LAU ARGIUNE EUSKARAREN TUNEL ILUNAREN LEKUKO
- Tunela» deitu duten erakusketa ibiltaria da. Ekitaldi edo jai handia abenduaren 4an egingo dute Elorrion. Euskalgintzaren 20 urte hauetako lana biltzen duen liburua ere kaleratuko dute.
Tunela izateak badu bere zentzua Euskal Herrian Euskarazeko kideen ustez, izan ere, euskara normalizazioaren bidetik doan arren, eta ibilbidearen amaieran argi izpirik ikusten den arren, oraindik erdi ilunpetan aurkitzen baita.
Euskal zibilizazioaren sorrerari buruzko gunean, berriki kaleraturiko «Euskal Zibilizazioa» liburuan oinarrituta Alfonso Martinez Lizarduikoak eginiko lana dago ikusgai.
Historian zehar euskarari eginiko erasoak biltzen dira hurrengo gunean. Honetarako Joan Mari Torrealdairen «El libro negro del euskara» hartu da oinarritzat. Liburu mamitsu honetatik ateratako erasoak Mattin komikigilearen marrazkiek alaitzen dituzte, halakorik alaitu badaiteke behintzat.
Hirugarren gunea ez da erakusketa soil bat, gune honetan euskalgintzak azken hogei urte hauetan egin duen lana omendu nahi izan da. Lan hau irudikatzeko urte hauetan zehar kaleratu diren kartelak daude ikusgai.
Azken gunea «Bai Euskarari gunea» deitu dute antolatzaileek. Gune honetan EHEren helburu nagusi den Euskal Herri elebakarrerako oinarriak eta aurrera begirako erronkak proposatzen dira. Honekin batera joan den urteko abenduaren 26an Euskal Herriko bost estadioak bete zituen «Bai Euskarari» jaialdiaren bideoa ikus daiteke. Bideo honekin euskal gizarteak euskararekiko duen atxekimendua erakutsi nahi da.
Erakusketa honek Euskal Herri osoko zenbait herritan egingo ditu geldialdiak. Urriaren 12an, Billabonan eman zitzaion hasiera ibilbide honi eta Baionan amaituko da martxoaren azken egunetan. Tartean, ordea, Iruñean, Ondarroan, Ordizian, Donostian, Bilbon, Laudion, Gasteizen... geldituko da.
Herri bakoitzeko geldialdia asteazken edo ostegunetik igandera bitartekoa izaten da. Astean zehar «Euskararen Tunela» dago ikusgai, baina asteburua hurbildu ahala egitaraua zabaldu egiten da, are gehiago hiriburuetan dagoenean. Ostiraletan herri afariak antolatuko dira. Afari hauek eskualde bakoitzeko euskaltzaleen topagune izatea nahi dute.
Larunbata gazteei eskainitako eguna da eta hauentzat rock kontzertuak antolatuko dira. Igandean berriz, haurrek izango dute gozatzeko aukera, honetarako pailazoak izango dituzte lagun.
Duela hogei urte euskarak behar batzuk zituen eta horiek bultzatu zuten Euskal Herrian Euskarazen sorrera. Egun, berdin segitzen dugu; euskarak gure borroka behar du, baita merezi ere, eta gu prest gaude jarraitzeko. Nahi duena etor bedi gurekin
Adierazpen honi jarraiki, Euskal Herrian Euskarazen urteurren honek hiru xede edo helburu ditu: batetik, EHE bizirik eta lanerako gogoz dagoela erakustea. Bigarrenik, duela hogei urte hasitako lanarekin eta orduan hartutako konpromisoarekin jarraitzen duela jakinaraztea. Eta azkenik, euskalgintzak urte hauetan guztietan egin duen lana eskertu eta omentzea.
Azken helburu hau gauzatuko duen liburu bat emango dute argitara aurki EHEko kideek. Liburu honetan euskalgintzaren lana bilduko da, hain zuzen ere. Euskal Herrian Euskarazeko kideek liburua Durangoko Azokan aurkeztu nahi bazuten ere, ez da posible izango. Hala ere, urte amaierarako kalean egotea espero da.
Musikaren konpainian irakurtzea atseginagoa dela-eta, mini-CD bat ere kaleratuko dute. Bi abesti biltzen dira bertan, edo hobe esan, abesti beraren bi bertsio, Etsaiak taldeak egin duen rockeroa bata, eta Ene Bada taldeak trikiti erritmoz busti duena bestea. Abestiari Oihane Enbeitak jarri dio hitza.
