«87-88ko prezioetan ari gara, eta kobraketak asko atzeratuta»


2021eko uztailaren 19an
Antonio Sukia, Construcciones Suquiako nagusiari elkarrizketa
«87-88ko prezioetan ari gara, eta kobraketak asko atzeratuta»
Antonio Sukia, Construcciones Suquiako nagusia
Gipuzkoako Zaldibian jaioa, artzain familiakoa, bere izena daraman enpresako nagusia da eta Andoain-Irurtzun autobidea eraikitzen ari den Utelan-Berriko partaide. Mur-EBAL patentearekin, hormigoi prefabrikatua da gaur bere lantegiaren oinarria.
ARGIA. Zein da zure enpresak azken hiru urteotan eraman duen eboluzioa?
ANTONIO SUKIA. 1990 eta 91 urte onak izan ziren, produkzioa gehitu genuen eta prezioek igoera logiko bat egin zuten. Iazkoa berriz oso txarra izan da: bai fakturazioa bai saldutako bolumena ia erdira jaitsi dira, eta prezioak txartu egin dira. Estatuak obra asko atzeratu egin ditu eta gainera enkanteak ere gutxitu. Konkurrentzia asko igo da eta esleipen urri horiek prezio kaskarragoetan egin dira. Hirugarren arazo bat kobraketarena da: lehen 120 egunera ordaintzen ziguten enpresek orain 180 egunera ordaintzea exigitzen digute, eta azkenean 200 egunera goaz, horrek dakartzan finantzaketa arazoekin. Estatuak eraikuntza enpresa handiei 700.000 milioi pezeta zor dizkie, eta azkenean horrek gu harrapatzen gaitu.
A. Ia laurden bat egin diogun 93 honetan zer?
A.S. Perspektiba ilunagoak, zeren eta 92an 120 egunera kobratzea lortzen zen, eta aurtendik aurrera hori galduta dago. Prezioek ere okertzen segituko dute eta salmentak apal mantenduko dira. Gaurko prezioak 87-88ko prezioak dira, eta pentsa kostuak zenbat igo diren. Espero dugu 94a urte hobea izango dela. Europarekin errepide gaietan hartutako konpromezu asko oraindik eraiki gabe daude, eta Estatuak obra publikoari berriro ekin beharko dio, industriaren motorea delako. Baina aurtengo helburua bizirik irautea da.
A. Hormigoi prefabrikatuaren alorrean multinazionalak nagusitu dira. Nola konpeti dezakezue?
A.S. Multinazionalek merkatua menderatzen dutelako dira nagusi, kontzentrazio ekonomiko bidez, prezioetan eta eraginez, ez teknologiaz aurreratuagoak daudelako. Baina mina ez digute horiek egiten, kalitate eta zerbitzu hobea eskaintzen dugulako. Guri mina edozeinek antola dezakeen suzedaneo enpresak egiten digu: egoera zail honetan tentazio bat da guk dugun eredu patentatua bezalako bat kopiatu eta inguruetan saltzen hastea. Hormigoi prefabrikatuaren buruhauste nagusia garraioa baita. Legeriak huts egiten du honetan, eta Frantzian, Holandan edo Italian gure patenteari kopiarik atera ez zaion bezala Espainian hori posible da.
A. Hormigoi prefabrikatugileen Espainiako lehendakariak kalitatea ipintzen zuen arazo nagusitzat.
A.S. Gure enpresan kalitatea ez da prolema, `erabateko kalitate' programa batean ari gara, ongi informatizatuta gaude eta hobetzera goaz... Arazo nagusia aipatu dizudan ekonomikoa da. Merkatua mugitzen hasten bada faktore guztiak mugituko dira, eta hala ere krisi honek 180 eguneko kobraketaren arrastoa utziko digu luzerako. Baina gaur bizirik irautea da helburua, bestela kalitateak alferrik baitira.
Pello Zubiria
23

GaiezEkonomiaIndustriaEraikuntza
PertsonaiazSUKIA2
EgileezUBIRIA2Ekonomia

Azkenak
LAB: “Klase elkartasunaren oinarrizko printzipioa da langile migranteei harrera egitea”

Botere sindikalaren inguruko bigarren azterlana argitaratu du Ipar Hegoa fundazioak. 2016an argitaratu zuen lehena eta, beraz, orain 2016 eta 2023 arteko eboluzioa ikus daiteke. Ondorio nagusien berri emateko prentsa agerraldia egin dute ostiral honetan LABeko koordinatzaile... [+]


2025-01-03 | Leire Ibar
Etxegabetzeko arriskuan daude bi familia Burlatan

Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]


WordPress-en formularioak sortzeko Ninja Forms plugina euskaratu du Iametzak

WordPress-en formularioak sortzeko Ninja Forms pluginaren euskaratzea utzita zegoela ikusita, Iametzak bere gain hartu du itzulpena eguneratzeko lana.


