GURE HEREDENTZIA
Hori bururatu zitzaidan Txirri, Mirri eta Txiribitonek Euskadiko Orkestrarekin plazaratu duten diskoa lehenbizikoz entzun nuenean. Europako leku askotan (zertarako hasi Afrikako haurrekin alderatzen...) egin al diezaiokezu zure umeari holako opari bat?
Askotan nabil inguruko kulturetan zer kopiatu-egokitu bila. Eta aitortzen dut euskaraz egiten dugun gauza asko hizkuntza eta kulturaren normalkuntzaren aldeko ahaleginean justifikatu behar dugula. Baina gure arteko proiektu eta produktu batzuek gure inguruko kulturetakoen erdian beren distira erakutsiko dute hemendik urte askotara ere, norbaitek historiaren hautsa kentzen dien bezain pronto.
Disko hori bezalako luxuak eskaintzen dizkigute gure arteko batzuen talentuak, beste batzuen esfortzuak... eta diru publiko autonomikoaren laguntzak. Eragiten dugun mediokritatearen erdian sortzeko gai garen edertasuna goza dezagun, eta amets egin gure haurrek heredentzia xahutu ez baina ugaritu eta zabaltzeko baliatuko dutela.
Alta, ez ditugu egun gozoak edertasunaz mintzatzeko. Pentsa zitekeen, 98ko udazkenean ageri zena baino konplikatuxeagoa gertatu behar zuela hain urte luzez abertzaleen artean ere ereindako gorrotoak ez maitasun baina gutxienik elkarlan bihurtzeak. Ordea, hipotesirik txarrena ere on uzten duen dezepzio gorri hau, egun gogorragoen bezperatan gaudelako susmoa, ilunpe hain zorrotza... desastre hau heldu behar zuenik nekez asma genezakeen.
Begiek ez digute oraindik ahaztu Andoaingo kalean datzan gorpu odoldua. Ez dut ezagutu Lopez de la Calle, ez dut maitatu pertsona bezala, ez dut istimatu idatzi duena... eta zer? Injustizia galanta, trajedia, eta okerra.
Nola iritsi gara honetara? Nora goaz honela? Zer egin behar izan genuen beste modu batera beste norabait heltzeko? Eta zer egin dezakegu oraindik honetatik irteteko? Ekintza-errepresioa-ekintza ote da ala errepresioa-ekintza-errepresioa, zorabiatzen gaituen zurrunbilo hori? Gure herriarentzako opari aberasgarriago bat sortzeko gai izan beharko genuke.
"Tunel beltzera goaz berriro" esan dit euskal politikagintzaren gorabeherez jakitun izan behar duen adiskideak. Ez dakit nork erabakita. Ez dakit zergatik. Eta okerrena dena, ez dakit zertarako.
Gure azken urteetako iraganak prezioa kobratu behar zigula bagenekien. Sufrimendu gehiegi metatu da. Harrokeriak bere bidea egin du. Txarrera sobera ohituak izango gara. Konpondu behar ditugun gaitz guztien zamaren eraginak badira asteotako laino beltz hauek, faktura zaharren kitapenak, prezio garestiz bada ere irtengo gara. Baina okerragoa izango da hau dena xake joko moduan han, hor edo/eta hemen diseinatutako estrategia eta taktiken gorabehera baldin bada.
Zeren eta garai berean, Hernaniko kaleetan hogeita hamar gazte falta dira, eraman dituzte, ez bat, ez sei, ez hamabost, ez hogeita bi... lege antiterroristaren babesean. Hogeita hamar hutsune horiei, gehi lehendik urrutiratuta dauden beste herritarrenei, begira daude gure umeak.
Ez dakit urteotan pilatu ditugun aberastasun pixarrak inguruko burrunba mediokrearen erdian baloratzeko gai izango diren, gure haurrak. Baina seguru dakit heredentzian utzi dizkiegun zor eta hipotekak jadanik pagatzen ari direla
Merino 2001. urtean atxilotu zuten, eta dispertsioa jasan du, zigorraren zati handi bat Euskal Herritik kanpoko kartzelatan igaro baitzuen baldintza “zailetan”. Orain, askatasuna berreskuratu du.
