UPNren Gobernuak barriotik kanpo bertze ikastetxeetan lekurik badagoela erantzuten die behin eta berriro Ermitagañako haurren eskakizunei eta ez du euskarazko lerrorik oraindino Jesus Maria Iribarren ikastetxean zabaldu. Hezkuntza Kontseilari Javier Markotegik behin eta berriz, harroputzki, errepikatzen du hau, nahi duenak nonbait baduela. Eta ikasturtea erdibidera iristear dagoela, ez dirudi amore emango duenik honetan.
Ikastolak abian paratu zireneko garaiak dakartza gogora Ermitagañako honek. Orain hogeita bortz urte antzera, soto bat aurkitu dute ikastetxerako; kasu honetan auzo elkarteak egoitzarako duen sotoa da, eta andereñoaren soldata guraso guztien artean egokitu dute. Aitzinkaldean dagoen jolaslekuan topatu nituen hauetariko guraso bi. Jolasleku hau Jesus Mari Iribarren ikastetxeari dagokio. Haatik, aspaldian da Gobernuak helduen iraskuntzarako soilik bideratu zuela hau. Egun idorretan bertan jostatu ohi dute 16 haurrek. Sototik ataria dute bakarrik zeharkatzeko. Honexegatik, euren gurasoek garbitu behar dute plastiko eta zaborrez. Honetan, nioen, topatu nituen guraso parea, Marga Iriarte eta Maria Jesus Sarratea, hain zuzen. «

».
Are gehiago. Egoitza berdinean auzoko hainbat talde ere bertan elkartzen da. Zenbait ikastaro, hala marrazkigintza nola musika, hemen ematen dira. Honek bada, bere eraginak izan baditu eskolaren funtzionamenduan Margak gogora ekartzen duenez: «

».

Iazko martxoan hasi zen guztia, aurrematrikulak egiten direnekoan. Hiru urteko umeak zituzten gurasoak hartu-emanetan hasi ziren, Iribarren ikastokian euskarazko lerro baten zabaltzea eskatzeko asmoz. 19 elkartu ziren eta horrelaxe egin zioten deia Gobernuari. Alabaina, Euskararen Legea dela eta, D eredu bat zabaldu ahal izateko 20 ikasleko kopurua eskatzen da zonalde mistorako eta Iruñea eremu honetan dago kokatuta. Ez dago erran beharrik ez dela horrelako kopururik eskatzen gaztelaniazko bat sustengatzeko. Azpilagainako kasuan, adibidez, hiru laguneko taldea dago martxan.
Kontua da, auzoan ez, baina Sanduzelaiko eskoletan edota Iturraman dagoen Amaiur udal ikastolan aukera zutela eta tokia eskaini zitzaien bertan. Maria Jesusek gerokoa horrela gogoratzen du: «

».
Bigarrengoz bada San Frantziskoko eskoletan talde gisara ikasteko aukera zabaldu zitzaien. «

», eransten du Margak.
Epe motzeko borroka zirudien, dena den. Hartara, bide bazterrean 19 umetxoetatik 3 gelditu dira, egun 16 izanik. Bitartean elkartasun zabala ukan du haurtxo hauen egoerak. Alderdi politiko guztiak UPN ezik euren eskakizunaren alde agertu dira. Sindikatuek eta gizarte talde aunitzek ere bat egin dute. Nafar hiriburuko udaletxetik bitan eskatu zaio Gobernuari zabal dezan behingoz D eredua Ermitagañako auzoan. Kasu hauetan gainera UPNk abstentzioa bozkatu du. Legebiltzarrean ere bertze bitan eztabaidatu da afera. Alderdi regionalistak atzera bota zuen hemen egitasmoa, hori bai.
Hurrengo urteari begira diraute lanean gurasoak, bigarren honetan helburua lortuko delakoan: «

», dio itxaropentsu Margak.
«

», Maria Jesusen solasak dira hauek. Izan ere, eta eredu ezberdinak kontuan hartuta, Iruñerrian D eredua izugarri hazten ari delako ziurtasuna dago. Ondarreko datuak eskuetan, horrela, hiru urteko umeen % 42ak euskarazko adarraren aldeko aukera egin duela erakusten du.
Solasaldia amaituta zementozko belardira zuzendu ziren bi amak. Gerria makurtu eta zaborrak garbitzen hasi ziren, segidan. Apika, bihar eguraldi ona eginen du, eta jolastera agertuko dira beste behin hamaseiak, hemen barrena. Oihu egin zuten. Eta horrela ez bada, sotoan egin beharko irri eta parre. Bertzelakorik ez bada gertatzen. Nik nire baitarako