Itziar Azpeitia, ETBko aurkezleari elkarrizketa
Itziar Azpeitia: «Ez da ikuslerik lortuko eskaintza zabaldu ezean»
Duela zortzi bat urte edo sartu zen Euskal Telebistan bekadun moduan, lehenengo promozioan. Geroztik albistegietan ibili da gehienbat, baina beste saio batzuk ere egin ditu urte hauetan zehar. Orain asteburuetan ikus dezakegu «Gaur egun» albistegia aurkezten.
ARGIA. Zu ETB1 eta ETB2ko albistegietan aritu zara. Ezberdintasunik nabaritu al duzu batetik bestera?
I. AZPEITIA. Nik uste dut kazetariaren aldetik ez dagoela desberdintasunik. Desberdintasunak gai aldetik sor daitezke, beti daude diferentziak euskal ikusleek eta erdaldunek nahi dutenaren artean. Guk badakigu gai batzuek harrera hobea izango dutela euskal ikuslearengan, adibidez bertsolari txapelketa batek. Baina uste dut saiatzen garela euskaraz zein erdaraz informazio bera ematen hemengo ikuspegitik. Batzuetan erdaraz egitean euskal ikuspegitik egiten dugula ere leporatzen digute.
ARGIA. ETB1 eto albistegiak ETB2koak baino laburragoak dira, zer deritzozu honi?
I.A. Nere iritziz ez litzateke horrela izan beharko. Baina etxe honek apostua era batera egin du informazio kontuetan. Egia da euskarazko informatiboak gutxiago ikusten direla, baina hor amaiera gabeko zirkutu bat sortzen da: ez bada eskaintzen ez da ikuslerik lortuko. Hau hainbat kazetariri ere gogorra egiten zaigu.
A. Zein da albistegiak egiterakoan aurkitzen duzun zailtasunik nagusiena?
I.A. Nik uste dut medioak berak duela zailtasuna. Egunkari bateko albisteak egiteko magnetofoi txikiarekin joan, eta gero berria idatziko du. Telebista alde horretatik oso konplexua da. Bestetik ere oso erakargarria da. Hala ere telebistan zerbait egiterakoan zu katea luze baten puntu txiki bat zara. Dependentzia teknikoa izugarria da eta zure lana pikutara joan daiteke.
A. Zein baste saio egitea atsegingo litzaizute?
I.A. Ni albistegiez gain beste zenbait saiotan aritu naiz eta argi dago telebista ez duzula benetan ezagutzen beste saioetan ibili ezean. Albistegiak telebistaren atal oso txiki bat dira eta saioak askoz ere betegarriagoak iruditzen zaizkit. Nik ikuslearekin harreman zuzena edukiko lukeen edozein saio egingo nuke. Informazioaren kontuekin gogaituta edo bukatzen duzulako, hain sakona izango ez litzatekeen saio bat egitea gustoko izango nuke.
AITZIBER YARZA
61
GaiezKomunikabidTelebistaETBAurkezleak
PertsonaiazAZPEITIA2
EgileezYARZA1Komunikabid
