedun ez direnek, berriz, abuztuko ale bereziarekin batera erosi ahal izango dute hilabete guztian zehar 5 euroren truke.
Trumpen muga-zergen inguruan, orain arte, inor gutxik aipatu du horren guztiaren iturburua eta, Sun Tzuren ikuspuntutik, ekimenaren akatsik larriena izango litzatekeena: estrategia zuhur eta sakonik eza.
EAEn, energia berriztagarriko instalazioak non jarri daitezkeen biltzen du Energia Berriztagarrien Lurralde Plan Sektorialak (LPS). Plana osatuta dago, eta laster onartuko dute. Alabaina, zenbait adituk hutsuneak dituela ohartarazi dute, tartean, Gorbeialdeko Herri... [+]
UEUren 53. Udako Ikastaroak izango dira aurtengo udakoak. Zein jardunaldi eta ikastaro izango diren jakinarazi berri dute. Matrikulazioa aurrerago, maiatzean.
Ane Labaka Mayoz bertsolari eta idazleak ‘Hezur berriak’ (SUSA, 2025) poesia liburua plazaratu berri du. Bertan, amatu aurreko eta ondorengo hilabeteetan bizitako beldurrak, ilusioak, biolentziak, presio sozialak, erruak, pozak eta nekeak bildu ditu.
Irati Aizpurua Alquezar abokatuak zuhurtziaz erantzun ditu ARGIAren galderak, eta testuinguru juridikoa eman digu, Debako udal liburutegian gertatzen denaren inguruan. Elkarrizketa zabal batean berriki kontatu dugunez, 2 urtera arteko haurrek galarazita dute Debako haur... [+]
HAPOn etxebizitza turistikoak arautu eta mugatzeko aldaketa puntual bat egin arte eten egingo da herrian gisa horretako etxe gehiago irekitzeko aukera. Alokabiderekin hitzarmen bat egin duela ere iragarri du udalak, etxe hutsak alokairuan jartzeko.
Palestinako Ilargi Gorria larrialdi zerbitzuak baieztatu du gorpuei eginiko autopsiak erakusten duela soldadu israeldarrek tiro egin zietela medikuei. Hil aurretik osasun langileetako batek soldaduek eraso egin zien unea grabatu zuen mugikorrarekin, eta bideoan ikus daiteke... [+]
Euskal Herriko Agintaritzaren Aldizkariaren bidez ezagutarazi da Cañaveras Solar enpresak egingo duela zentrala. Cañaveras Solar enpresaren zuzendaria Rafael Benjumea da, oligarkiako Benjumea familiako kidea. 15 milioi eurotik gorako kostua izango du proiektuak... [+]
“Etapa berri baten hasiera” eta “historikoa” moduko hitzekin aurkeztu du Eusko Jaurlaritzaren Hezkuntza Sailak Euskal Eskola Publikoa Eraldatzeko I. Plan Estrategikoa, Eusko Legebiltzarrean. Edukiak oraindik ontzeko eta zehazteko daudela, plana hamar... [+]
Bost greba egun deitu dituzte apirilerako, "lanez gainezka" daudela eta giza baliabide eta material "oso murritzak" dituztela argudiatuta. ELA sindikatuaren esanetan, udalak "ez du mugimendurik egin nahi".
Osakidetzan egun, ez dago bermatuta euskarazko zerbitzua. Zerbitzu gehienetan ez dago hizkuntza irizpiderik eta herritar euskaldunek bere burua nabarmendu beharra daukate, egoera oso zaurgarrian, euskarazko zerbitzua jaso ahal izateko.
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
.jpg)
Astearteko greba egunak %100eko jarraipena izan du, sindikatuen arabera. Hilaren 11rako eta 15erako deituta daude beste bi lanuzteak. 335 langile kaleratu nahi ditu Japoniako pneumatikoen multinazionalak Basauriko (Bizkaia) plantatik.