Egia esan, aberats-aberatsak ez dira, baina aberats edo dirudunen munduan aritzen dira, oraingoz jolas moduan badabiltza ere. «Jolas» honekin hain urrunekoa egiten zaigun burtsa gertuagotik ezagutu nahi izan dute eta horretarako sortu dute hain zuzen burtsa talde bat.
Biteriko Aberatsak izena jarri diote talde berezi honi. Taldea Hernaniko Dobera euskara elkarteko kide den J.M. Eizagirrek izan zuen ideia baten ondorioz sortu da. Ekonomia euskaraz gehiegi jorratu gabeko alorra dela iruditu zitzaion eta arratsalde batean bonbila piztu eta, berak lehenago mundu honetan esperintziarik bazuenez, elkarteko kide batzuei burtsa talde bat sortzea proposatu zien. Hauei, hasieran harritu baziren ere, ondo iruditu zitzaien eta horrela, pixkanaka, ideia zabaldu egin zen.

izateko ez da sekula deialdi publikorik egin, ahoz aho lagun eta senide artean aipatu zen. Prozesu hau guztia joan den urteko uda aurretik gertatu zen, eta uda pasa ondoren, gehienek burtsari buruz ideiarik ez zutenez, bilera informatibo bat egin eta jendeak parte hartzea erabaki zuen.

helburu nagusia euskara, lehenago aipatu dugun bezala, ia batere hurbildu ez den mundu batera gerturatzea da. Nekez garatu da euskara finantza munduan eta euskaldun arruntak ere nekez ezagutzen du finantza munduko euskara. Azken arazo hau konpontzeko, burtsari buruzko euskarazko material didaktikoa prestatzeko asmoa buruan darabilte talde honetako kideek. Euskara elkarte baten eskutik sortua denez, taldeak erabat euskaraz funtzionatzen du. Honegatik eta, Madrilgo burtsako arduradunen harridurarako, taldearen estatutuak euskara hutsez bidali zituzten. Lehenago aipatu dugun Dobera euskara elkarteari laguntza ekonomikoa ematea da beste helburuetako bat, inbertitutako diruaren etekinetatik %25 emanez. Helburu hauek alde batera utziz, jendeari daukan dirua piska bat mugitzeko aukera ematen dio ekimen honek, arrisku handirik ez bada ere.
Argitu beharra dago, ideia gehien bat elkarte honetako kideen artean garatu eta bideratu den arren eta burtsa taldeko kideetako asko Doberako kide ere badiren arren,

aparteko zerbait dela, Doberatik aparte funtzionatzen duena, eta bertako kide izateko ez dela Doberako bazkide izan beharrik.
Biteriko aberatsak gaur egun hogeita hamahiru lagunez osaturik dago, eta era guztietako jendea da ekimen honetan murgildurik dabilena: gazteak eta ez hain gazteak, ekonomia munduan dabiltzanak, ikasketak edo lana dela medio, eta mundu horrekin zerikusirik ez dutenak. Baina taldea guztiz irekita dago kide berriei. Gero eta kide gehiago izan, orduan eta akzio gehiago, alegia, enpresa ezberdinetako akzionisten bileratan euskararen alde egin daitezkeen proposamenek indar handiagoa izango dute. Taldeko zuzendaritzari idazkaritza lanak arintzearren, bazkide berriak hiru hilabetetik behin egin daitezke. Ekaineko aukera joan da, baina urria hasieran izango da aukera berria.

Burtsan inbertitu ahal izateko kide bakoitzak taldean sartzen denean 50.000 pezeta (2.000 libera) jartzen ditu, eta horrela partizipazio bat lortzen du. Baina, gaur egun balioa handiagotu egin denez, zertxobait garestiagoa da. Bakoitzak gehienez bi partizipazio eduki ditzake, baina hala ere bileratan boto bakarra izango du, kide guztien iritziak balio bera izan dezan. Honetaz gain, hiru hilabetero 5.000 pezetako kuota bat ordaintzen dute. Dena den, eta taldea gehiago zabaldu dadin, diru kopuru gutxiagorekin hastea posible da, partizipazioa bakoitzak sartzen (edo inbertitzen) duen diruaren araberakoa izango delarik.
Diru hau inbertitzerako garaian, burtsan ari direnez, errentagarritasuna da irizpidea, baina badira pisu handiagoa duten irizpideak, taldeak onartu duen kode etiko batean daudenak alegia. Kode etiko honi jarraiki, besteak beste, ez da armagintzan eta zentral nuklearretan akzioak dituzten enpresatan inbertitzen.
Gaur egun

dirua CAF, Europistas, BBV, Bodegas Riojanas, Puleva eta Viscofan enpresetan inbertiturik dago eta hil ala bizikoa bailitzan jarraitzen dituzte egunero enpresa hauen akzioen gorabeherak.

hilabetean behin egiten dute hitzordua Hernaniko Biteri Kultur Etxean, hortik izena. Bilera hauetan diru mugimenduen berri jakiten dute, akzioek gora edo behera egin duten, erosi edo saldu egin behar diren... hau guztia aztertu eta zerbait aldatzea erabakitzen bada, korredoreari deitu, hau ere euskalduna noski, eta honek egiten ditu egin beharreko mugimenduak. Honez gain, burtsa munduari buruzko zalantzak argitzeko behar diren azalpenak ematen dituzte. Askotan bilerak izan beharrean eskolak diruditela diote bertako kideek, baina duela hilabete gutxi «split» bat (akzio baten balioa handitu delako akzio hori bitan edo gehiagotan banatzea) zer zen ez zekiten eta orain oso normala da bileratan horrelako hitzak entzutea.
Biteriko Aberatsak taldeari buruzko informazioa eta bazkide izateko egin beharreko guztien berri Hernaniko Dobera euskara elkartean jaso ahal izango da