ARGITALPENAK
Misterio Doktorea
Alfredo Castelli, Lucio Filippucci
Jean françois sauré
48 orrialde
15,90 euro
Misterio Doktorearen komiki berria
Paul Deleutre idazleak, Paul d'Ivoi izengoitiarekin, 1899an sortu zuen Misterio Doktorearen abenturetan oinarriturik osatu dute Alfredo Castellik eta Lucio Filippuccik komiki hau, "Misterio Doktorea eta Milango misterioak". Abentura berrietan murgildurik dabil orain Misterio Doktorea, baina beti bezala Cigale mutil gaztea dauka lagun eta Na-Indra ederrak jarraitzen du bere bihotzeko amodioa izaten. Misterio Doktoreak ezkutupeko misioak izaten ditu. Kultura entziklopedikoa eta mediku jakintza bikaina duen pertsonaia da, eta harat-honat ibiltzeko aluminiozko paretak dauzkan hotel elektriko zoragarri bat du, termo baten antzekoa, bere jan-edarien banatzaile automatikoa, eta irudiak urrutitik hartzen dituen taula telepatikoa eta guzti.
Lur sakratua (Antropologia kulturaleko saioa)
Basandere Taldea
Gaiak
262 orrialde
14 euro
Gizakia unibertsoaren ordenan
Gizakiak unibertsoaren ordena barruan duen lekuaren auziak gero eta gaurkotasun handiagoa duen honetan, "Lur sakratua: Antropologia kulturaleko saioa" Basandere Taldearen lana plazaratu du Gaiak argitaletxeak. Gizateriak planetako ingurumen naturalarekin izan duen harremana eta sortu dituen unibertso sinbolikoak dauzka hizpide, zazpi atal nagusitan banatutako lan honek. Hauexek dira atal horiek: Lurra eta kreazioa; Bide eta paisaia espiritualak; Lurraren energia; Irudiak eta egiturak; Lurrarekin elkarlanean; Fenomeno naturalak eta Glosategia. Jainkosa matriarkalistak, animismoa, totemismoa, txamanismoa... aztertzen dira bertan. Eta baita fenomeno megalitikoaren inguruan argitu gabe dauden misterio sakonak ere.
Animalia harrigarriak
Alain Serres eta Martin Jarrie
Ibaizal
25 orrialde
Animaliak salbatzeko itsasontzia
Bost urtetik aurrerako haurrentzat zeharo aproposa den Alain Serresen ipuin hau Juan Kruz Igerabidek euskaratua izan da. Liburuan agertzen diren marrazkiak, berriz, Martin Jarrierenak dira. "Animalia harrigarriak" liburuak, gainera, paperezko itsasontzi handi bat ere badu barruan, Noeren seme Imajinoek bere koadernoan irudikatu dituen animalia guztiak biltzen dituena uholdetik babesteko. Hirurogeita hamar animalia dira Imajinoek irudikatuak, denera, baina horien artean zortzi asmatuak ere badaude, nork ezagutuko. Izan ere, uholde unibertsalak Lurra urez estali zuenean, Noek ontzi bat egin eta animalia guztiak hara igoarazi zituen, haietako bakar bat ere galdu ez zedin. Bere seme Imajinoek benetakoak eta ametsetakoak salbatu nahi zituen ordea.
Tantak. Hezkuntza aldizkaria
Batzuen artean
Euskal Herriko Unibertsitatea
140 orrialde
7,81 euro
"Tantak" aldizkariaren azken alea
Euskal Herriko Unibertsitateko Argitalpen Zerbitzuak kaleratzen duen "Tantak" hezkuntza aldizkariaren azkenengo zenbakian honako lan hauek daude jasorik: Txema Preciadoren "Aduaren eskutik heziketa artistikoa"; Alfredo Goñi, Santiago Palacios, Sonia Ruiz de Azua eta Luis Mª Zulaikaren artean osatutako "Autokontzeptu fisikoa nerabezaroan eta bere eremuak" eta "Autokontzeptuaren hierarki-izaeraren azterketa eremu fisikotik abiatuz"; Mª Lluïsa Etxeberria eta Anna Romagosaren "Elkarrizketa irakasleen lan-tresna gisa. Psikoanalisiaren ekarpenak (psikologia dinamikoa)"; Irene Lopez-Goñiren "Nafarroako Aldundiko Euskararen Aldeko sailaren ekimenak (1957-1972)" eta Antton Arkaren "Gizarte pedagogiaren esparru akademiko eta lanbide arloa".
