Jose Mari Gabiriari elkarrizketa.
Jose Mari Gabiria: "Oraindik euskararen militante izan behar dugu"
Jose Mari Gabiria berez irakaslea da, baina gaur egun, ETBko informatiboetako kazetaria. Hernanin, Legazpian eta Zumarragan irakasle zegoelarik, medio ezberdinetan ibili izan zen han-hemenka. Zeruko Argia, Arantzazu, Goiz Argi eta beste aldizkariren batetan lagundu zuen, herriko irratitxo batetan bezala. Honi esker, Euskal Telebistan sartzea lortu zuen eta orain arte informatiboetan aritu da lanean.
ARGIA.–Zuk euskal informatiboetan egiten duzu lan, ETB-1ean...
Jose Mari Gabiria.–Beno, ni noski euskal informatiboan hasi nintzen lanean, baina izu ederra jaso nuen handik bi hilabetetara erdal katerako ere egin behar zela esan zidaten lehen aldian. Ni gaztetatik euskararen alde ekiten ibilia naiz, euskararen militante bat izan naiz eta bapatean horrelakorik egitea gogorra zen niretzat. ETBn, lehen kanalean, erdaraz tutik ere ez sartzeko erabakia hartua dugu, baina orain geu ere pentsatzen jarriak gara ea honela izan beharko lukeen ala ez.
A.–Baina gaur egun oraindik euskararen militantea izan beharra al dago?
J.M.G.–Agian bai oraindik, ni behintzat oraindik euskararen militantea sentitzen naiz. Milioiak erabiltzen dira euskararen alde instituzioetan, baina badirudi ez dela nahiko, beste zerbait falta dela, petralak izan behar gara. Adibidez oraindik ez gara egunkari bat ateratzeko gai izan, eta nik ez dakit nork atera beharko luken egunkari hau.
A.–ETB-1 eta ETB-2 hor ditugu. Zer iruditzen zaizu?
J.M.G.–Niretzat telebistaren funtzioa, informatzea eta entretenitzea da. Baina bigarren katea sortu denetik, ETB-1en kalterako izan da eta gainera garbia da erabat erizpide politikoengatik sortu zela.
A.–Berez medio baten izaeran, fuatzioa ideolojikoa berezkoa al da?
J.M.G.–Funtzioa ideolojikoa jakina da, hortan dudarik ez. Hori medio orotan gertatzen da, nahigabe ere gertatzen da. ETBn adibidez nabaria da alderdi bati beste bati baino indar gehiago eskeintzen zaiola eta alde honetatik kontutan izan behar da ETB-2 sortu zenean aipatu zen asmo nagusia Madrildik eskeintzen zen erdarazko informazioa beste modu batetara eman ahal izatea izan zela. ETBk eta TVE, ematen duten informazioa eta informazioa emateko moduan ezberdinak ez balira, tristea litzateke.
A.–Baina ETBren kontrol politikoan alderdi bat ezik, beste denak egon arren, PSOE ere bertan da eta nola uler daiteke hori?
J.M.G.–Baina erredaktore buruak euskaldunak dira, eta abertzaleak denak esango nuke nik. Adibidez Goñi Tirapu abuztuan Gobernuaren Donostiako errezepziora joan zenean, guk 'atzeko atetik' egin zuela esan genuelako, biharamunean kristoren dei piloa jaso genituen protestaka. Eta badakigu nork deituko zuten.
B. ARTOLA
61
GaiezKomunikabidTelebistaETBAurkezleak
PertsonaiazGABIRIA1
EgileezARTOLA3Komunikabid