Faroe uharteetan, Ipar Atlantikoko artxipelago bat, Danimarkaren kontrolpean, urtero ehunka zetazeo hiltzen dituzte –normalean milatik gora–. Batzuek "tradizioa" deitzen diote, hainbat mendetako antzinatasuna duelako. Baina odolez gorritutako hondartzan... [+]
Ukrainako fluxua eten ostean, Errusiako gasa jasotzen jarraituko duela iragarri du Eslovakiak, eta Transnistriak uko egin dio Europaren "laguntzari".
Gasteizko Campuseko Filologia Hispanikoko irakasle baten aurkako salaketen berri izan bezain azkar, asanblada irekia egin zuen GUET Gasteizko Unibertsitateko Emakume Taldeak. Aste bakarrean “hamarnaka” salaketa eta testigantza berri jaso dituzte. Irakaslearen... [+]
Gabonetako argiak pizteko ekitaldia espainolez egin izanak, Irungo euskaldunak haserretzeaz harago, Aski Da! mugimendua abiatu zuen: herriko 40 elkarteren indarrak batuta, Irungo udal gobernuarekin bildu dira orain, alkatea eta Euskara zinegotzia tarteko, herriko eragileak... [+]
Irungo tren geltokian, Aduanaren eraikinaren atzealdean dagoen Pequeña Velocidad pabiloiak zutik jarraituko du, 1936ko gerraosteko giltzapetze-sistema beldurgarriaren lekuko gisa, talde memorialisten borrrokaren ondorioz. Pabiloia frankistek erabili zuten 1936tik 1942ra,... [+]
_2.jpg)
EHUko Errektoretza Taldeak ARGIAra igorritako oharrean zehaztu duenez, Filologia Hispanikoko irakaslearen aurkako salaketen "berri izan zuen unetik abian da protokoloak zehazten duen prozedura". Denuncias Euskal Herria Instagrameko kontuan bost salaketa anonimo... [+]
Erretzailea ez izan arren tabakoaren kea jarraikortasunez irensteak ekar ditzaken osasun arazoak ikertu ditu Bartzelonako Osasun Globaleko Institutuak, eta frogatu du arrasto arriskutsuak uzten dituela haurren DNAn.
Kurtso hasieran, 2024ko irailean EHUko Bizkaiko campusean lan-zuzenbidea irakasten zuen irakasle faxista baten berri eman zuten ikasleek. Beste irakasle bat salatu berri dute, oraingoan EHUko Arabako campusean Farmazia Fakultatean, sare sozialetan mezu eta ideia erreakzionarioak... [+]
"Hamasek gure bahituak larunbat eguerdia baino lehen itzultzen ez baditu, su-etena amaitu egingo da eta armadak gogor borrokatuko du Hamas garaitu arte", adierazi du Israelgo lehen ministro Benjamin Netanyahuk, talde palestinarrak preso trukea behin-behinean... [+]
Irailaren 9ra gibelatu dute Kanboko kontseiluan gertatu kalapiten harira, hiru auzipetuen epaiketa. 2024eko apirilean Kanboko kontseilu denboran Marienia ez hunki kolektiboko kideek burutu zuten ekintzan, Christian Devèze auzapeza erori zen bultzada batean. Hautetsien... [+]
Otsailaren 10 eta 11n ehun bat estatuburu elkartu dira Parisen, Adimen Artifizialaren sektoreko ordezkariekin batera, AAri buruzko laugarren gailurraren kari. Abiadura handian garatzen ari den teknologia horri buruzko kezkak eta galderak entzun badira ere, ez zen horientzako... [+]
Oinarrizko maia komunitateko U Yich Lu’um [Lurraren fruitu] organizazioko kide da, eta hizkuntza biziberritzea helburu duen Yúnyum erakundekoa. Bestalde, antropologoa da, hezkuntza prozesuen bideratzaile, eta emakumearen eskubideen aldeko aktibista eta militante... [+]
Zer jakin behar dut? Norekin erlazionatu behar dut? Non bizi behar dut? Ardura horiekin gabiltza gizakiok gure gizarteen baitan bizitza on baten ideia bizitzeko bidean. Ondo erantzuten ez badakigu, bazterretan geratuko garen beldurrez.
Joan den astean, kanpoan geratzearen... [+]
