Teresa Andonegi, ETBko aurkezlariari elkarrizketa
Teresa Andonegi: «Agian kazetaria nere saioan frustatua sentituko litzateke»
EEBBetan UBI ikasten ari zela izan zuen antzerkiaren munduarekin lehen harremana, eta geroztik hainbat antzerkitan aritu da. Baina ETBren ikusleentzat "Ene ba bideoak" saioa aurkezten duenetik bihurtu da ezaguna. Telebistan burutzen duen lehen lana da saio hau aurkeztea.
ARGIA. Telebistan egiten duzun lehen lana da hau, zer iruditu zairu telebista barrutik ikusita?
T. ANDONEGI. Barrutik ikusita oso ezberdina da telebista, baina argi dagoena da lana badela? ordu asko eskatzen ditu. "Olé tus videos" Valentzian grabatzen dugu eta esan beharra dago ezberdintasuna badagoela Valentziako telebista eta hemengoaren artean. Batez ere, han lau komunitateko aurkezleak gaudelako eta giro alaiagoa bizi dugulako. Baina telebistan ezerk ez nau gehiegi harritu.
A. Antzerki munduan ibilia zara, nolatan erabaki zenuen telebistara jotzwa?
T.A. Denetatik probatu behar delako eta telebista antzerkia egiteko modu bat izan daitekeelako. Dena dago oso erlazionatua, bai telebista, bai zinema eta baita antzerkia ere. Hau batez ere Euskal Herrian gertatzen da, EEBBetan adibidez ez da hau ematen. Hemen telebistan irteten diren askok antzerkia ere egiten dute.
A. Zein da zuk gehien atsegin duzun arloa?
T.A. Denak oso ezberdinak dira eta zaila da bat aukeratzea. Antzerkiak badauzka, adibidez, pertsonaiak lantzean gauza hobeago batzuk, denbora batez ere. Baina telebistak bapateko emaitzak ematen ditu.
A. Telebistak ematen al dio aukerarik antzerkian dabilen jendeari?
T.A. Neri adibidez eman dit. Telebistan dabilen jendearen artean batzuk kazetariak dira eta beste batzuk, aldiz, antzezleak. Saioaren arabera, batzuetan kazetari bat behar da bestetan aldiz aktore bat. Nik egiten dudan saioan aktore bat ongi dagoela uste dut. Agian kazetari bat nahiko frustatua sentituko litzateke horrelako saio bat aurkezten. Kazetari baten intentzioa ziurrenik informatzea izango delako, jendeari zerbait kontatzea. Nere kasuan nere lan batzuetan tontakeriak egitea da komunikatzea baino gehiago.
A. Agertzen diren bideo batzuetan gehiegizko bortxa azaltzen dela ez al zaizu iruditzen?
T.A. Gehiegizkoak dira zenbaitetan. Ez dut ulertzen nola egin daitezken horrelako bideoak. Aita batek bere haurra bultzatu eta umeak zerbaiten aurka izugarrizko kankarrekoa hartzen du eta hau ulertezina gertatzen zait. Jendeak dirua irabazteagatik egin ditzakeen gauzak harrigarriak dira.
AITZIBER YARZA
Antzerki munduan hainbat lan egin ondoren, «Ene ba bideoak» aurkeztea da telebistan egin duen lehen lana.
63
GaiezKomunikabidTelebistaETBSaioak
GaiezKomunikabidTelebistaETBAurkezleak
PertsonaiazANDONEGI2
EgileezYARZA1Komunikabid
