«Ez EAJk ez ETAk ez dute ahalmenik arerioaren borondatea aldatzeko»
Eztabaida biz lezakeelakoan, «Euskadi: aproximación politica» liburua plazaratu du Joseba Ariznabarretak, Itzaga ezizenez. Orreaga iritzi politikorako taldeko kide guztiak bezala, ez dago gaur egun egiten den politikarekin konforme. Euskal politikak nolakoa beharko lukeen izan zehazteko debatea sortu nahian dabil Itzaga.
Liburuak Euskal Herriaren aldeko politika egiten denik ukatu egiten du. Politika egiten da, baina ez benetakoa, Euskal Herriaren aldekoa, alderdien izenean behinik behin.
Herriak, berriz, berez erresistitzen du. Baina berezkotasun horrek ezin lezake inoiz politika emaitza onik eman, baldin eta kualifikatzen ez bada. Kualifikazio hori lortzeko daude alderdiak, baina ez dute horretan asmatzen.
Euskal sentimentua eta abertzaletasuna ezinbestekoak dira, baina horrekin bakarrik ezin da fruitu politikorik bildu.
Herriak hala nahi izango balu, horren kontrako beste mugimendu politiko bat sortu beharko litzateke, egoera hori salatuko lukeena, eta gobernu espainiarrarekin edo dagokionarekin negoziatu beharko lukeena.
Ez dut, dena den, ezer berririk asmatu. Argi eta garbi diot liburuan ere, «Lan Deya»k ere lehenagotik esana duela, eta bertatik hartutako ideiak direla. Europako herri zapalduek ere horixe bera azaldu dute. Europan praktikan jarri dute, eta emaitzak biziki onak izan dira.
Estatu espainiarraren aurrean subjektu politiko bezala agertzea baizik ez da. 1977an, Franco hildakoan eta instituzioetan parte hartu baino lehenago, subjektu politiko bezala ihardun bagenu, besterik genuke orain.
Lituanian, Letonian eta Estonian, esate baterako, egin duten bezalase. Mugimendu demokratiko zabal baten aintzindariak izango ginateke, baina begira non garen... Trenaren azken bagoia harrapatu ezinik.
Ezker abertzalekoa naizela idatzi izan da, baina nik ez dut horrelakorik sekula esan. Eskubitarra naizenik esan ez dudalako ezker abertzalekoa al naiz? Hain zaharkitua ikusten dut gaur haren terminologia! Ni euskotarra naiz, eta beraz demokrata. "Ezkerra" eta antzekoak...
ETAri dagokionez, ez dut bere bidean sinesten. Atentatuak burututa Estatu espainiarrarekin negoziatzea lortuko dutela uste dute. Estatu espainiarrak nahikoa frogatua du horrelakoekin ez dela beldurtzen. Benetako gerra bat dugu lekuko. Gainera beste alderdi guztiak ari dira Estatua legitimatzen, baita ETA bera ere. ETAk ere botoa ematera joateko agindua emana du. Eta bozketek legitimatu egiten dute estatua, baita ezezko botoek ere. Beraz, Estatu espainiarra guztiz kontsideratuta dago estatu guztien aurrean. Atentatuari uko egiten bazaio, hurrengo pausoa instituzioetan erabat parte hartzea izango ez ote den beldur naiz. Ulertezina egiten zait hori. Politika EAJ eta horrelakoek egiten dutena da biolentzia berriz, ETArena. Baina politika beti da biolentzia. Gerra, azken finean, politikaren beste era bateko garapena baizik ez da. EAJrena ez da biolentzia, baina ETArena ere ez. Euskal Herriaren aldeko biolentzia, noski. Arerioaren kontra duzun indar guztia erabiltzea da biolentzia politikoa. Ez EAJk ez ETAk ez dute ahalmenik arerioaren borondatea aldatzeko.
Ni ez nago ez indar armatuaren kontra, ezta politikaren kontra ere. Ez nago printzipioz ezeren kontra. Biolentziarik gabe helburua lortzerik ez dagoela ulertzen dut nik. Baina zer da biolentzia? Horixe da definitu beharko genukeena. Eta baita bere erabilera egokiena ere.
