Umeak txiki-txikitatik ahalegin intelektual handiak egitera behartuak egoten dira (eskolan batez ere), eta esfortzu horiek exijentzia handiagoak eskatzen dizkiote ikusmen sistemari, bere garapen zuzena eragotziz. Horrela, miopia, hipermetropia, astigmatismoa, anbliopia (ikusmen zirriborrotsua) edota estrabismoa aipa ditzakegu, eskola garaian dauden umeen % 20 baino gehiagori eragiten dieten arazoak bezala.

Zuen seme-alabak urruti kokatuak dauden gauzak ez dituela ongi ikusten esaten badizue, miopia baten aurrean egon gaitezke. Kezkatzeko modukoa da baita ere malkoak etengabe jariatzen baditu, edota buruko minez kexatzen bada. Hori dela eta, Jorge Alió Fundazioak eskuliburu bat argitaratu du, «La visión infantil» izenekoa, eta bertan ume txikien ikusmena zaindu edo babesteko aholkuak ematen dira. Eskuliburu hori eskuratu nahi izanez gero Alacanteko Alio Fundaziora eska daiteke (telefonoa: 965 266919).
Garrantzi handikoa da begien eta ordenagailuko pantailaren artean zuhurtasunezko distantzia bat mantentzea, pantailaren aurrean denbora luzean egon ondoren atsedenaldiak hartzea (berdin dio haurra ordenagailuan lanean ari den, edota jolasean edo txateatzen ari den; denbora bat horretan eman ondotik begiek atseden hartu beharra daukate). Ikasteko, mahaia leiho baten parean jartzea komeni da, hobea baita betiere argiztapen naturala artifiziala baino. Azkenik, telebistaren aurrean ere distantzia minimo bat gordetzea komeni da, estrabismoa (edo begien paralelismo falta) baztertzeko. Aurreneko errebisioa umeak 2-4 urte dituenean egitea gomendatzen da eta ondoren problemaren bat agertu bezain laster