«Ideiek busti, lehortu, zikindu edo kontagiatzen dute artelana»
Laura Mintegik, «Legez kanpo», eztabaida bizkortuko duen nobela argitara eman du egunotan. Gaiak–torturaren inguruko jarrerak betidaniko lagun birengan markatzen dutena- eta idaztankerak–bi nobela batetan–esanguratsuak dira, idazle honen egungo nondik norakoa ezagutzeko.
Kontuan hartu behar da, bestalde, idaztea ez dela nire lan bakarra. Pertsonalki idaztea gauza garrantzitsuenetarikoa da, baina eguneroko rankingean ez du lehentasunik, behintzat denborari dagokionez.
Esan behar dut oso tentso idatzi dudala eta hori nabaritu egiten dela liburuan. Potizia nobela oso gustora, aise eta xuabe egin dudan bitartean–fikzio lan hutsa izan bait da, eta eredu asko daude–, bestea, aldiz, izan da minez sortutako lana, eta hori ere igarri egiten da.
Idazle batentzat gauzarik zailena da erregistro diferenteak edukitzea. Ezinbestekoa da norberaren estiloa, norberaren tik edo keriak agertzea, baina bestalde aberastasuna dator estilo desberdinak, kadentzia, erritmo, kontaera diferenteak erabiltzetik. Ez da batere erraza, eta alde horretatik niretzat saio bat izan da.
Publikoki hitz egin edo idazten duzunean hiru aukera daude: bat, inolako garrantzi, konpromezu edo ondoriorik ekartzen ez duten gauzetaz idaztea; bi, ixilik egotea: eta hiru, hitz egin eta idatziz gero benetan pentsatzen eta sentitzen dudana idaztea. Hirugarren bide honi ekin diot. Erabakia oso konszientea da, urte hauetan inozentzia intelektuala galdu dut, ez da posiblea atzera egitea berriro.
Denok dakigu zer nolako momentua bizitzen ari garen Euskal Herrian eta mendebaldean orohar, eta denok dakigu literatura bere garaiaren alaba dena. Korrontearen aurka goaz, baina nabarian ez agertzeak ez du esan nahi beste balorerik ez dagoenik. Ni baikorra naiz, badakit momrntu txarretatik sortzen direla momentu onak, badakit dezepzioetatik sortzen direla ilusioak, zorionez ikusiko ditugu. Baikorra naiz, guttien espero dugun lekutik, agertuko da inpetua, ilusioa, hemen berriztapen bat gertatzen ari da. Batzu inkorporatuko dira hurrengo inpultso honetan, beste pertsona batzu galduko dira betirako, baina berriak sortuko dira horretaz seguru nago.
Neketsua da korrontearen aurka Neketsua da korrontearen zenbait balore mantentzea, batez ere gutti balore, batez ere gutti izan izanda, baina gutti izateak ez du ziurtatzen da, baina badakigu jakin, gutti izateak ez duela ziur oker egotea. Kopuruak inoiz ez du ziurtatzen alde baterako edo besterako zuzentasuna. Normalean, zuzenen ibili direnak oso gutti izan dira.