Amaia Illarreta dantzariari elkarrizketa.
Amaia Illarreta: "Garai batean zegoen giroa galdu da"
Donostian berriki jokatutako Fandango eta Arin-Arin txapelketan, Euskadiko txapeldunak diren Amaia Illarreta eta Antxon Mendizabal izan ziren irabazle. Duela bederatzi urtetik hona txapelketaz txapelketa aritu den bikote honek, soberan ezagutzen du mundu bau. Amaia Illarretarekin mintzatu gara gu.
ARGIA. Noiz hasi zinen mundu bonetan?
AMAIA ILLARRETA. Gurasoen eskutik murgildu nintzen mundu honetan, hasiera batean lehengusu batekin aurkezten nintzen txapelketatara. Hamaika urtekin, Donostiako Eskola dantza taldean sartu nintzen.
A. Noizkoa da Amaia Illarreta-Antxon Mendizabal bikotea?
A.I. Gurasoengandik ikasitakoa Eskolan irakasten hasi nintzen, eta Antxon zen "ikasleetako" bat. 1981. urtean aurkeztu ginen lehen aldiz txapelketa batera, Gasteizen goizez eta Lazkaon arratsaldez.
A. Ba al da eskolen araberako estilorik?
A.I. Urratsen aldetik, ez da ezberdintasun handirik egoten. Ezberdintasunak dantzatzeko eran atzematen dira: besoak nola kokatu, urratsak nola markatu...
A. Nola ikusi duzu Donostian jokatu den azken txapelketa?
A.I. Garai batean egiten ziren Donosian horrelakoak, baina denboraren poderioz galdu egin ziren. Segurako txapelketan bi donostiar txapeldun gertatu ondoren, txapelketa hau berpiztu beharra zegoela pentsatu genuen.
A. Eta partaidetza?
A.I. Ezarritako sariek jende asko erakarri zuten, hemeretzi bikote guztira, hauetarik lau Donostiakoak gainera. Mailari dagokionez, oso maila handia erakutsi zuten partehartzaileek.
A. Sariek Segurako txapelketa gainditzea zuten helburu?
A.I. Helburua ez da inolaz ere Segurako txapelketa gainditzea, Segurakoa da txapelketa nagusia. Hala ere, denboraldi hasieran izateak badu bere traba, hasi bezain pronto txapelketa indartsuena...
A. Nola ibusten duzue epaimahaiaren lana.
A.I. Donostiako txapelketan puntuazioa agerian ematea proposatu genuen, eta epaimahaiaren erantzuna ezezkoa izan zen, behar bada beldur dira. Dena den, denetarik dago, batzurengan kriterioa badagoela soma daiteke, besterengan ordea ez.
A. Bukatzeko, nola ikusten duzu dantzaren etorkizuna?
A.I. Bikoteei dagokionez ondo, bikote kopurua ugaritzen ari bait da. Dantza taldeei dagokienez, garai batean zegoen giroa galdu da, beste giro bat somatzen zen ni hasi nintzenean.
I. Goikoetxea
57
Gaiez\Kultura\Dantza\Dantzariak
Pertsonaiaz\ILLARRETA1
Egileez\GOIKOETXEA5\Kultura