Jon Mancisidor: «BBK Solidarioa esklusio sozialaren kontrako iniziatiba bat da»

  • BBK-k argi berdea eman berri dio banku solidario motako proiektu bati: BBK Solidarioa. Esklusio sozialaren kontrako proiektu bat da, munduko beste leku batzuetan egin diren esperientzien ildotik, eta, hasiera batean, 2 milioi euroko diru hornidura izango du, gure artean berria den proiektu horren zenbait alderdi oinarrizko bermatzeko. Arlo horretako arduraduna den Jon Mancisidor zuzendariordeak argitu digu egitasmoaren edukia.

2021eko uztailaren 12an

Zer da banku solidarioa?
Operazio finantzarioak egiteko modu berezi bat da, finantza sistema tradizionaletik kanpo dauden pertsona edo kolektiboei finantzazioa erraztu nahi diena. Esklusio sozialaren arriskua edo egoera nozitzen duten pertsonak dira, ondasunik ez dutenak eta, beraz, ohiko finantzazio zirkuituan sarbiderik ez dutenak, zeren operazio baten abal moduan aurkez ditzaketen baliabideak dituzten pertsonei orientatua izaten baita zirkuitu hori. Banku Solidarioaren bitartez, irtenbidea eman nahi zaie esklusioko poltsa horiei. Horretarako, inpaktu sozial eta pertsonal positiboa duten jarduerak finantzatzen dira; hau da, pertsonaren esklusio egoeran edo haren ingurunean ondorio mesedegarriak izango dituztenak. Betiere, zenbait irizpide etiko eta solidario errespetatu behar ditu, eta finantzatzen den jarduera berez ere bideragarria izatea edo antzeko jarduerak sostengatzea lortu nahi da.

Ba al da antzeko esperientziarik munduan?
Munduan asko dira honen antzeko esperientziak. Bitxia bada ere, teknologia Hegotik Iparrera transferitzearen adibide gutxietako bat da hau, behartsuentzako mikrokredituak edo mikrofinantzak Hegoan asmatu baitziren, eta gero Iparrean egokituz joan ziren. Lehen esperientzia ezaguna Bangladeshen izan zen, non Grameen Bank izenekoa jarri baitzen martxan, xede nagusitzat emakume pobreei mikrokredituak ematea zuena. Gero, prozesua indartsu igaro zen Latinoamerikara, eta gero Iparreko herrialdeetara; bereziki, politika neoliberalen garapen handieneko unean, ongizatezko estatuaren lermatzea gertatu denean. Egoera horrek eraman ditu hainbat kolektibo, entitate eta pertsona mikrofinantzen eredu hori aplikatzera bizi maila aurreratuko herrialdeetan, sistema ekonomikotik baztertutako pertsonen poltsa handiak izaten baitituzte. Hor ditugu Holandako kasua, Triodos bankuarekin, edo Italiakoa, Paduan sortutako Banca Populare Italianarekin. Frantzian ere bada produktu solidarioak labelizatzeko iniziatiba bat, Finasolen inguruan.



Zergatik bultzatzen du Bilbo Bizkaia Kutxak esklusio sozialaren kontrako proiektu hau?
BBK-k ekintza sozialaren arloan jarduteko moduan izan duen eboluzio logikoagatik. Bilbo Bizkaia Kutxak, batzar nagusiaren erabakiz, bere mozkinen %30a xedatzen du helburu horretara. Aurtengo ekitaldian, 80 milioi eurora iritsiko da zenbatekoa. Programa horren bitartez, ekintza ildo berri bat abiatu dugu, zabalik dauzkagun gainerako ildoak osatzen eta aberasten dituena. Ekintza berri horrekin, geure estrukturak premia berrietara egokitzen ditugu, eta interbentzioko eredu eraginkorragoak hartzen ditugu. BBKren Banku Solidarioak bere estruktura finantzarioetara biltzen ditu tradizionalki banku sistematik marjinatuak egon diren pertsona eta kolektibo horiek. Horregatik uste dugu iniziatiba benetan positiboa bultzatzen ari garela esklusioaren kontra borrokatzeko.



