Egin ARGIAkoa

Gizartea Ingurumena Politika Ekonomia Kultura Euskara Feminismoa Hezkuntza Nazioartea Iritzia

astelehena 2024ko azaroaren 25ean

"Barne Sailak filosofia aldatu duen neurrian geuk geurea aldatu behar izan dugu"

2021eko uztailaren 23an

Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Joseba Gómez, ERNEko Idazkari Orokorrari elkarrizkata
Joseba Gómez, ERNEko Idazkari Orokor berria
"Barne Sailak filosofia aldatu duen neurrian geuk geurea aldatu behar izan dugu"
ERNE sindikatoan Endika Etxeandiak eseritzen zuen Idazkari Orokorraren aulkia eseriko du Joseba Gómez Alonsok aurrerantzean. 31 urtetako ugaotar hau orain 3 urte egin zen ertzain eta sindikatoaren Arabako Idazkaritza lanetan ziharduen. Ezkondurik dagoen polizia honek filosofia berriaz dakusa Barne Saila eta ondorioz ERNEren egokitzea beharrezkotzat jotzen duela adierazi digu sindikato honek Bilbon duen egoitzan.
ARGIA.–ERNE sindikatoak betidanik zer esan frango eragin du prentsa mailan. Zertan da sindikatoa egun?
Joseba Gómez.–Iazko azaroak 23, 24 eta 25ean barne batzarre bat ospatu genuen bertan bi ponentzia aurkeztu zirelarik. Biok afiliatuen artean botatu ziren eta Endika Etxeandiak eta bost kidek aurkeztutakoa suertatu zen irabazle eta egun ERNEren lerroak marrazten dituena dugu. Azarotik hona delegatu junta orokor bi egin dira eta hauetako batek junta zuzendariak Idazkari Orokorraren izendapen berria eskatu zuen eta ni aukeratu naute.
Une honetan 89ko eskakizun taula aurkeztu dugu eta urtarriletik hona Barne sailarekin batzartzen ari gara. Badirudi Saila jarrera ona erakusten ari dela eta ondorioz zenbait pundu konponduz doaz.
A.–ERNEren Idazkari Orokorra izendatu berria zara; gurea bezalako Herri batean zaila al da egun ertzaina izatea?
J.G.–Niri bederen ertzaina izateak ez dit inolako arazorik eragin. Ez gara persegituak sentitzen eta froga nagusia duzu edonon ari garela aurpegia ematen.
A.–Zein polizi eredua bultzatzen du egungo ERNE polizia sindikatuak?
J.G.– Guk batzarrera eramandako ponentzian ERNEk bultzatzen duen polizi-eredua aurkeztu genuen, hau da, polizia zibila, demokrata, Herriarena eta Herriarentzat egina. Hiru berezitasun lituzke polizia honek: asistentziarena, prebentibotasunarena eta delituaren errepresioarena..
A.– ELLA-Ertzantzari salatzen zaion bezalaxe, egungo ERNEri ere, Barne kontseilaritzatik hurbil dagoen sindikatoa dela leporatzen zaio.
J.G.– Hori ez da horrela. ERNEk jaiotzetik dituen jatorrizko printzipioak defendatzen darrai, hala ere, honelako kritikak parte batetik bakarrik datozkigu baina egia da Kontseilaritzak egin duen barne berregituraketa dela bide, aurreko kontseilariarekin itxiak genuen hainbat ate egun irekiak ditugula. Horregatik diot garai batean salatzen ziren makina bat pundu egun konponduz doazela eta Kontseilaritzak lehen juntaren espedientea errepasatzeko agindua eman digun bezalaxe, betetzea espero dugu.
Kontseilaritzak filosofia aldatu duen neurrian geuk geurea aldatu behar izan dugu.
A.–Zuk ez al duzu uste egungo ERNErekin Kontseilaritza erosoago dagoenik?
J.G.–Ezin du inoiz eroso egon, borroka sindikal batean fronte guztiak beti irekiak bait daude. Normaltasunatik ateratzen diren puntutan ari gara elkar lanean eta lerro horretan gabiltza; behar bada, eta zorionez, egunero prentsan eta pilpilean egoteagatik ateak ixten bazizkiguten, orain irekiak diren ate horiek probetxatuz elkar konpontzen dugu. Hala ere, honek ez du esan nahi inorekin lan paraleloa egiten dugunik; eskakizun sindikalak eginez fronte guztiak irekiak ditugu.