Urte berriaren hasierarekin, hainbat zerbitzu eta produkturen prezioetan igoerak izango dira. Elikagaietan, energia fakturetan, udal-zergetan eta etxebizitza gastuetan garestitze nabariak atzemango dira.
Euskal Herria nazio dela aldarrikatzeko ekitaldia egingo dute Donostiako Kursaalean. Astebeteko ekitaldi sorta izango da.
Euskaltzale eta militante gasteiztarra abenduaren 30ean hil da. Gontzal Fontaneda Orille (1943-2024) 1960ko hamarkadan euskarak Gasteizen egin zuen bidearen lekuko eta bidelagun izan zen. 15 urterekin hasi zen euskara ikasten. Euskara ikasteko metodo bat asmatu zuen eta euskara... [+]
Ander Magallon, Mikel Irure eta Xabier Jauregi Metropoli Forala saioan egon dira maskulinitate berrien inguruan mintzatzen.
Getariako etxebizitza batean egin dio eraso, Segurtasun Sailaren arabera. Emakumea astero joaten zen terapia naturaleko kontsultara, eta Ertzaintza ikertzen ari da ea antzeko ekintzen biktima gehiago dauden.
Media.cat-ek egindako azken ikerketak agerian utzi du emakume kazetariek Katalunian jasaten duten sexu-diskriminazioa. Inkestatutako emakumeen %54,4k sexu-jazarpena jasan dutela eta %55,1ek sexu-generoaren araberako jazarpena izan dutela adierazi dute.
Sexu erasoak 1998an hasi ziren, biktimak 13 urte zituenean. 2003an kluba utzi bazuen ere, emakumeak iaz salatu zituen sexu erasoak, Mario Lopezek taldeko entrenatzaile gisa jarraitzen zuela. Orain 18 urteko espetxe-zigorra eskatzen du akusazioak, fiskaltzak baino lau urte... [+]
Hussam Abu Safiya medikua askatzeko eskatu du Osasunaren Mundu Erakundeak, eta bere aldeko kanpaina ere abiatu dute sareetan. Abu Safiya medikua ez da edonor; nazioartean erreferente bihurtu da, berak zuzentzen zuen ospitalearen aurka egindako erasoak kontatzen zituelako.
Garai aproposa izaten da urteburua iraganeko lorpenak goraipatzeko eta, are gehiago, etorkizuneko asmo-usteak aldarrikatzeko. Eta halatsu da Txinan ere, alafede. Bide batez, ez da harrigarria abenduko azken orduetan, aurreikusitako planari aurrea hartuz, Xinjiangeko Urumqi-Yuli... [+]
Urtezahar gauean petardo, bengala, traka, suziri eta bestelako gailu piroteknikoekin jolasean arituko dira asko eta asko aurten ere, horietako ez gutxi adin txikikoak. Eta errepikatuko dira istripuak, suhiltzaileen esku-hartzeak, eta burrunba gordin sufritzen duten ume, adineko... [+]
Suhiltzaileek beste sute bat itzali behar izan zuten abenduaren 27an Zubietako erraustegian.
Badira, garun distiratsua izanik, "zehaztasun gutxiko" definizioekin, gauza bera, beste era batera esanda, aldatzen eta itxuraldatzen adituak direnak. Berea zen, eta hainbat hamarkadatan errepikatu den proiektu in eternum bat izan da. Hasiera batean hori zen hegemoniko... [+]
Bizilagunekin plataformak gogor kritikatu du Donostia 2030eko munduko futbol txapelketaren egoitzetako bat izatea, Marokok, Portugalek eta Espainiak antolatuko duten edizioan. “Hiria munduko mapan kokatzea” eta “lehen mailako kirol ikuskizuna herritarrei... [+]
Nazioarteko ordainpeko streaming plataformetan, Amazon Prime Video eta Netflix izan ziren lehenak euskarazko edukiak eskaintzen, eta orain Max gehitu zaie (2024 arte HBO edo HBO Max izan dena). Pantailak Euskaraz-ek azpidatziak moldatu ditu, eta EITBk bikoizketak eskaini, eta... [+]