Demagogo bezala kritikatuak izateko beldurrik baduzue?
Guztiz kontrara. Konbentziturik gaude gure bezeroek, entitate sozialek eta pertsona onuradunek ulertuko dutela lan egiteko modu honek bermatzen duela, hain zuzen ere, finantzazioko operazioak ez daudela karitatean oinarrituak, baizik eta pertsonenganako konfiantzan eta haien erantzukizunean. Jar dezadan adibide bat: Bilbo Bizkaia Kutxa Solidarioak pertsona bati mikrokreditua ematen dionean autonomo gisa hasteko, oso interes apalean egiten du, edo batere interesik gabe kasu batzuetan. Ez diogu ohiko abalik eskatuko, baizik eta emandako hitza betetzea, azaldu digun xedea betetzea eta finantziazioaren zenbatekoa itzultzea alegia. Izan ere, BBK Solidarioaren bitartez, jarraitu ahalko dugu beste operazio batzuk finantzatzen; hau da, beste pertsona askori aukera bat ematen. Beraz, erantzukizun hori bereganatzen duen mailegu hartzailea beste pertsona batzuei laguntzen ari da, esklusioko egoera gaindi ahal dezaten.

Zein sektoreri dago xedatua proiektu hau?
Lehenik eta behin, iniziatiba honen onuradun diren pertsonek finantzazioa jaso eta hainbat proiektutan baliatzen dute: autonomo bezala hasteko, enpresa txikia sortzeko, immigranteen familiartekoei bidaiak finantzatzeko, etxebizitzak egokitzeko, jatorriko herrialdean zorrak kitatzeko, integrazioko eta ekonomia sozialeko enpresak edo ingurumenaren arloko enpresak sortzeko, entitate sozialen gestioko ingurunea hobetzeko eta abar. Edozein adinetako pertsonak izan daitezke, eta profil basikoa honelakoa da: ekonomia prekarioko egoeran dauden familia gurasobakarrak, esklusioko egoeran dauden emakumeak, immigranteak, ezinduak, luzaroko langabetuak eta pobreziako eta marjinazio sozialeko egoeran dauden pertsonak. Bilbo Bizkaia Kutxa Solidarioak, gainera, sustatu egin nahi du pertsona horiekin zuzenean lan egiten duten irabazi asmorik gabeko entitate sozialen ehundura. Talde horiek dira proiektuaren benetako dinamizatzaileak, horiek baitira iniziatiba honen beharra dutenengandik hurbilen daudenak. Horregatik, talde horiek ere iniziatiba berri honen onuradunak dira, beren proiektuak finantzatzeko edota iniziatiba sozialeko edo garapenerako kooperazioko enpresak sortzeko.

Zer fondo dauzka BBK-k iniziatiba honetarako?
Hasiera batean, BBK-k 2 milioi euroko diru hornidura jarriko du, proiektuaren zenbait alderdi oinarrizko bermatzeko, hutsegindako operazioak bermatzeko, gure bezeroek kontratatzen dituzten deposituen berreskuratzea bermatzeko eta abar. Gainera, BBK-k bere estrukturaren parte handi samar bat jarriko du proiektuaren eskueran, benetako apustua baita geure finantza lanari ildo sozial hori txertatzea. Alegia, ez dugu aparteko banku bat sortuko, beste leku batzuetan egin den bezala, baizik eta geure egiteko profesionala jarriko dugu proiektu honetan txertatzeko. Adierazi beharrekoa da BBK Solidarioak ez duela baliabiderik kenduko kutxaren agendan lehendik jasoak dauden beste ekintza sozial batzuetatik.

Bezeroek izango al dute egitekorik?
Bai, noski. Iniziatiba hau ez da gestioko ekipo baten erantzukizuna izango, baizik eta BBK osatzen dugun pertsonen multzo osoarena: profesionalena zein bezeroena. BBK Solidarioaren bitartez, gure bezeroen aurrezkien parte bat proiektu sozial solidarioetan aplikatu nahi dugu. Horretarako, aurki jarriko dugu merkatuan Gordailu Solidarioen emisio bat. Aurrezkiko produktuak dira, kriterio solidarioak eta etikoak dituztenak (esate baterako, inbertsioen helburuak oinarrizko arau etiko batzuk betetzea) eta garapen sozial eta humanoarekin konprometituak sentitzen diren pertsonek kontratatuko dituztenak, 300 euroko zenbateko apal batetik hasita, edonorentzako modukoa izan dadin. Depositatzaileak BBK Solidarioari emango dio bere interes netoen %50a, aipatutako finantzazioko jardueretara bideratuak izan daitezen. Interes horiek Fondo Solidario batera joango dira, eta ekintzen zuzeneko onuradunek ere egingo dizkiote ekarpenak, jaso duten finantzazioaren arabera. Eta BBKren Obra Sozialak depositatzaileek egindako ekarpena halako bikoa egingo dio fondo horri.



