ZELAI LOKAZTUETATIK PISTA IREKIRA
- Batzuetan neguko euritik ihesi pista estaliak ematen diete aterpe atletei. Bestetan, urtaro berak bultzatzen ditu lasterkariak zelai lokaztu eta aldapatsuetara. Pista estaliaren zein krosaren garaia amaitzear da ordea eta errepideak eta pista irekiek hartuko dute lekukoa.
Negua epelean eta aterpean (pista estalian) aritzeko garaia da eta baita hotz eta euriei aurre eginez zelai, aldapa eta lokaztiak iltzez zanpatzeko ere. Horrela, otsailaren 17-18ko asteburuan Euskadiko atleta hoberenak (batzuek kale egin zuten, hala nola, Montxu Miranda eta Nerea Azkaratek) Donostiako Belodromoan, pista estalian, lehiatu ziren Euskadiko Txapelketan. Espainiako Txapelketarako minimak egitea zuten haietako batzuek helburu. Otsailaren 18an Bilbon Bilbao-Bilbao izeneko lasterketa estreinako aldiz antolatu zen. 12 kilometroak 500dik gora atletek burutu zituzten. Asteburu berean Kluben arteko Espainiako Kros Txapelketa jokatu zen Salamancan. Euskal Herriko ordezkariak han ziren. Egun berean, Salamancarako hautatze probak gainditu beharrik gabe eta bidaia luzeegiaren beharrik gabe Donostian hiriko erdigunetik at, erdi ezkutuan ehunka atleta bildu ziren Miramonen igande goiza lasterka igarotzeko asmoz.
Negua aurrera doan heinean lokatz arteko norgehiagokak bertan behera geratuko dira, baita pista estaliko lasterketak, jauziak eta tiraldiak ere. Kilometro asko egin nahi dituenak errepideko lasterketetara joko du eta aurrez aurre izango ditu maratoi erdiak eta maratoiak. Lasterketak metroetan neurtu eta eraztunaren kaleetan burutu nahi dituenak pista irekietan izango du aukera.
Asteburu bakarrari erreparatzea nahikoa da aukeraren oparotasunaz ohartzeko. Beste hainbeste adierazten du behean jarri dugun atletismoari dagokion urteko egutegiak. Noski, ez dira hor ekitaldi guztiak ezta gutxiagorik ere. Esan dezagun saio hauek bidaiatzeko aitzakia ematen digutela. Eta korrika zaletua ez dadila tronpatu; probok ikustekoak gehiago dira egitekoak baino.
Euskal Herriko hainbat txapelketa zerrendatu ditugu, baita Espainia, Europa eta mundu mailako probak ere. Martxoan garenez kroseko eta pista estaliko probak amaitzear daude eta orain errepideko eta pista irekiko lasterketen garaia da. Kadete mailakoekin hasi eta beteranoen mailako probetaraino izendatu ditugu. Esan bezala proba gehienak telebistaz edo bertatik ikustekoak dira, atleta profesionalak gozatzeko paradarekin. Dena den, arretaz irakurri batzuetan ia edonork parte har dezake-eta. Urtea hasi besterik ez dugu egin, baina azaroa hortxe dago eta korrikalari zaletuen proba gustukoena, Behobia-Donostia iristear da...
- 4. Espainiako Kros Txapelketa. A Coruña.
- 8/11. Europako Beteranoen Txapelketa. Pista estalia. Bordele.
- 10/11. Munduko Txapelketa. Pista estalia. 9-11 Lisboa.
- 10/11. Juniorren Munduko Txapelketa. Pista estalia. Zaragoza.
- 11. Espainiako Txapelketa. 100 km. Madril.
- 11. Euskadiko kadeteen kros Txapelketa. Urtuella.
- 17-18. Jubenilen Espainiako Txapelketa. Pista estalia.
- 18. Espainiako Txapelketa. Martxa. Mollet del Valles
- 18. Espainiako Maratoi Txapelketa. Bartzelona.
- 24/25. .Munduko Kros Txapelketa. Dublin.
- 24. Euskadiko Iraupen Txapelketa. Barakaldo
- 25. Unibertsitate arteko milia. Gasteiz.
Apirila
- 7.10.000 m.-ko Europako Challenge-a. Barakaldo
- 22. Iurretako XXI. Lasterketa.
- 28/29. Europako Errepideko Beteranoen Txapelketa. Malta.
- 29. Espainiako Beteranoen Maratoi Txapelketa. Madril.
- 29. Bilboko VII. Maratoi Erdia. Euskadiko Txapelketa.
- 29. Euskadiko kluben arteko junior Txapelketa. Gasteiz.
Maiatza
- 05. Euskadiko kluben arteko Txapelketa. Gizonezkoen 2. maila. Gasteiz.
- 05. Euskadiko kluben arteko Txapelketa. Emakumeak lehen eta 2. maila. Bizkaia.
