Xabi Muguruza, abeslariari elkarrizketa
Xabi Muguruza: «Estilo eta erritmo desberdinak lantzen jarraitzen dugu»
ARGIA. Laster argitaratuko da "Ia xoragarria", zuen bigarren LPa.
XABI MUGURUZA. Ekainean grabatu genuen. Maite Aseginolaza, haize moldaketak egiten, eta Miren Aranburu nahiz Arantxa Irazusta, koroak egiten aritu dira laguntzaile gisa; eta zenbait idazlek ere parte hartu du hitzak egiteko garaian: Xabier Lete, Jimu Iturralde eta Iñaki Irazu. Aurreko lanean, hitz gehienak nik egin nituen eta ildo berekoak ziren. Disko honetan berriz, barietate handiagoa dago eta berriro ere satiraren bidetik jo dugu. Musika aldetik, entzun dutenek aurrekoa baino serioagoa dela esan digute. Estilo eta erritmo ezberdinak lantzen jarraitzen dugu. Ez da erritmo edo estilo konkretu bat, badago denetarik pixka bat. Bestalde, taldean aldaketak izan dira, eta bateriajolea orain Iñaki Sebastian da eta baxularia Juanjo Falcon.
A. Zuk konposatu duzu aurtengo Nafarroa Oinezeko kantua.
X.M. Bai, eta hitzak Bernardo Atxagak egin ditu. Bideoa oso ikusgarria izango da eta hemen bizi den eta euskalduna den Angola, Alemania, Sri Lanka, Japonia eta beste herrietako jendeak parte hartuko du. Bianan grabatu genuen eta oso interesgarria izango da hango nortasuna erakusten duelako.
60
GaiezKulturaMusikaMusika modePertsonakAbeslariakMUGURUZA3
GaiezKulturaArgitalgintArgitalpenaDiskoak
GaiezKulturaMusikaArgitalpenaDiskoak
PertsonaiazMUGURUZA3