Analisia
2025ean etxebizitza zer?

Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]


Boli Kosta: Frantziako armada kanporatzen duen zazpigarren estatu afrikarra

Joan den asteartean, hilaren 31n, Boli Kostako presidente Alassane Ouattarak iragarri zuen bertan behera utziko zituela Frantziarekiko harreman militarrak. Horren ondorioz, datozen asteetan 1.000 bat soldadu frantses atera beharko dira herrialdetik.


2025-01-03 | Leire Ibar
2025etik aurrera, Hego Euskal Herrian alokairuak gehienez %2,2 igoko dira berritzean

Espainiako Estatistika Institutuak erreferentziazko indize berria argitaratu du urtarrilaren 2an. Horren arabera, alokairuen prezioak gehienez %2,2 garestitu ahalko dira urtean. Indize hau 2023ko maiatzaren 25ean indarrean sartu zen Etxebizitza Legearen ondorio da, eta data... [+]


2025-01-03 | Gedar
Pertsona afroamerikar bat kolpeka erail dute kartzelariek AEBetako espetxe batean

Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.


2025-01-03 | ARGIA
Surf irakasle batentzat 85 urteko kartzela zigor-eskaera, adin txikikoei sexu gehiegikeriak egiteagatik

Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.


2025-01-03 | Jon Torner Zabala
Espainiako Pilota Federazioa
“Eskura dauzkagun lege-erreminta guztiak baliatuko ditugu Espainiaren eskubideak babesteko”

Askok espero zuen moduan, Nazioarteko Pilota Federazioak Euskadikoa onartu ostean eskubide osoko kide gisa, Espainiako kirol-erakunde, alderdi politiko edota hedabideek erabakiaren aurkako oldarraldia hasi dute, nork beretik presioa eginez. Ostegunean, Espainiako Pilota... [+]


Euskararen kontrako oldarraldia salatzeko pintaketak egin dituzte epaitegietan eta CCOO eta UGTren egoitzetan

Baionako eta Donostiako epaitegiak margotu ostean, ostegun gauean Eibarko epaitegian pintaketa egin dute zenbait ekintzailek. "Oldarraldia gelditu" idatzi dute eta pintura berdea jaurti diote eraikinari. Abenduan, CCOO sindikatuaren egoitza ugari margotu dituzte, baita... [+]


Segi dezala akelarre antifaxistak

FERMIN MUGURUZA  40. URTEURRENA
Noiz: abenduaren 21ean.
Non: Bilbo Arenan.

-------------------------------------------

Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]


Sostengua adierazi diote Marieniako lurren aldeko borrokari hogei kolektibok

Kanboko Marienia eremuan etxebizitzak eraikitzeko proiektua badu Bouygues Immobilier agentziak. "Elkarlanaren bidez" zein "indar harremana" mantenduta, proiektua ezeztatzeko borroka eramateko determinazioa plazaratu dute adierazpen bateratu... [+]


Kultur transmisioa feminismotik zikloa izanen dute asteburuan Beran

Goldatz talde feministak antolatua, ortziralean, urtarrilaren 3an, Jantzari dokumentala proiektatuko dute Beralandetan (17:30ean) eta biharamunean, urtarrilaren 4an, Berako bestetako tradizioak aztergai izanen dituzte Maggie Bullen antropologoarekin leku berean (10:30).


Zunda bat Eguzkitik inoizko gertuen igaro da, arrakastaz

NASAren Parker zunda 6,1 milioi kilometroko distantziara arte gerturatu da Eguzkiaren azalera, bere misioaren lehen gerturatzean. Hala, Eguzkitik inoizko gertuen egon den objeku artifiziala bilakatu da. 692.000 kilometro orduko abiaduran igaro da, eta jasotako datuak funtsezkoak... [+]


Langile bat hil da Zornotzan, Forest Trafic SL enpresan

Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.


Eguneraketa berriak daude