- 12. Ohorezko mailako kluben arteko Txapelketa.
- 19. Bilboko mitina.
- 19. Europako IV Kopa. Martxa. Dudince. (SVK)
- 26/27. Kluben arteko Europako Kopa.
Ekaina
- 02. Euskadiko kluben arteko Txapelketa. Ohorezko maila. Gipuzkoa.
- 02/03. Euskadiko kadete Txapelketa (Bakarkakoak eta klubak). Gipuzkoa
- 03. Bilboko XIX. Maratoia (Euskadiko Txapelketa).
- 09/10. Euskadiko jubenil eta junior Txapelketa. Pista irekia. Bizkaia.
- 23/24. Jubenilen Espainiako Txapelketa. Monzon. Huesca.
- 23/24. Beteranoen Espainiako Txapelketa. Pista irekia. Salamanca.
- 30. Barakaldoko Udaletxearen XVI. Atletismo Saria.
- 30. Espainiako Maratoi Erdiko Txapelketa. Arona. Tenerife.
- 30/01-7. Promesen Espainiako Txapelketa. Prat de Llobregat.
- 30/01-7. Espainiako junior Txapelketa. Granada.
- XVIII. Berazubi Sari Nagusia. J. M. Imazen omenez. Tolosa.
Uztaila
- 07/08. Euskadiko Txapelketa. Pista irekia. Gasteiz.
- 12/15. Jubenilen Munduko Txapelketa. Debrecen. Hungaria.
- 12/15. 23 urtez azpikoen Europako Txapelketa. Amsterdam. Holanda.
- 15. 10.000 m.-ko Espainiako Txapelketa.
- 19/22. Europako junior Txapelketa. Grossetto. Italia.
- 21/22. Espainiako Txapelketa. Valentzia.
Abuztua
- 26. 100 km.-ko Munduko Challenge-a. Cleder. Frantzia.
Iraila
- 22. XIV. Berangoko Nazioarteko milia.
- 29. 100 km.-ko Europako Challengea. Winschoten Holanda.
Urria
Azaroa
Abendua
Kolore morez margotu dut urteko lehen hilabetea, sormena, irudimena, jakintza eta espiritualitatearen kolorez.
Lagun txiletar batek bere herriko istorio bat kontatu dit, eta ahoa bete inplante utzi nau. Han “quintral” esaten dioten landare batena da, Tristerix corimbosus. Txile eta Argentina hegoaldeko baso epeletan bizi da, eta gure lurralde epeletan hazten den mihuraren... [+]
Urteak daramatza martxan Ipar Euskal Herrian Trebatu elkarteak, laborantzan proiektua abiatu nahi duten pertsonek aurrez trebatzeko aukera izan dezaten. Ipar Euskal Herriko proiektua eredutzat hartuta eta ideia berari tiraka, Gipuzkoan ere izen bereko elkartea sortu dute aurten... [+]
Koloretsuak, distiratsuak, forma xelebre bezain ederrekoak diren heinean, nudibrankioek beste planeta batetik iritsitako izakiak dirudite. Itsas hondoko izaki biluzi hauek 1980ko hamarkadako gandorretako kolore biziak eta Parisko joskintzako izen handien moda arkitektonikoa... [+]
Botere sindikalaren inguruko bigarren azterlana argitaratu du Ipar Hegoa fundazioak. 2016an argitaratu zuen lehena eta, beraz, orain 2016 eta 2023 arteko eboluzioa ikus daiteke. Ondorio nagusien berri emateko prentsa agerraldia egin dute ostiral honetan LABeko koordinatzaile... [+]
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
WordPress-en formularioak sortzeko Ninja Forms pluginaren euskaratzea utzita zegoela ikusita, Iametzak bere gain hartu du itzulpena eguneratzeko lana.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
Joan den asteartean, hilaren 31n, Boli Kostako presidente Alassane Ouattarak iragarri zuen bertan behera utziko zituela Frantziarekiko harreman militarrak. Horren ondorioz, datozen asteetan 1.000 bat soldadu frantses atera beharko dira herrialdetik.
.jpg)
Espainiako Estatistika Institutuak erreferentziazko indize berria argitaratu du urtarrilaren 2an. Horren arabera, alokairuen prezioak gehienez %2,2 garestitu ahalko dira urtean. Indize hau 2023ko maiatzaren 25ean indarrean sartu zen Etxebizitza Legearen ondorio da, eta data... [+]
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Askok espero zuen moduan, Nazioarteko Pilota Federazioak Euskadikoa onartu ostean eskubide osoko kide gisa, Espainiako kirol-erakunde, alderdi politiko edota hedabideek erabakiaren aurkako oldarraldia hasi dute, nork beretik presioa eginez. Ostegunean, Espainiako Pilota... [+]