Ana Azpirirekin "Erreportari" saioaz
Ana Azpiri: «Europako gauzak eskaintzea gustatuko litzaiguke»
Programazio berrian "Erreportari" saioak aurrera jarraitzen du baina arduradun berriarekin oraingoan. Ana Azpirik zuzenduko ditu "Erreportari"ren urratsak hemendik aurrera. Lehenago ere ``Munduan Zehar"en antzerako gaiekin aritu izan dela eta beraz ondo moldatuko dela uste du.
ARGIA. Zure sarrerak ekarriko al dio berritasunik programari?
ANA AZPIRI. Momentuz ez, ordu erdiko saioa izango da eta normalean erreportaia batez osatua, zenbaitetan nazioartekoa eta beste batzuetan hemengoa, Euskal Herria, Espainia... Ingurukoak guk egingo ditugu eta nazioartekoak beste produktora batzuei erosiko dizkiegu.
A. Zertan datza zuen lana?
A.A. Erositako erreportaiak aukeratu egin bedar dira, eta gero itzuli eta ahotsa jarri. Beraz, gurea ez da zehatz mehatz kazetari lana. Bertako erreportaietan bai, eta horietan lehen bezala Oscar Epelde ibiliko da.
A. Inforrnatiboetatik horrelako saio batera iragateak aldaketa handia suposatzen al du?
A.A. Nere kasuan ez, lehen urte askotan ibili bait naiz "Munduan Zehar" saioan eta han ere, kanpoko erreportaia ugari erosten genituenez, ohituta gaude erreportaiak ikusi, aukeratu eta itzultzera.
A. Ba al duzue gaiak edota interesguneekiko irizpiderik?
A.A. Eskaintzen dizkiguten erreportaien artean, asko gai "biguinak" deiturikoen ingurukoak dira; hots, emakumearen egoera Aljerian, Peruko kutsaduraren arazoak, Erresuma Batua eta EEBBetako armadetan ari diren emakumeak... Horrelako ugari daude eta asko Hirugarren Munduan egiten dira. Guk, normalean, ez diegu horrelakoei helduko.
Gustatuko litzaiguke Europan gertatzen diren gauzak eskaintzea, baina hori ez da erraza, ganza gutzi dator eta. Esate baterako, oso interesgarriak izango lirateke Europan azken urteetan nazionalismoen inguruan gertatzen ari direnak eskaintzea, baina maila horretan ez dago ezer, edo behintzat ez dakit nork landu ditzakeen horrelako erreportaiak.
A. Zeintzuk dira gehien erabiltzen dituzuen etxeak?
A.A. Orain, esate baterako, eskaintza onak ikusi ditut Frantziako Point du Jour ajentzian, Antenne 2-koek ere bazuten zerbait, eta gero BBCko "Panorama" saiokoei ere asko erosten zaizkie, gauza onak eta erosteko modukoak direlako. Sigma-k eskainitakoak, aldiz, oso garestiak dira.
XABIER LETONA
Ana Azpiri, «Erreportari» saioko zuzendari berria, honi ekin aurretik «Munduan zehar» programan aritu zen.
63
GaiezKomunikabidTelebistaETBSaioak
GaiezKomunikabidTelebistaETBuzendariak
PertsonaiazAZPIRI1
EgileezLETONA1Komunikabid