A.– Elkarte autonomikoak sortzen dituen beharrekin bat al dator egun dugun polizia kopurua?
J.G.– Azaroako batzarrean irabazi zuen gure ponentzian agertzen den proiektoak Ertzantza eta udaltzaingoaren arteko koordinaketa bultzatzen du, batez ere, edozein istripu edo delituen aurrean nahaspilaren itxura eman ez dezagun.
Gu kalera Herriaren borondatez irten ginen, eta honetan eta Euskadiko herri guztietan zabaldurik egon behar dugula oinarrituz, udaltzaingoarekin koordinaketa bilatu behar dugu.
A.–Zer isladatzen du hainbeste polizia moeta egoteak?
J.G.– Galdera honek bere garaian euskal Legebiltzarrak exekutibo autonomoari errepliege-despliegea nola eman behar zen agindu ziola gogoarazi dit. Guk Parlamentuaren agindu hura bete dadin aldarrikatzen dugu eta kontu honetan oso argi dagoen Gernikako estatutua goitik behera betetzea espero dugu.
A.–Estatutua bete eta despliegea burutu ostean, indar polizial bakarra izango zaretela uste duzu?
J.G.–Noski. Hauxe da estatutuaren asmoa eta guk eskatzen duguna da despliege hau gertatuz gero, ez dadila inorentzat traumatikoa izan.
A.–Orain egun gutxi Juan Lasa kontseilaria eta lehentxeago Ertzantzaren Zuzendari Orokorra den Baltasar Marinek Alemaniako 'lander' batera joan dira bertako polizia ereduaz jabetzera. Posible al da polizia alemaniarraren eredua Ertzantzan ezartzea?
J.G.–Aipatzen duzun bidaia honen berririk ez daukat baina teknika onak ekartzea den guztia–polizia alemaniarra ona bait da polizia bezala–begi onez ikusiko genuke, baina beti ere, ERNEk bultzatzen duen polizia moetaren berezitasunekin. Ez dakit ziur, baina Alemaniara eredu desberdinak ikustera joan ahal izan dira, Inglaterrakoa ere ikutu zen... Euskadin zein eredu litzatekeen hoberen ikusten izango dira Kontseilaria eta Zuzendaria.
A.–Galdera egin dizut euskaldunoi alemaniar eredua aipatuz gero, Martin Villak Alemaniatik ekarri zuen errepresio eredua gogoarazten digulako berehala; hiritarren kontrol zorrotza...
J.G.–Ez dakit zein helburuz egin duten bidaia hau baina pentsatu nahi dut, beste batzuetan Beljikara edo Holandara joan diren bezalaxe, ereduak ikusi eta bat aukeratzera joango zirela.
A.–Baltasar Marin eta Juan Lasak alemaniar polizia eredua ekarriko baligute?
J.G.–Ez dakit ziur zertan den alemaniar eredu hori. Guk europar poliziekin harreman gutxi dugu eta Kontseilaritzak proposatuko lukeen ereduaren berri guri ematerakoan aztertu beharko genuke. Hala ere, Europan polizia eredu asko dago eta ez da derrigorrez bakarra aukeratu behar.
A.–Europar poliziekin harreman gutxi dituzuela esan duzu. Zein harreman izan dituzue?
J.G.–Nazioarteko Polizi Sindikatuen Konfederakundearen Idazkari Orokorrarekin eta beste kideren batekin soilik. Konfederakunde bat denez, hainbat poliziaren informazioa jaso eta gurea ezagutarazten dugu. Ez gehiagorik.
A.–Gaiez aldatuz, promozio bat osatzeko deia egiten denean 300-400 postu betetzeko gutxienez 3.000 gazte aurkezten da. Erizpide fisiko eta abarrez gain, hautaketa egiterakoan bahe ideologikoren baten berririk ba al duzue?
J.C.–Kritika hau egin ez dadin jarraipenezko batzorde bat eratzea eskatu diogu gure Sailari, Ertzantzan esku hartu nahi duen hiritar orok Arkauteko akademiara sartzeko aukera berdinak eduki ditzan, ustezko kontu horiek gerta ez daitezen alegia. Kritika hauek, batez ere, 4. promozioarekin egin ziren baina Arkauten sartzeko jarraipenezko batzorde honekin arazorik ez luke egon beharko. Garbi dugu Euskadin ideologia desberdineko jende asko dagoen bezalatsu Ertzantzan ere ideologia desberdineko gizabanakoek egon behar dutela.
