TERMOMETROA

ETXERAT, PRESOEN SENIDEEN ERAKUNDE BERRIA SORTU DA

SENIDEAK eta Gureak elkarteek bat egin dute eta aurrerantzean Etxerat deituko da euskal preso politikoen senitartekoak biltzen dituen erakundea. Erakunde berriaren ordezkarien esanetan, Etxeratek ez du Euskal Herrian bizi den egoera politikoaren diagnosi bakar bat, erakundeak pentsamendu desberdinetako jendea biltzen duelako; dena den, gatazkaren irtenbidea elkarrizketan dagoela azpimarratu zuten eta ez bide polizialetan. Karmen Galdeano abokatua izango da erakundearen lehendakari berria.

FRANTZIAR ERREAKZIOAREN ZAIN

AZKEN 15 egunetan bi jendarme larriki zaurituak izan dira, ustez etakideak diren pertsonak identifikatzera joan eta hauek tiroz erantzun dietenean. Ez ohi da izan hau etakideen jarrera eta badirudi lehen Frantzian epaituak izateko soinean zeramaten pistola orain erabiltzea erabaki dutela, presio armatuari beste bira bat emanez. Frantziako agintarien esanetan, polizi indarren jarduera hipotesi hauetara moldatu beharko da aurrerantzean.

AZNAR ELKARRIREN AURKA

JOAN den hilaren 23an Gasteizen emandako konferentzia batean altxatu zuen erbia Xabier Arzalluzek: Jose Maria Aznar Espainiako gobernuko lehendakariak presio zuzena egin zion elizako karguren bati, Elkarriren bake konferentzia bere sinadurarekin sostengatu ez zezan. Madrilen pertsonalki egindako presioa da, eta elizako goi mailako kargu bati adierazi zion bere sinadura emanez gero, elizgizon honek kudeatzen duen elkarteak ez zuela dirulaguntzarik jasoko. Beste pertsona ezagun askok, ordea, sostengua adierazi dio Bake Konferentziari, besteak beste, Joaquin Leguina sozialista, Iñaki Gabilondo, Santiago Carrillo, Joaquin Ruiz-Gimenez eta Jose Luis Sampedro.

500 ERTZAIN GEHIAGO IZATEKO ESKAERA EGINGO DA

BARNE Sailak beste 500 ertzain gehiago LUZAPENAREN PRESIOPEAN NEGOZIATZEN

Madril ari da markatzen Kontzertuaren negoziazioaren erritmoa, eta horren adibide bere garaian presio osagai gisa erabilitako luzapenaren mehatxua gauzatu izana. Negoziazioaren ateak zabalik dira oraindik, baina emaitza positiborik ezean, alde batek bere bidea ezagutarazi du, beste aldearen iritzia kontuan hartu barik: teorian itun izaera duena bideratzeko borondate keinu ezin eskasagorik ezin topa negoziazioaren azken orduei ekiterakoan. Madrilgo presioaz gain, enpresarien zenbait gunetatik etorritakoa ere jasan behar dute Jaurlaritzak eta hiru diputazioek.

izatea eskatuko die Estatuko segurtasun agintarie. ETAk ertzainen aurka egindako azken atentatuen ondoren, Ertzaintzak bere jarduera segurtasun handiagoz burutu dezan egingo da eskaera hau. Gaur egun 7.500 ertzain daude eta eskaera onartuko balitz 8.000 lirateke. Hauetako asko, Erandion 2003rako amaitu nahi den Ertzaintzaren zentru nagusienean izango dira, 1.800 bat, ‘Kale Gorrian’ aldizkariak bere urriako zenbakian jakitera eman zuenez. 270.000 metro kuadrokoa den kuartel honetan 16.000 pezeta (96,16 milioi euro, 630,78 milioi libera) inbertitu ei dira jadanik.

BAKEA ORAIN ELKARTEAK BAKE ALMANAKEA KALERATU DU

BAKEA Orain talde bakezaleak poema, marrazki, argazki, artikulu, ipun eta beste zenbait espresio erabiltzen ditu 2002. urterako prestatu duen almanakean. «Almanakea, gure arteko harremanak okertu ez daitezen, bestela ere nahikoa hondatuak daude eta» titulupean ideologia desberdinetako 29 pertsona ezagunen lanez osatua da liburua: Paco Aliseda, Rober Garay, Juan Armentia, Edorta Jimenez, Julio Flor, Fernando Maura, Eva For Alvaro Bermejo, Iñaki Ezkerra, Felipe Juaristi eta Andolin eguzkitza haien artean.