Lehenik indarrak neurtu behar dira. Guk ditugun indarrak eta arerioak dituenak alderatzea politikarien lana da. Horretaz gain, arerioari minik handiena non emango dion asmatzea ere haien lana da. Horixe da politika. Oso lan zaila da, baina nork esan du politika egitea erraza denik? Hemen ez dago politikaririk, eta ez dugu ia sekula izan. Hauxe da, Euskal Herriak egindako akatsik handiena. Herria beti izan da borrokarako prest, baina politikariek porrotera eraman dute beti.
EAJ ere mezu hori zabaltzen ari da. Alegia, gauzak larregi politizatuak dandenez, gure arazo ekonomikoak ez dira konponduko. Konponbiderik egokiena lan egitea eta ondradu izatea dela diote. Ez dut ulertzen. Gu politikaren bidez zapaldu gaituzte. Beraz, irtenbide bakarra politika da.
Epaileari nahikoa izan zaio azaroaren 27an Ertzaintzak egindako deklarazioa kasua artxibatzeko. Erabakiaren aurrean helegitea aurkeztuko duela adierazi du Xuhar Plataformak. “Xuharrek ez du begia galdu, Ertzainak begia galduarazi dio”, salatu du mugimenduak.
Hobekuntza horiekin izokinak eta beste espezie migratzaile batzuek erruteko eremu optimoak lortzea eta bizirik irauteko aukerak handitzea espero da. Europako funtsekin finantzatutako jarduera da, Life Kanturibai proiektuaren baitakoa.
Epaiketa prozesua abiatu du ostegun honetan gazte antolakundeak. 2023an egindako bi ekimenen ondorioz 290.500 euroko zigor ekonomikoa jarri dio Eusko Jaurlaritzak. Ekonomikoki "ito eta desagerrarazteko" mekanismoa dela salatu du Ernaik.
Adinekoen egoitzako egoiliarra da asteazken gauean hildako emakumea. Larriki kolpaturikoa ospitalera eraman zuten, baina bertan hil zen emakumea. Bertako egoiliarra den 68 urteko gizon bat atxilotu dute, indarkeria matxista leporaturik.
Hego Euskal Herriko gazteen osasun mentalaren egoera “kezkagarria” da, Gurea Geroa atari digitalak egindako txosten batek agerian utzi duenez. Inkestaren arabera, gazteen erdiek ondoez emozionala pairatzen dute, eta hamarretik seik pentsamendu suizidak izan dituzte... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Asteazkenean banatu dituzte Rikardo Arregi sariak, Andoainen. Kazetaritza Saria Berria-n argitaratutako Feminizketak elkarrizketa sortak jaso du, eta Komunikazio Saria Euskal Wikilarien Kultura Elkartearen Ikusgela proiektuak. Ohorezko mugarria Ana Galarraga Aiestarani eman dio... [+]
Threes! edo 2048 klasikoen bertsioa prestatu dute Julen Irazokik eta Ibai Aizpuruak, Mikel Dale musikagilearekin batera. Android-en doan deskarga dezakegu euskarazko bideojokoa.
Urtarrilean salmenta espekulatibo bat salatzeko ekintza egin zuen Arberoa Lurra eta Etxebizitza kolektiboak, eta horrekin lotuta egon daitezke atxiloketak. Goizeko seiak aldera atxilotu dituzte, "atea kasik hautsiz eta esku-burdinak segidan ezarriz", Ostia sareak... [+]
Israelgo lehen ministro Benjamin Netanyahuk "immunitatea", hau da, babes politikoa duela adierazi du Frantziako Kanpoko Aferen ministroak. Israelgo Haaretz eta Maariv komunikabideek jakitera eman dute Libanorekin adosturiko su-etenaren baldintzen artean zuela... [+]
Enpresa jo dute egoeraren erantzuletzat, baita erakunde publikoak ere. Langile batzuek bost hilabete baino gehiago daramatzate kobratu gabe, eta ostiral honetan egingo dute manifestazio bat, ontziolatik abiatuta: ez dezatela itxi aldarrikatzeko.
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Donostiako Udalak Mikel Zabalza Garateren (1952-1985) omenezko plaka bat jarriko du larunbat honetan (hilak 30), Guardia Zibilaren Intxaurrondoko kuartelaren aurrean (Baratzategi kalea, 35). Guardia Zibilak gaurko egunez atxilotu zuen Zabalza, 1985ean, Altzako bere etxean... [+]