"Kate guztietan dago zer ikasia"
- izan da beti. Duela urtebete «Asteberri»n hasi zen eta ikasturte honetan aurkezle-zuzendaria da. Saio berau euskaraz egin beharko litzatekela dio 34 urteko eibartarrak.
Kamera atzean urte mordoa eman eta gero «Asteberri» aurkezten hasi zara. Zer moduz kamera aurrean?
Egunerokotik asteroko albistegira igarotzean zein aldaketa sumatu duzu?
Zein irizpideren arabera aukeratzen dituze gaiak «Asteberri»n?
Beti ere, gai politikoek dute lehentasuna.
Beste kateetan saio beretsuetan egiten dena jarraitzen duzue? Bada ikastekorik, onerako edo txarrerako?
Zuen saioan funtsezkoa analisia izaki, tratamenduan dago erronka, ez?
Gustura. Niretzako lan bat gehiago da, ez diot garrantzi berezirik ematen. Kamera atzekoak askotan erantzukizun handiagoa izaten du, kamera aurrekoa oso garrantzitsua izan arren. Nik sorpresaz hartu dut ia 14 urte lanean egon eta gero, jendeak `aiba, telebistan lan egiten duzu' esatea.
Egunerokotik asteroko albistegira igarotzean zein aldaketa sumatu duzu?
Eguneroko informatiboetan oso denbora gutxi duzu lanak aztertzeko eta nola azaldu pentsatzeko. Asterokoan berriz kontrakoa, denbora gehiago ematen duzu pentsatzen zein elkarrizketa egin, zein ikuspuntu eman, gidoia egiten eta erreportajeak lantzen.
Zein irizpideren arabera aukeratzen dituze gaiak «Asteberri»n?
Alde batetik, telebistarako erreportajea izan behar du, hainbat gai ez da erraza irudiekin azaltzeko. Bestetik, gaurkotasuna duten gaiak izatea eta azkenik, interesgarria iruditzen zait gai sozialak aztertzea. Batzutan ez dira hain egunerokoak, baina gure gizartean gertatzen ari diren hainbat egoera islatzea interesgarria iruditzen zait.
Beti ere, gai politikoek dute lehentasuna.
Gure herrian politikak gaurkotasun handia du. Saiatzen gara analisia egiten, gaiak patxada hadiagorekin lantzen, sakontzen. Irailetik hona esango nuke aste batean bai eta hurrengoan ere bai, gai politikoak sartu ditugula.
Beste kateetan saio beretsuetan egiten dena jarraitzen duzue? Bada ikastekorik, onerako edo txarrerako?
Ikastekorik beti dago, kate guztietan. Ikusi, irakurri edo entzun dezakegun guztian dago zer ikasia. Beti begiratzen diogu elkarri, baina guk gure nortasun propioa izan behar dugu. Ni saiatzen naiz gure ikuslearentzako, Euskal Herriarentzako interesgarriak izan daitezkeen gaiak aukeratzen eta era interesgarrian ematen.
Zuen saioan funtsezkoa analisia izaki, tratamenduan dago erronka, ez?
Bai, nola tratatu, zein interlokutore aukeratu... Gure saioak lortu nahiko lukeena da ikusleari bere iritzia osatzeko informazio eta ikuspegi desberdinak ematea. Ez da erraza, baina saiatzen gara