Elitekoak baina ezezagunak

  • Asier Urdanpilleta añorgarra Gipuzkoako Kros Txapelketa prestatzen ari da orain eta Gaizka Itza muxikarra berriz, mendiak zuritu diren honetan eskiak jantzita dabil astebururo.Duela hilabete gutxi munduan zeharreko mendietan zebiltzan korrika biak. Txapeldunen Ligako final zortzirenetan ez dira sartu, baina Munduko Mendi Maratoien Txapelketan seigarren eta zortzigarren postuak egin dituzte.
Mendiko Maratoien Euskadiko III. Kopa hasi berritan (ekainean), mendi korrikalariei buruzko artikulua argitaratu genuen aldizkari honetan. Kirol mota honek hemen hartu duen indarraz aritu ginen orduan. Gaizka Itzak ordea, atzerriko mendiak zituela gogoan aitortu zigun: Munduko Mendi Maratoien Txapelketa. Italian, Frantzian, Espainian, Suitzan, Estatu Batuetan eta Malaysian egin dituzte zazpi proba eta Itza muxikarra horietako bostetara joan zen. Oñatin bizi den Asier Urdanpilleta añorgarrak ere bost proba aukeratu zituen. Emaitza: Urdanpilleta munduko mendi lasterkarien zerrendan seigarren postuan geratu zen (laugarrena eta bosgarrena oso gertu omen zituen) eta Itza berriz, zortzigarren. Lorpen handia bi mendi korrikalarien ustez, baina oihartzun gutxikoa makina bat kirolekin alderatuz gero.

Euskal Herriko mendiek ez dute balio

Munduko Kopa ekainetik urrira bitartean egin dute, hilean-hilean ia maratoi bat korrituz. Hemengoak izanda mendian ohituta egongo direla esan diegu biei, baina erantzuna: «Hemen ezin da Munduko Txapelketarako proba bat ere antolatu, eskatutako altuera baino mendi baxuagoak daudelako». 2.000 metrotik gorako mendiak dira txapelketakoak eta gainditu beharreko desnibelak ere 2.000 metrokoak izan daitezke. Mendi lasterketak oso teknikoak dira, ez da korrika egitea soilik, mendian ibiltzen ere jakin behar da. Proba bitxia da «kilometro bertikala»rena adibidez. Izenak berak dioen moduan kilometroko desnibela igo behar da segidan eta gero jaitsi. Urdanpilletak dioenez, «biak gara hasiberriak kirol honetan. Parte hartu dudan proba batean baino gehiagotan gertatu zait ia tontorrera iritsi eta nire buruari galdetzea: hi non sartu haiz? Hau ez duk korrika egin eta kito!».

Munduko Txapelketan sailkatzeko balio zuten gutxieneko lau probetan parte hartu duten korrikalari euskaldun bakarrak izan dira Urdanpilleta eta Itza (bosna proba egin dituzte). Aurkariak berriz, denetarikoak, baina gogorrenak italiarrak. Mendiko gidak eta mendiko eskiko monitoreak izaten omen dira mendi lasterkari asko. Abantaila dutela diote Urdanpilletak eta Itzak: «Alpeetan bizi dira, hor dituzte mendi garaiak eta beti mendian dabiltza». Ez dira gainera, gaztetxoak izaten, 30 urtetik gora dituzte gehienek. Alpeetatik gertu bizitzea ordea, ez da nahikoa Munduko Txapelketako probetan parte hartzeko; laguntza ekonomikoak behar dira. Urdanpilletak Ricardo Mejía mexikarraren adibidea jarri digu. Alde handia ateratzen die gainerako mendi lasterkariei, baina Mexikon bizi da eta proba gehienak Europan egiten dira. Gogor entrenatzeaz gain bidaiatu egin behar da asko.

Babes gutxiko kirola

Urdanpilletak eta Itzak ez dituzte aurtengo Munduko Txapelketako bost probak poltsikotik ordaindu, Gipuzkoako Mendi Federazioak eta Foru Aldundiak lagundu diete. Bi erakundeek maila handiko mendi lasterkariak bultza nahi omen dituzte eta horretarako laguntza ekonomikoa eskaini diete Urdanpilleta eta Itzari, baina babes gutxi dutela aitortu du añorgarrak. «Munduko Kopan seigarren eta zortzigarren egin dugu bi euskaldun hasiberrik eta komunikabideetan ia ez gara agertu ere egin. Jendea ez da ohartu zer egin dugun. Bidaiak ordaintzea ondo dago, baina hori ez da dena. Non dago promozioa?».

Biak neguko «loaldian» daude orain. Datorren urteko mendi lasterketen denboraldiari begira daude, zeharka bada ere. Urdanpilletak etsi xamartuta dirudi, babes faltak datorren urteko denboraldian atzerrian parte hartzea zalantzan jartzeraino. Gaizka Itza animosoago dago eta oraingoz behintzat Dolomitetara edo edonora joateko gogoz. Bitartean Urdanpilletak Gipuzkoako Kros Txapelketa prestatzen segituko du eta Itzak eskia dauka buruan.

