ETBko "Boxeo izarrak" saioko Pedro Mari Goikoetxeari elkarrizketa.
Pedro Mari Goikoetxea: «Boxeoa zalantzan badago beste kirolak ere jarri beharko»
Zortzi urte daramatza ETBn lanean, kirol saila sortu zenetík. Futbol arloan askotan ikusi dugu, baina oraingoan "Boxeo izarrak" saioan ari da aurkezle lanetan. Boxeoaren inguruan askotan bizten diren eztabaida eta arazoez hitz egin dugu berarekin.
ARGIA. Nola sartu zen boxeoa eta "Boxeo izarrak" saioa ETBn?
P.M. GOIKOETXEA. Boxeoa ETBn sartzearen arrazoia programa arrakastatsua izango zela nuen ziurtasuna bera izan zen. Hasieran konbate parec bat ematen genituen, eta audientzi ikerketetan ikusi zenez, larraitzaile asko zeuden. Gero ostiralero, Bundesligaren ostean, konbate bat ematen genuen eta Bundesligak berak baino ikusle gehiago zituenez honen aurretik jarri genuen. Ondoren boxeo izarrei buruzko saio bat egitea bururatu zitzaidan eta azkenik saioarekin jarraitzea erabaki genuen.
A. Azken aldi honetan eztabaida sortu da boxeolari bat oso egoera larrian geratu delako konbate baten ondorioz. Zuk zein iritzi duzu honi buruz?
P.M.G. Gauzak sakontasun gehiagoz aztertu behar direla uste dut. Alde horretatik kirol hau madarikatua da, baina ez dakit kirol baten baliagarritasuna non neurtzen den, kirol gehienetan gertatzen bait dira ezbehar ugari eta ondorioz boxeoa zalantzan jartzen den bezala beste kirol batzuk ere jarri beharko lirateke. Bestetik. estatistikek agertzen dutenez, zauri larrienak eta ugarienak ez dira boxeoan ematen.
A. Zenbait telebistatan boxeo emankizunak ez dira ematen, bertan agertzen den biolentzia dela eta, zer deritzozu honi?
P.M.G. Erabakia hartu duenak jakingo du horren arrazoia, baina biolentzia agertzen ez duen telebistarik ez dago munduan. Sarritan albistegi eta filmeetan bortxa gehiago agertzen da eta gainera ordu desegokiagoetan, umeei kalte egiteko arriskua egonez.
A. Zein egoeratan ikasten duzu gaur egun boxeoa Euskal Herrian?
P.M.G. Euskal Herrian boxeo zaletasun handia dago, pertsona beraren zerbait izan daitekeelako, borrokarako era bat. Boxeozale ugari dago, eta batez ere baserri giroko jendea da. Une honetan falta dena boxeo figura edo izar bat da. Izar hori izango litzateke dagoen zaletasuna mugierazteko falta dena, lehen "Urtain"ek zuen papera beteko lukeena.
ATZIBER YARZA
61
GaiezKomunikabidTelebistaETBSaioak
GaiezKomunikabidTelebistaETBAurkezleak
PertsonaiazGOIKOETXEA9
EgileezYARZA1Komunikabid
