- Maialen Lujanbio «Habe» aldizkarian: «Bertsolaritzatik urrun samar dagoen jende dezente ari da, bazterretan, asko baleki bezala hizketan eta komentarioak eginez: nola kantatu genuen, nola portatu ginen, zer jarrera hartu genuen, zer arrazoibide... Badirudi lau urtean behin edozeinek baduela jakituria guri buruz edozein komentario egiteko».
- Javier Agirresarobek «Euskaldunon Egunkaria»n: «Europako zinemaren bidea gatibu izatea da Ameriketako Estatu Batuetako zinemaren merkatuan. Baina pena ematen dit horregatik film onak albo batera uzteak. Marketinean asko dugu ikasteko. Europan, grabatzen amaitzerakoan bukatzen dira filmak, eta AEBetan berriz, marketina amaitutakoan».
- Ramon Saizarbitoriak «El Diario Vasco»n: «Norberaren argudioak sendotzeko irakurtzea ez irakurtzea bezala da. Bilatzeko irakurri behar da, bestea ulertzen saiatuz».
- Euskadiko Liburu Ganbarako kide Asier Muniategiren aburuz, «liburu azoketan zinema jaialdiek duten akatsa errepikatzen ari gara: bi edo hiru izen handi ez badituzu lortzen, porrot egiten duzu». Hitzok «El Pais»en esan zituen.