ALDERDIZALEAK BAINO ABERTZALEAK
Maiuskulaz hasitako Alderdia duela hogeita bost urte PNV zen, eta jelkideak ez ginenok (nor zen PNVkoa duela hogeita bost urte?) estimatu genion abertzale zaharrari bere bihotzeko partidua herriaren ondoan erlatibizatu izana.
Urteak pasa dira eta minuskulaz beteriko alderdiz josita bizi gara abertzaleok. Eta euskaltzaleok. Alderdi aparato politikoak. Alderdi enpresak. Alderdi sindikatuak. Alderdi elkarteak. Alderdi mugimenduak. Alderdi erakunde armatua. Alderdi unibertsitateak.
Nik bezala ikusi, entzun eta irakurri dituzu hauteskunde ondorengo erreakzioak. Begira Lizarra-Garazikoaren paraderoa. Alderdiek etorkizuna segurtaturik daukate; denek asmatuko dute egoera bakoitzean nola moldatu. Horretarako bizi dira.
EGUNOTAN eskuratu dut Xiberoko Botzak behar duen egoitza berriaren aldeko kanpaina arrazoitzeko bidali digun txostena. Herrialde horretan euskarak bizi duen egoera kontatzen digu datu labur eta gordin batzuekin. Ez da kasik gehiago euskararik dakien haurrik Zuberoan. Eten da katea. 1979an etor zitekeela ikusten zena iritsi da, eta kito.
Ez dut uste 1982ko urtarrilean ARGIA honetarako elkarrizketatu genituen abertzaleak hogei urte beranduago askorik kontsolatuko dituenik orduko beren kalkuluetan asmatu izanak. Bai azierto tristea!
Horregatik ez nuke Zuberoako abertzale bakanekin batera arrazoi izan nahi beste hogei urte barru. Astekari honetan Iraia Mendi kazetari gazteak hango beharrak kopuru eta guzti deskribitu berri ditu: 600 lanpostu behar ditu Zuberoak, biziraun nahi badu. Baina nork egingo ditu? Nola?
Azken hogei urteen errebisioa egin behar genuke azkar: politikari profesionalek, beren buruak abertzale dituzten enpresariek, komunikabideok, kultur munduko jendeek... Zertan egin dugu huts?
ABERTZALETASUNA guztion begien aurrean ahulduta dabil, frankismoaren azken urteetan hartu zuen txanparen inertzia ahitzen ari zaiolarik, eta aldiz abertzaleak ez ditut sobera larrituak ikusten. Harro bizi gara. Kontsolamendu merkeetan zorabiatuak. Abertzale itsuok.
Hala iritsi gara 2000. urtera. Genituen espektatibak ez dira bete baina denok dugu arrazoi bana, hortzak garbitu bitartean ispiluari erreparatu eta lasai antzean joateko gauero lotara. Denok baitugu argi erruduna bestea dela. Bestea edo beste bat. Espainolak eta frantseak, horiek fijo. Borroka armatua egiten dutenak. Autonomista epelak. Etxean Madril eta Parisek infiltratu dizkigutenak. Edozein delarik ere, zu pekataria.
Herri honi bidea markatuko dioten estrategak falta direla somatzen da. Eta aldiz, denok ere errazegi erortzen gara ostatuko taktiko izan nahiaren tentaldian.
Apaltasuna behar da Emilio Lopez Adanek "Euskaldunon Egunkaria"n Iparraldearen hondamendiaz ari zela aitortu duena aitortzeko: "Etorkizuna helburu, barnean eta kanpoan direnentzat, estrategia ausart eta eragingarria asmatu beharko genuke. Eta ez dakit nola". Abertzale apal eta sobornaezinak dira preziso.
Abertzale zibil eraginkorrak behar ditugu. Beren neurriko helburu bat markatu eta lortzeko bideak egiteko gai direnak. Ezintasuna aitortzeko gai direnak. Errealitatearen zati bat bederen hobetzeko kapableak. "Lehenik aberria eta gero nire alderdia" sinesten dutenak
Merino 2001. urtean atxilotu zuten, eta dispertsioa jasan du, zigorraren zati handi bat Euskal Herritik kanpoko kartzelatan igaro baitzuen baldintza “zailetan”. Orain, askatasuna berreskuratu du.
