AIREGAIZTOA ETXEETARA
Basaburuko udaletxeko ganbara berria dute aireraleku. Bertatik aritzen dira Txari Eleta eta Fermintxo Gartxitorena esatariak; astelehenetik ostiralera, goizeko 11etatik 1ak arte. Esan / Erran Irratia herrikoia da, Aralar eta Xorroxinen tankerakoa, bailarako gaiei arras atxikia jendea inplikatu dadin; programazioa beraz, horren haritik doa, hala nola: elkarrizketak hemengo gaiak jorratuz, lehiaketak, antzinako kontakizunak, mintzaldiak eskolumeekin, basozainak, abeltzaintza kontuak... Emisio orduak luzatzeko asmoa ere badute. Nolanahi ere, irekia da zerbait egin nahi duen ororentzat. AEK-ko talde batek solasaldi modukoa egiten du.
Ideia duela bi urte ernatu zen Euskara batzordean, irrati baten sorrerak bertako euskararen sustengu eta pizkundean lagunduko zuelakoan. Egitasmoa egin eta inguruko bailaretan aurkeztu zuten:
Ideia duela bi urte ernatu zen Euskara batzordean, irrati baten sorrerak bertako euskararen sustengu eta pizkundean lagunduko zuelakoan. Egitasmoa egin eta inguruko bailaretan aurkeztu zuten:
«Subentzioak eskatu eta lizentzia Madriletik eskuratu genuen. Baina Ultzaman ez zutenez onartu, diru iturria lortzeko bazkide kanpaina egin genuen, 150 bat lagunen laguntza jasoz
(azaltzen digu Txarik).
Zoritxarrez, orain berriro ere diruz larri gabiltza eta beste kanpaina bati ekin beharko diogu
». Dena den, Udaleko irratia ez dela azpimarratu nahi du Fermintxok:
«Udalak lizentzia jaso ondoren, Ametsa Kultura Elkarteari eman zion. Ametsa guk sortu genuen egitasmo hau bideratzeko, beti ere euskararen kulunkan
».
Hain zuzen, euskararen jakinduria oso aldakorra da bailararen arabera. Txariren arabera:
Hain zuzen, euskararen jakinduria oso aldakorra da bailararen arabera. Txariren arabera:
«Basaburuan nahikoa ona da, jende gehienak ulertu eta hitz egiten baitu. Ultzamako zenbait herritan berriz, galtzeko zorian dago. Odieta, Anue eta Lantzen erraten ahal da euskara azkenetan dagoela. Imotz eta Basaburuan aldiz, nahikoa ongi dago
». Eskerrak umeak D ereduan matrikulaturik dauden eta euskaltegietan lan eskerga egiten ari diren. Bestela, honez gero «Esan / Erran / Dice» irratia izango genukeen