Nola kontrolatuko da iniziatiba hau?
Funtsezkoa da BBK Solidariotik egiten dugun guztia ezarritako printzipioekin bat datorrela garantizatzea. Alde batetik, agente guztiek (depositatzaileek, onuradunek, Entitate Sozialek eta BBK-k) Kode Etiko bat sinatu beharko dute, iniziatibaren filosofia eta alderdi bakoitzak hartzen duen konpromisoa zehazten dituena. Bestalde, oinarrizko kontroleko organo bat eratu da, Etikako Komitea, eta haren egitekoa izango da proiektu berriak proposatzea eta onestea edo errefusatzea, aipatutako Kode Etikoa oinarritzat hartuta. Komite horren osaera bat dator proiektuan parte hartzearen eta kolaboratzearen printzipioarekin. Pisurik handiena onuradunek, depositatzaileek eta entitate sozialek izango dute, 7 ordezkari izango baitituzte, aldian-aldian bozketa bidez hautatuak. BBK-k 6 delegatu izango ditu Komitean. Pertsona bakoitzak boto batekin hartuko du parte, nahiz eta proiektuaren filosofia den erabakiak, ahal dela, aho batez hartzea.

BBK Solidarioaren onuradunaren profila
BBK Solidarioa bankuaren onuradun den pertsonaren profila honako hau da: ekonomia prekarioko egoeran dauden familia gurasobakarrak, esklusioko egoeran dauden emakumeak, etorkinak, ezinduak, luzaroko langabetuak eta pobreziako eta marjinazio sozialeko egoeran dauden pertsonak.
Banku solidarioan, eragin sozial eta pertsonal positiboa duten jarduerak finantzatzen dira, pertsonen bazterketa egoeran edo haren ingurunean ondorio mesedegarriak izango dituztenak.


Azkenak
Haur filosofiari buruzko podcasta igandean estreinatuko du ARGIAk: ‘Galdera Basatiak’, Iñigo Martinezek gidatuta

Galdera batzuen aurrean, behin eta berriz helduok ume sentitzen garela dio Iñigo Martinezek, “bizitza zulo existentzialez beterik” dagoelako. Galderaz galdera "behin-behineko erantzunen bila" aritzeko asmoa du irakasle eta filosofoak. ARGIA... [+]


2025-04-04 | Euskal Irratiak
Beñat Molimos: “Herritarren babesari esker du Laborantza Ganbarak iraun hogei urte hauetan”

Euskal Herriko Laborantza Ganberak hogei urte bete ditu. 2005ean sorturik, bataila anitzetatik pasa da Ainiza-Monjoloseko erakundea. Epaiketak, sustengu kanpainak edota Lurramaren sortzea, gorabehera ainitz izan ditu hogei urtez. Asteburu honetan, urteroko besta antolatuko dute... [+]


Itsasadarreko tunelaren obretarako leherketak legeztatzearen aurka mobilizatuko da ostiral honetan ‘Subflubiala Ez!’

Giza-katea antolatu du Subflubiala ez! plataformak eta hitzordua Artaza-Romo Institutuan jarri du gaurko 18:00etan. Bizkaiko Foru Aldundiak Ingurumen Inpaktuaren Adierazpena (IIA) aldatzea du helburu eta horrelakorik ez du onartzen plataformak.


Kutsadura maila handi eta arriskutsuak behatu dira Zubietako erraustegiaren inguruetan

Europan kutsadura maila aztertzen aritzen den Toxicowatch erakundeak egindako ikerketaren emaitzak dira. Erraustegia martxan jarri aurretik egin zituzten lehen azterketak, eta ondoren 2024ra arteko laginak aztertu dituzte. Iazko laginen emaitzak dira honakoak.


