Ospital zaharreko egunak oso atzean geratu dira. Gutxi izango dira nostalgia sentituko dutenak, oraingo azpiegitura askoz hobea baita. Lehen bezalaxe ordea, herriak buru belarri murgilduta segitzen du proiektuan, musu truk lan eginez. ETBrentzako harrobi oparoa izan da ATB. Horra hor Anne Igartiburu, Jon Andueza, Unai Iparragirre, Mikel Irizar, Maider Egues eta berandu baino lehen joango direnak ere.
«Arrasate Euskaldun Dezagun»ek bultzatuta sortu zenean, helburua ez zen komunikatzea, euskaraz komunikatzea baizik. Euskara esparru guztietara hel zedin, «Arrasate Press»en osagarri gisa jaio zen, beti ere Arko komunikabideak enpresaren barruan. Bi produktu ezberdin diren arren, lantalde bat dira, non denek elkarri laguntzen dioten, (zazpi lagunek dihardute ATBn), Pressekoek laguntzen diete berriak lantzen eta. Hasieratik beraz, bereizgarriak izan ditu ATBk: herri telebista aitzindaria izan zen euskara hutsean emititzen. Ez da kanpoko programarik ematen, guztia beraiek egina da. Programak aurkezten dituztenek gainera, ez dute deus kobratzen.

azaltzen digu Jon Aldanondo ATBko zuzendariak.

.

Astean hiru egunetan emititzetik egunero lau ordu t' erdira egitera pasa dira parrilla berrian, astero 30 emisio orduak gainditzeko asmoz. Eguerdian ordubata t' erdietatik ordubi t' erdiak arte eta arratsez berriz, zortzietatik hamarrak eta laurdenak arte. Asteburuetan asteko programa onenen errepikapena egiten da. Udaberrian halaber, saio gehiago abiaraziko dituzte. Ohiko saioez landa, honako hauek dira berrikuntza nagusienak, aurpegi berriak barne: «Gatza eta berakatza» sukaldaritza programa, bailarako zenbait jatetxetako sukaldarien eskutik, «Magazin» izeneko saioa Arantzazu Lagunillak aurkeztua, non osasuna, astrologia, sexualitatea, landare zaintza eta abar luze batez osatzen den; Karmele Zuazubiskarren «Aurrez aurre» elkarrizketa saioa bailarako jendearekin; «Guganda» programa Arko eta bailarako gobernuz kanpoko taldeen laguntzaz eta Aintzane Gardokik aurkezturik. Inguruko elkartasun kideak ezagutzeaz gain, hirugarren munduko egoera erakutsiz jendea kontzientziatzea du xede saio honek. Kooperatiben inguruko berriak ematen dituen «Ekilan», «Bertsolaritza» bailarko bertso eskolak egina. Azkenik, ostegun eta ostiral gauetan gazteei zuzendutako «Soinuz blai» dugu, kontzertuak eta bideo klipez gainezka. Saio hau, herrian ez ezik, Barakaldoko Tele 7n ere ikusgai dago.
Oraingoz, ATB Arrasate eta Aretxabaletan baino ezin daiteke ikusi. Zernahi gisaz, abian da hedadura zabaltzeko asmoa, betiko ametsa bailara osora iristea izan baita. Aldanondoren esanetan

. Geroari begira, azti ibili beharko dute ATBn, aro berri bat hastear dago-eta.

.
Teledonosti, Canal Gasteiz edo Canal 4 bezalako hiri telebistetan badute programazioa amankomunean. ATBk ostera, berezko programazioa atxiki du. Zail ikusten du Jonek herri telebisten sare bat osatzea saioak trukatzeko,

.
SVHS sistematik Betacam erabiltzera igaro dira ATBn. Bi editai gela dituzte, bi kamera estudioan eta beste bi ENG-ak egiteko (kalera ateratzeko kamera mugikorrak); daukaten programazioaren tamainakoa, hain zuzen. Nahiz eta ordenagailu digitala baduten, oraindik oso garestia zaie tresna guztiak aldatzea. Betacam analogikoak gainera, badu etorkizunik.

Arko komunikabideetan hainbat finantziazio iturri dituzte: aurrekontuaren % 40 udaletik jasotzen dute, publizitatea % 45 ingurukoa da, gehi bazkideen kuotak eta kanpainak. Eusko Jaurlaritzatik ezer gutxi jasotzen da. Publizitatea, euren bitartekoekin estudioetan egina da, agentzietatik, denda, enpresa, auto marketatik etorria.
«Berriak» eta «Mondrasport»en euskara batua erabiltzen badute ere, gainerako saioetan, aldiz, Leniz bailarako euskalkian mintzo dira. Bestalde, azken inkesten emaitzaren arabera, informatibo garaian, 8:00etatik 8:30ak bitarte, hirugarren kate ikusiena da ATB, ETB-1 eta ETB-2ren ondoren. Ez da batere audientzia makala, inkesta euskaldunen artean egindakoa bada ere.

diosku Jonek. Donostian euskara hutsezko kate bat martxan jarri nahi ote duten zurrumurrua heldu zaigu. Ba, hala balitz, ATB hartuko beharko lukete eredutzat. Izan ere, informazioa txukun emateaz gain, herriko komunikabideei esker euskaldun eta erdaldunak parekatuak dabiltza Arrasaten.