Astakirtenkeria
Batek baino gehiagok uste du Munduko Mendi Maratoien Txapelketan aritzea astakeria dela (baita Euskal Herriko probetan parte hartzea ere batzuen ustez). Kirol hori ezagutzen ez dutenak dira iritzi horretakoak, baina Mendi Federazioan bertan ere kirol gogorregia dela uste dute batzuek. Denboraldian ia hilero maratoia (42 km, alegia) egin behar da. Urdanpilletaren iritziz, «ezin du edonork egin, baina asfaltoko maratoiekin alderatuz hain gogorra ez dela esango nuke. Horretarako prestatuz gero maratoi hauen ezaugarri bereziei ondo erantzun diezaiekegu. Ez dakit zergatik esaten duten hain kirol gogorra dela, bestelako kirolekin alderatuz beti ere».

Apustua
Gaizka Itzari galdetu diogu ea inoiz mendiko korrika apusturen batean parte hartu duen eta galdera hori zergatik egin diogun galdetu digu.
Mendiko korrika lehiaketak berriak dira Euskal Herrian, baina apustuak ez. Bi artzainen arteko desafioa izaten zen askotan eta akaso Baraibar-Igaratza (Aralar) ibilbidea egingo zuten, erdi korrika erdi oinez, nolabait orientatuz. Oraingo mendi korrikalarien antzera, baina desafioa tartean zela. Itzak zein Urdanpilletak ez lieke muzinik egingo apustuari. Aurkariaren zain daude.


Azkenak
Frantziako Estatu Kontseiluak Palestinak irabaziko du Kolektiboaren desegitea onartu du

Okzitaniako Tolosako elkartea da aipatu kolektiboa eta Frantziako Gobernuak dekretuz desegin zuen 2022an. Orain Estatu Kontseilua gobernuaren erabakia egokia dela berretsi du.


Izan, badira salbuespen legeak, bai horixe!

Sare Herritarrak antolatuta, pasa den urtarrilaren 11n Bilboko kaleak bete zituen manifestazio jendetsuaren ondoren, berriz sortu da eztabaida, euskal presoei salbuespen legeriarik aplikatzen ote zaion. Gure iritzia azaltzen saiatuko gara.

Espetxe politikan aldaketa nabarmena... [+]


Zedarriak, armagintza, zoru etikoa eta langileok

Duela gutxi think tank izateko jaioa omen den Zedarriak bere 6. txostena aurkeztu zuen. Beren web orrialdean azaltzen dutenaren arabera, zedarriak ebidentea ez den bidea topatzeko erreferentziak dira. Hots, hiru probintzietako jendarteari bidea markatzeko ekimena. Agerraldi... [+]


Eskoziako Lur Garaietan otsoa sartzea klima-larrialdirako onuragarria izango dela iradoki dute

Eskoziako Lur Garaietara otsoak itzularazteak basoak bere onera ekartzen lagunduko lukeela adierazi dute Leeds unibertsitateko ikertzaileek.. Horrek, era berean, klima-larrialdiari aurre egiteko balioko lukeela baieztatu dute, basoek atmosferako karbono-dioxidoa xurgatuko... [+]


Ágredok dioenez, zortzi bat ordu eman zituen ziegako zoruan etzanda Ertzaintzak ospitalera eraman aurretik

Karen Daniela Ágredok dioenez, atxilotu zutenean berak ez zuen ertzainik zauritu, haiek lurrera bota zuten eta konortea galdu zuen. Ondoren, Ertzaintzaren komisariaren zoruan iratzartu zen eta handik ospitalera eraman zuten.


Hiuzz + Bloñ + Adur
Lete ravero bat Iruñean

Hiuzz + Bloñ + Adur
Noiz: otsailaren 15ean.
Non: Iruñeko Aitzina tabernan (Egun Motelak kolektiboa).

--------------------------------------------

Larunbat goiza Iruñean. Neguko eguzkitan lanera doazen gizon –eta ez gizon– bakarti batzuk... [+]


Lorpen baten berri: Nafarroako Museoan Irulegiko Eskua euskaraz bisitatu daiteke

Hizkuntz Eskubideen Behatokiak jaso ditu kexak: bisita gidatuak gaztelania hutsean, eta sarrerako zerbitzuetan ere bai. Bitxia da kontua: baskoien mintzairaren hitzak dituela uste den brontzezko objektua ikustera joan... eta azalpenak gaztelaniaz. Kexek eragina izan dute, eta... [+]


Bideojokoen erabilera handitu egin da helduen artean, Ipsosen arabera

Julen Linazaroso Macsonrisas-eko kideak azaldu duenez, sari-bolek, harrapakin-kutxek eta enparauek bideojokoetan ordu gehiago jokatzea dute helburu. 35 eta 64 urteko pertsonen artean bideojokoen erabilerak gora egin du 2023tik 2024ra, Ipsosek emandako datuen arabera.


2025-02-21 | Euskal Irratiak
Boliviako laborari talde bat sustengatuko dute Xiberoatik

Zubiak eraiki Xiberoa eta Boliviaren artean. Badu jadanik 16 urte Boliviaren aldeko elkartea sortu zela Xiberoan. Azken urteetan, La Paz hiriko El Alto auzoko eskola bat, emazteen etxe baten sortzea, dendarien dinamikak edota tokiko irrati bat sustengatu dituzte.


Osasunbidean 11 medikuk 17.000 euro irabazten dituzte hilero

Ostegunean egoera hori ikertzeko eta zuzentzeko eskatu dio EH Bilduk Nafarroako Gobernuari legebiltzarreko osoko bilkuran. UPNk eta PPk bat egin dute eskaerarekin, eta Osasun Departamentuak urtebete du ikerketa gauzatzeko.


Eguneraketa berriak daude