Netanyahuri babesa erakutsi eta Nazioarteko Zigor Auzitegiko kide izateari utziko dio Hungariak

Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]


Hezkuntza saila eta sindikatuak ostiralean bilduko dira, eta akordio bat lortzeko nahia adierazi du Jaurlaritzak

Araba, Bizkaia eta Gipuzkoako hezkuntza publikoko irakasleek urtarrilean abiaturiko greba zikloaren bigarren kolpea amaitu eta biharamunean deitu du bilera Eusko Jaurlaritzako Hezkuntza Sailak. Begoña Pedrosa sailburuak adierazi du "akordio bat lortzeko nahia"... [+]


‘Guggenheim Urdaibai Stop’ek Urdaibaiko proiektuaz hitz egiteko bilera eskatu dio museoko zuzendari berriari

Bilboko Guggenheimeko museoaren kanpoaldean bildu dira plataformako kideak, bertan zuelako bere lehen agerraldi publikoa Bilboko Guggenheim Museoko zuzendari berri Miren Arzallusek. Landuko dituen ildoez hitz egiteko "goizegi" dela adierazi du Arzallusek, nahiz eta... [+]


2025-04-03 | ARGIA
Behatokiak hizkuntza eskubideen urraketak betikotzeko arriskuaz ohartarazi du 2024ko txostenean

Behatokiak Hizkuntza Eskubideen Egoera 2024 txostena aurkeztu du. Herritarrek helarazitako gertakarien bilduma aztertuta, ondorioztatu dute 2024an egoerak ez duela hobera egin, eta gainera, kexak jaso dituzten hainbat entitateren eskutik urraketak iraunarazteko jarrera sumatu... [+]


Gasteizen, eskaleak soberan daude

Duela aste batzuk, Diputazio kalean, Gasteizko erdigunean, bi gizonek etxerik gabeko pertsona bat bota zuten lo egiten zuen lokalaren kanpoaldeko eskailera-buru txikitik. Bota ez ezik, berehala metalezko baranda bat ere jarri zuten lonjaren aurrean. Lokala luzaroan hutsik egon... [+]


Trumpek %10 eta %50 arteko muga-zergak ezarriko dizkie mundu osoko herrialdeei: “Amerika berriz aberats egingo dugu”

Mundu osoarentzat %10eko muga-zerga globala inposatuko du Donald Trumpen administrazioak, eta hainbat herrialderen inportazioak are gehiago zergapetuko ditu, tartean Txinakoak (%34) eta EBkoak (%20). Baina Hegoalde Globaleko herrialdeak izango dira kaltetuenak: Lesoto (%50),... [+]


2025-04-03 | El Salto
Luigi Mangionerentzat heriotz zigorra eskatuko du fiskalak, osasun aseguru-etxe bateko buruaren hilketagatik

Heriotza-zigorra eskatzeko argudio gisa, "indarkeria politikoko ekintza" izan zela adierazi du AEBetako Fiskal Nagusiak.


2025-04-03 | Gedar
Israel Premier Tech talde sionista Lizarrako txirrindularitza-lasterketa batetik kanporatzea lortu dute

Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.


Armagintza sustatzearen aurkako manifestua sinatu dute EHUko 135 irakaslek, Jaurlaritzaren posizioa kritikatuta

Zedarriak enpresari taldeak armagintza sustatzera deitzeak eta Jaurlaritzak horrekin bat egiteak "haserrea" sortu diela diote sinatzaileek. Mundu mailako egoera "inoiz baino larriagoa" dela uste dute, eta "Euskal Herriaren etorkizuna oztopa dezakeen... [+]


Espetxera bidali dute Ion Aranburu realzaleari Sorian egindako erasoaren harira atxilotuetako bat

Ion Aranburu koma egoeran eta ZIUan ingresatuta egon zen hainbat astez, erasoaren ondorioz.


Israelgo presondegietako torturak argira ekarri ditu The Independent komunikabideak

Lekukotasunak, autopsia txostenak eta atxiloaldian izenpeturiko adierazpenak bildu ditu The Independent komunikabide britainiarrak. 2023ko urriaren 7az geroztik 70 palestinarrek dute bizia galdu Israelgo presondegietan. Palestinar presoen alde dabilen Addameer elkartearen... [+]


Eguneraketa berriak daude