Arantxa Kaltzada Herri Irratiko esatariari elkarrizketa
Arantxa Kaltzada: «Irratian irudimena da garrantzitsuena arreta erakartzeko»
Herri Irratian 5 urte daramatza Arantxa Kaltzada donostiarrak; 20 urte zituenean hasi zen bertan lanean. Kazetaritza munduan auzuneko, Intxaurrondoko aldizkariaren bidez sartu zen. Groseko aldizkariaren sorrera ere lagundu zuen. Dena den, leku finko bati dagokionez irratian ibili da.
ARGIA. Askotan aipatu izan da irrati handi eta txikien arteko borroka. Herri Irratia handien artean kokatu behar da?
ARANTXA KALTZADA. Ez dakit Herri Irratiak handitasun hori non ote daukan, irratia egiteko moduan, entzuleen artean, bere historia luzearen baitan... aspaldiko irratia delako. Baina egia da lehian dabilela irrati kate haundienekin. Hemen zer gertatzen den jakin nahi baduzu hemengo irrati batera hurbildu behar duzu.
A. Baliabideen aldetik lehiatu behar al da irrati handiekin?
A. K. Nik uste dut baliabideak oso garrantzitsuak direla, baina gaur irudimen falta ere bada edozein mediotan, horrela iruditzen zait. Lehengai on bat baduzu, babarrun on batzuk badituzu, platera oso goxoa irtengo da. Baliabideak inportanteak dira, baina garrantzitsuena irudimena da, zer den jendeari inporta zaiona. Eguneroko gauzak dira landu behar direnak.
A. Nola ikusten duzu Herri Irratiaren etorkizuna?
A. K. Herri Irratiak bizitzen jarraitzeko aukera baduela uste dut. Irratia egiteko duen modua ezberdina da oraindik. Hala ere, etekin ekonomikoak dira gaur egun agintzen dutenak. Askok publizitate kanpainak egiten dituzte baina irrati kate handi horiekin. Hemen irrati kate asko gaude, gero eta gehiago. Gauzak orain ez ditut oso argi ikusten, datuei itxaroten ari baikara. Behintzat esan dezakegu Herri Irratia hiru kate nagusienen artean dagoela, eta publizitatean hori ikusten da.
ARANTXA ERASUN
55
GaiezKomunikabidIrratiaHerri Irrat
PertsonaiazKALTZADA1
EgileezERASUN2Komunikabid