Izaten hasi
Patxi Etxeberria s.j.
Egan/ Andoaingo Udala
295 orrialde
Etxeberriaren "Izaten hasi"
Andoainekin lotura zuzena duten Patxi Etxeberriaren lanak hobetsi zituzten "Egan"ekoek haren luma nolakoa zen oraingo irakurleei ezagutzera ematen hasteko garaian, eta Patxi Altunak paratutako bi liburu argitaratu dituzte mementoz: "Umetako oroitzak" deritzana eta "Izaten hasi", non Patxi Etxeberriak (1900-1989) kontatzen dizkigun bere lehen meza eman zuenetik jesuita sartu zen artekoak. Bizi-bizi agertzen da hemen ere XX. mende hasierako euskara, hitanoa, esamoldeak eta beste ezaugarriekin. Euskara batura ekarri dira irakurterrazagoak gertatzeko, baina adizkera bere horretan utzi da, gaur Andoainen erabiltzen dena bezalakoa den ala ez jakiteko.
Gillermoren liburua
Carlo Frabetti
Ibaizabal
107 orrialde / 8,21euro
Liburuetan gordetako altxorra
Gillermok ez du batere gogoko irakurtzea. Liburuek eskola gogorarazten diote eta ikusmena den dohain zoragarri hori alferrik nekatzea dela uste du gainera. Zer dela eta nekarazi behar da milaka kolore eder bereizteko gai den zentzumena, inurriak baino handiagoak ez diren zirriborro itsusiz betetako orrialdeak miatzen? Horixe galdetzen dio bere buruari mutikoak, eta ez da asko pozten bere izebak santurik gabeko liburu bat oparitzen dionean. Nolanahi ere, haren bidez izango du liburuetan gordeta dagoen altxor baliotsuaren berri eta haren atzetik joango da.
Etxe bitan bizi naiz
Miren Agur Meabe
Elkar
31 orrialde
5,50 euro
Gurasoen banaketa gai duen ipuina
Zortzi urtetik aurrerakoei zuzendua dagoen "Eta zer?" sailean Jokin Mitxelenaren marrazki samurrez apaindurik agertu den Miren Agur Meaberen ipuin honek gurasoak banandu zaizkion haur bat dauka protagonista. Zur eta lur gelditzen da neskatila hori hartu duten erabakiaren berri gurasoek ematen diotenean. Asko maite dutela eta adiskidetsu banatuko direla esaten dioten arren, sentimenduen korapilo handia sortzen du albisteak bere baitan. Hasierako harridurak tristura eta kezkari egiten die gero leku. Ingurukoen txutxumutxuak ere oso mingarriak gertatzen zaizkio, gainera, eta eskolako lagun batek ematen dion gurasoak banantzeko azalpen kausala oso hutsala irudituko zaio. Zurrunbilo horren erdian, gurasoekiko sentimenduak ere oso kontrajarriak dauzka. Arretaz begiratzen ditu haien mugimenduak, baina ezeroso egiten zaio jarri nahi dioten mimozko koltxoia. Inor baino galtzaileago sentitzen da, eta mendeku hartzea erabakitzen du. Baina azkenean banaketak ekarri dizkion onuretan hasten da pentsatzen, eta norbait maitatzea, hari zoriontsu izaten laguntzea dela erabakitzen du.
Uribe Kosta BHI institutuko hainbat ikaslek salatu duenez, mezu "iraingarriak, matxistak eta homofoboak" jaso dituzte Batxilergoko beste ikaskide batzuengandik. Horrez gain, gaineratu dute mezuak irakasle bati ere bidali dizkiotela eta beste ikasle batzuen... [+]
Urruña, 1750eko martxoaren 1a. Herriko hainbat emakumek kaleak hartu zituzten Frantziako Gobernuak ezarritako tabakoaren gaineko zergaren aurka protesta egiteko. Gobernuak matxinada itzaltzeko armada bidaltzea erabaki zuen, zehazki, Arloneko destakamentu bat. Militarrek... [+]
Aiaraldeko hainbat irakaslek mezua igorri diete ikasleen guraso eta familiei, dagoen informazio zurrunbiloan, grebarako arrazoiak modu pertsonalean azaltzeak euren borroka eta lanuztea hobeto ulertzeko balioko dielakoan.