Urte berriaren hasierarekin, hainbat zerbitzu eta produkturen prezioetan igoerak izango dira. Elikagaietan, energia fakturetan, udal-zergetan eta etxebizitza gastuetan garestitze nabariak atzemango dira.
Euskal Herria nazio dela aldarrikatzeko ekitaldia egingo dute Donostiako Kursaalean. Astebeteko ekitaldi sorta izango da.
Euskaltzale eta militante gasteiztarra abenduaren 30ean hil da. Gontzal Fontaneda Orille (1943-2024) 1960ko hamarkadan euskarak Gasteizen egin zuen bidearen lekuko eta bidelagun izan zen. 15 urterekin hasi zen euskara ikasten. Euskara ikasteko metodo bat asmatu zuen eta euskara... [+]
Ander Magallon, Mikel Irure eta Xabier Jauregi Metropoli Forala saioan egon dira maskulinitate berrien inguruan mintzatzen.
Getariako etxebizitza batean egin dio eraso, Segurtasun Sailaren arabera. Emakumea astero joaten zen terapia naturaleko kontsultara, eta Ertzaintza ikertzen ari da ea antzeko ekintzen biktima gehiago dauden.
Media.cat-ek egindako azken ikerketak agerian utzi du emakume kazetariek Katalunian jasaten duten sexu-diskriminazioa. Inkestatutako emakumeen %54,4k sexu-jazarpena jasan dutela eta %55,1ek sexu-generoaren araberako jazarpena izan dutela adierazi dute.
Sexu erasoak 1998an hasi ziren, biktimak 13 urte zituenean. 2003an kluba utzi bazuen ere, emakumeak iaz salatu zituen sexu erasoak, Mario Lopezek taldeko entrenatzaile gisa jarraitzen zuela. Orain 18 urteko espetxe-zigorra eskatzen du akusazioak, fiskaltzak baino lau urte... [+]
Hussam Abu Safiya medikua askatzeko eskatu du Osasunaren Mundu Erakundeak, eta bere aldeko kanpaina ere abiatu dute sareetan. Abu Safiya medikua ez da edonor; nazioartean erreferente bihurtu da, berak zuzentzen zuen ospitalearen aurka egindako erasoak kontatzen zituelako.
Garai aproposa izaten da urteburua iraganeko lorpenak goraipatzeko eta, are gehiago, etorkizuneko asmo-usteak aldarrikatzeko. Eta halatsu da Txinan ere, alafede. Bide batez, ez da harrigarria abenduko azken orduetan, aurreikusitako planari aurrea hartuz, Xinjiangeko Urumqi-Yuli... [+]
Urtezahar gauean petardo, bengala, traka, suziri eta bestelako gailu piroteknikoekin jolasean arituko dira asko eta asko aurten ere, horietako ez gutxi adin txikikoak. Eta errepikatuko dira istripuak, suhiltzaileen esku-hartzeak, eta burrunba gordin sufritzen duten ume, adineko... [+]
Suhiltzaileek beste sute bat itzali behar izan zuten abenduaren 27an Zubietako erraustegian.
Badira, garun distiratsua izanik, "zehaztasun gutxiko" definizioekin, gauza bera, beste era batera esanda, aldatzen eta itxuraldatzen adituak direnak. Berea zen, eta hainbat hamarkadatan errepikatu den proiektu in eternum bat izan da. Hasiera batean hori zen hegemoniko... [+]
Bizilagunekin plataformak gogor kritikatu du Donostia 2030eko munduko futbol txapelketaren egoitzetako bat izatea, Marokok, Portugalek eta Espainiak antolatuko duten edizioan. “Hiria munduko mapan kokatzea” eta “lehen mailako kirol ikuskizuna herritarrei... [+]
Nazioarteko ordainpeko streaming plataformetan, Amazon Prime Video eta Netflix izan ziren lehenak euskarazko edukiak eskaintzen, eta orain Max gehitu zaie (2024 arte HBO edo HBO Max izan dena). Pantailak Euskaraz-ek azpidatziak moldatu ditu, eta EITBk bikoizketak eskaini, eta... [+]