Ramon Sanchez aurreskulariari elkarrizketa
Ramon Sanchez: «Soilik puntako bost aurreskularirekin ez dugu ezer egiten»
ARGIA. Gazte jendea badatorrela...
RAMON SANCHEZ. Nik beti esaten dut aurreskulari on bat ez dela ezer ez badauka dantza taldea. Garrantzitsua ez da aurreskulari ona izatea, dantza talde onak izatea baizik.
A. Aurreskularia, beraz, kalitateko dantzari bezala jotzen duzu, baina mamia taldean ikusten.
R.S. Noski, eta kalitateko bat atzetik jendea dagoenean sortzen da.
A. Baina erreferentzia txapelketa izaten da.
R.S. Askotan aipatzen da Pasaiako txapelketa... baina niretzat ez du garrantzi handirik, niretzat garrantzitsuagoa da talde batek urtean zehar egiten duen lana. Horrek balio du dantzaren osasuna nola dagoen jakiteko. Txapelketan izan daitezke bost aurreskulari puntakoak, baina gero, beren taldeetan agian inor ez dute atzean. Bat ona izatearekin ez dugu ezer egiten.
Lehia gustuko duenarentzat ondo dago, tiradizoa du.
A. Taldeen funtzionamendua zertan da?
R.S. Uste dut ziklikoa dela: batzuk gora joaten dira, besteak behera, eta momentu honetan badaude batzuk gora doazenak, beste batzuk itota daudenak, beste batzuk itota egon nahi dutenak...
A. Aurreskuari zer osasun ikusten diozu txapelketatik kanpora?
R.S. Jendeak aurreskua txapelketen bitartez ezagutzen du eta ez du ezagutzen plazetan egiten den Gizon Dantza; hori da arazoa.
42
GaiezKulturaDantzaEuskal Dant
PertsonaiazSANCHEZ7
EgileezPETRIKOREN1Kultura
