Zorionekoak saskibaloizaleak, Tau-ren norgehiagokak zuzenean ematen hasiko baitira ETB-1ean, igande eguerdietan eta Xabier De la Fuenteren eskutik. Nahiz eta Canal +ek ACBko saskibaloi partidak emateko eskubideak dituen, ETBk baimena lortu du. Bazen garaia, orain arte Europa eta Korac kopako partidak baino ez ziren ematen-eta

Ruth Martinezek aurkeztuta, «Esta es mi gente» saioaren luzapen modukoa abiaraziko dute ETB-2an. Orain arte, jende bitxiari buruzko saioa bertako nahiz kanpoko bideoez hornitzen zuten. Orain aldiz, behin «Esta es mi gente» egunerokoa bilakaturik, berri hau atzerriko bideoekin osatuko da. Antza, formula agortu arte xurgatuko dute

Ume eta gazteentzako saio hezigarriak aro berriari ekinen dio urriaren 6tik aurrera. Asteazkenero emango da goizeko 11'40an hasita; errepikapena berriz, larunbatetan. Funtsean aldaketarik ez badago ere, orain Izaro Iraeta bakarrik izango dugu aurkezle lanetan, Jokin Oregi, beste aurkezlea, «Egin kontu» saioko arduraduna izatera pasa baita