ETBn ez zaie oharkabean pasa Espainiako telebistetako film laburrak eskaintzeko moda. Betegarri gisa izanda ere, gau erdi aldera euskaraz egindako laburrak, «Anabasa eremua» eta «Laugarren galeriatik» kasu, eman dituzte. Txalogarria da, nahiz eta euskarazko aukera hagitz urria den. Ondo legoke ETB-2n ere hasiko balira gaztelerazkoak botatzen

Baleuko ekoiztetxeak prestatzen diharduen saio berri honetan, hiru aurkezle karrikaratu eta mota guztietako galderak egingo dizkiote jendeari, politika, sexua edo txutxumutxuak direla. Albistegi baten tankera hartuta, bideoei emango zaie bide. Oraindik zehaztu ez badute ere, azaroaren hondarrean hastea espero dute

Gazteleraz hamaika aldiz eman dute, euskaraz berriz, gutxitan. Zenbait Oscar irabazi zuen film gordin honetan, Jack la Motta boxeolariaren igoera eta infernurako jauzia gordinki erakusten zaigu. Robert de Nirok 40 kilo gizendu zuen. Joe Pesci ere anaiarena egiten bikain dago. Hitzordua, azaroaren 7an, igandea, gauerdia pasatxo