«Era guztietako eta eguneroko bizimoduari buruz eztabaida sortu nahi dugu»
2021eko uztailaren 20a
Bernardo Atxaga, Emak Bakia Baita elkarteko kidea:
«Era guztietako eta eguneroko bizimoduari buruz eztabaida sortu nahi dugu»
ARGIA."Orria" proiektu bérriaren bidetik, eztabaida sortzeko asmotan zarete, baina nolako eztabaida?
B. ATXAGA. Era guzlietakoa eta eguneroko bizimoduaz."Orria"n ez da gai jakinik egongo. Literatura ere egongo da. Baina ez literatura bakarrik. Ez da literatur aldizkaria izango. Edozein gai libre izango da eztabaidarako eta gogoetak egiteko.
A. Gizarte inguruko edozein gaik bere tokia izango du orduan?
B.A. Kalean diren aurreneko bi aleetan azaltzen den bezala, denetik izango da. Komentario politikoa izango da, satira politikoak ere bai, batzuetan gordinagoa, beste batzuetan tratatutagoa. Honekin batera baita euriari burua ere... Liburu gomendioak ere bai. Bertan bere ustezko barruti horri halako liburua oso ona duzu esango dio...Hitz egiteko modu berezia da. Burura etortzen den aurreneko ideia hori jarri baino, aurreneko ideia hor pixka bat pentsatu eta orduan sortzen dena jaso nahi genuke.
A. Eta zein izan daiteke elkarte edo klub honek bete dezakeen funtzioa?
B.A. Elkarrekin pentsatzea helburu handia da, eta honetarako gainera, maskara batez baliatuko gara. "Garziarena" izango da erabiliko dugun deitura, eta maskara horren atzean idazten duenak askatasuna izango du askotan erretorikarekin soluzionatzen diren zenbait arazo benetan argitzeko. Asmo handiena benetan hitz egitea da, edozein gaiari buruz, bakoitzak erreferentzia egiten duen pertsona aipatuz, eta ez bide batez edota pasaeratik ateratzeko, eta gero etxean beste gauza bat pentsatzeko. Ea benetan errealitatea ukitzen dugun herri honetan, oso zaila bait da jendeak benetan zer pentsatzen duen jakitea.
A-Luzerako proiektuak al dituzue?
B.A. Gu hamar hamabost urteetara begira ari gara. Martxan jarri eta pixkanaka joango gara gauzak ateratzen. Horregatik ez dugu Eusko Jaurlaritzaren laguntzarik, hau gure baratza da eta gogoak ematen diguna egin nahi dugu. Liburuei dagokienez, denak itzulpenak izango dira, agian hamar urte barru ehun liburu ditugu eta lagunarte batek egiteko ez da gutxi!
Patxi Sarriegi
49
