Lydia Ansomendi L'argenté ikastetxeko ikasle eta ikasleen ordezkariari bere lizeoan elkarrizketa
Lydia ansomendi L'anrgenté ikastetxeko ikaslea eta ikasleen ordezkari bere lizeoan
"Ez dakit zerbait lortuko ote dugun baina bederen entzun egin gaituzte"
ARGIA.Nola ikusi duzu orokorrean azken astetan izan den mugimendua?
LYDIA ANSOMENDI. Lehenik erran behar dut gure ikastetxearen egoera berezia zela, pribatua baita eta hasiera batean beste lizeoetako ikasle batzuk pentsatzen zuten ez ginela inplikatuak. Burgesak ginela esaten ziguten. Baina ulertu dutelarik parte hartu nahi genuela dena ongi iragan da eta ordezkariak izendatuak izan dira Baionan Cassin lizeoan biltzen koordinakundean parte hartzeko.
Konkretuki eskola publikoak kalean zirela eta guregana etorri dira beraien protesta azalduz eta greba zertarako zen adierazteko. Esan behar da ere ez genituela denetan arazo berak eta hasiera batean erabaki dugu ikastetxean bertan greba egitea eta beraz bildu gara gela batean eta ondoren zuzendariarekin.
Gure eskakizunak desberdinak ziren, adibidez inseguritate arazorik ez dugu, zaindaririk ez dugu behar. Beraz guk genituen eskakizunak paper batean ipini ditugu eta zabaldu, hau eskatuz: BAC delakoaren ezagutza bera sekzio guztietan. Gizarte soziala gehiago ikasketak segitzen eta ez ditzatela fakultate guztiak kontzentratu hiri nagusietan. Goi mailako ikastetxe gehiago lokalki.
A. Zer eskakizun mota zenuen ordezkari gisa?
L.A. Koordinakundea eta ikasleen bitartekoa egiten nuen. Paper nahikoa zaila izan da batzutan ikasle batzuk ez bait zuten greba egin nahi eta beraiekin eztabaida nahiko luzeak izan ditugu. Zuzendariarekin izandakoa hasieran nahiko gogorra, ez bait genuen honelako esperientziarik orain arte. Asko ikasi dugu.
A. Nola ikusten duzu orain egoera?
L.A. Ikasle guztiek batera bloke bat egingo bagenu, bortizkeriarik gabe, politikarik gabe, zerbait egingo genukeela. Bakoitzari hitza uzten bazaio erabaki garrantzitsuak hartu ditzakegula eta ideia inportanteak aintzinatuko liratekeela. Orain ez dakit zerbait lortuko ote dugun baina behintzat entzun gaituzte. Ministroek ikasleek errezibitu dituzte eta gauza batzuk agindu. Urgentziazko emazte bat izendatua izan da, gure eskakizun larrienei berehalako erantzuna emateko. Zain gaude.
Ixabel Etxeberria
27