Biologian doktorea, CESIC Zientzia Ikerketen Kontseilu Nagusiko ikerlaria eta Madrilgo Rey Juan Carlos unibertsitateko irakaslea, Fernando Valladares (Mar del Plata, 1965) klima aldaketa eta ingurumen gaietan Espainiako Estatuko ahots kritiko ezagunenetako bat da. Urteak... [+]
Ezpatak, labanak, kaskoak, fusilak, pistolak, kanoiak, munizioak, lehergailuak, uniformeak, armadurak, ezkutuak, babesak, zaldunak, hegazkinak eta tankeak. Han eta hemen, bada jende klase bat historia militarrarekin liluratuta dagoena. Gehien-gehienak, historia-zaleak izaten... [+]
Martxoaren 8a hurbiltzen ari zaigu, eta urtero bezala, instituzioek haien diskurtsoak berdintasun politika eta feminismoz josten dituzte, eta enpresek borroka egun hau “emazteen egunera” murrizten dute, emakumeei bideratutako merkatu estereotipatu oso bati bidea... [+]
Euskal hezkuntza sistemaren itunpeko eskolen gainkontzertazioa eta zentro pribatuen umeak hartzeko gaitasuna beherakada demografikoari eta biztanleriaren klase osaketari egokitu behar dira.
Bilboko Udalak zerbitzu publikoak pribatizatzen jarraitzen duela salatu du Bilboko Liburuzainen kolektiboak, besteak beste, kulturari loturiko zerbitzuak. Horren harira, mahai-ingurua antolatu dute martxoaren 3an Bidebarrieta liburutegian, Kulturaren pribatizazioa izenburupean.
Martxoaren 1ean ospatuko du NNPEK-k urteurrena argazki erakusketa eta txalaparta ikuskizun batekin.
Trumpen itzulera pizgarri izan da sendotuz doan eskuin muturreko erreakzionarioen mugimenduarentzat. Izan ere, historikoki, faxismoaren gorakada krisi ekonomikoekin lotuta egon da, baita sistemaren zilegitasun politiko eta ideologikoaren krisiarekin ere. Gaur egun, geldialdi... [+]
Batzuendako, dirutza izatea ez da nahikoa, eta euren ego hauskorrek diruaren txintxina ez ezik, protagonismoa ere eskatzen dute. Aberats okituak izatea nahikoa izango ez balitz bezala. Beti gehiago behar dute, anbizioa deritzote antsia horri, baina botere gosea eta nabarmendu... [+]
Bi neska komisarian, urduri, hiru urtetik gora luzatu den jazarpen egoera salatzen. Izendatzen. Tipo berbera agertzen zaielako nonahi. Presentzia arraro berbera neskek parte hartzen duten ekitaldi kulturaletako atarietan, bietako baten amaren etxepean, bestea korrika egitera... [+]
Iragan urtarrilaren hondarrean, Bretainiako lurraldeko bi hizkuntza gutxituei buruzko azken inkesta soziolinguistikoaren emaitzak publiko egin zituzten bertako arduradunek. Haiek berek aitortu zuten harriturik gertatu zirela emaitzak ikustean. Hain zuzen ere, egoerak eta... [+]
Silicon Valley-ko oligarkia AEBetako gobernura iritsi berritan lehertu da adimen artifizialaren (AA) burbuila. Txip aurreratuen erraldoia den Nvidia-k urtarrilaren amaieran izandako %16,8ko balio galera, egun bakar batean inoiz izan den burtsa balio galerarik handiena da... [+]
Grebaren bezperan Hezkuntza Sailak “edukirik gabeko” mahaia deitu zuela eta sindikatu deitzaileak “errespetatu gabe” akordioa “antzezteko” gutxiengoa duten sindikatuak “erabili” nahi izan zituela salatu ostean, beste bi greba... [+]