A.–Baina PNVk alderdiaren polizia bat edukitzeko asmorik baino zertxobait gehiago ez al du eduki?
J.G.–Aurreko galderaren lerro beretik erantzungo dizut. Kritika hauek ekidin asmoz, Euskadiko alderdi parlamentari guztiek 4. promozio haren kontu guztiak argitzeko aukera izan zuten; ERNEk gobernuari interpelazioak egin ziezaioten proposatu zien alderdiei, hau da, Parlamentuak konponbidea eskuetan izan zuen baina inor ez zen 'busti' eta orduan ERNEk jarraipenezko batzorde hau osatzea proposatu du.
A.–Bestalde, Aljerreko mahaia indarrean zegoenean, ERNEko aurreko Idazkari orokorra zen Endika Etxeandiak akordioren batera iritsiz gero begi onez ikusiko zukeela zion. Mahaia geldirik dago, neurri polizialak indarrean...
J.G.–Euskadiko beste edozein hiritarrek bezalatsu begi onez ikusiko nuke Aljerian akordioren bat erdiestea. Denon lasaitasunerako, onuragarria litzateke bi aldeentzat akordiora iristea, zeren nik ere sortu ziren itxaropen haiekin begi onez ikusiko nuen konponbidea.
A.–Mahaia hautsi denetik, neurri polizial hutsez konpondu al daiteke egungo Euskal Herriko egoera?
J.G.–Nik negoziaketa horiek berriro ere suertatuko direla pentsatu nahi dut; diren negoziaketa moeta direla beti elkar hizketa jarraitzeko ate bat irekia gelditzen dela ulertzen dut eta esan dizudan bezala, elkar hizketa hauek epe ezjakin batean berriro jazoko direla uste dut.
A.–Eta aipatzen duzun elkar hizketa hori jazoko ez balitz, neurri polizialak aski al lirateke arazoa konpontzeko?
J.G.–Horregatik diot arazoa konpontzeko epe ez oso luze batean bi aldeen artean elkar hizketa hori edo horiek suertatuko direla.
A.–Polizia kopurua aipatu dugunean Gernikako estatutua bete behar dela erantzun duzu. Zein epe dakusazue despliegeari dagokionez, Gernikako estatutua bere osotasunean bete dadin.
J.G.–Epeetaz ezin gara mintzatu guztia oso mantso doalako, aurten ez da batere despliegerik egin. 9. promozioak Arkauten sartzear egon beharko zukeen eta guztira 14-15 bat promozio egon beharko duela uste dut. Despliegearen ardura Seguritate Juntarena da eta batzartzen diren erritmoari so eginez gero, sor daitezkeen atzerapenak begibistakoak dira.
A.–Amaitzeko, zein harreman moeta izan ohi duzue Policia Nacional eta Guardia Civil ekin?
J.G.–Arkautera ertzain izateko asmoz ideologia desberdineko gazteak joaten badira, Estatuko gainontzerako gorputz polizialetan gauza bera gertatuko da. Batzuk elkarrekin ongi konponduko gara eta beste batzuk berriz... Gizabanako bakoitza mundu bat da eta norberak daki zer egiten duen, agurtu, lan harreman soilak izan edo ezer ez.
BARTOLO
"Eskakizun sindikalak eginez fronte guztiak irekiak ditugu".
"Garbi dugu Euskadin ideologia desberdineko jende asko dagoen bezalatsu Ertzantzan ere ideologia desberdineko gizabanakoek egon behar dutela".
Elkar hizketa hauek (Aljeriakoak) epe ezjakin batean berriro jazoko direla uste du Joseba Gómezek.
13-15

GaiezEkonomiaLehen sektoNekazaritza
GaiezEkonomiaSindikalginSindikatuaERNE
PertsonaiazGOMEZ3

Irakurrienak

Matomo erabiliz

“Mugikor tentelen” demanda hazi da, deskonexioa helburu

Mikel Garcia

Mugimendu feministak gizonei dei egin die konplizitatea eta justifikazioa desagerrarazteko konpromisoa hartzera

ARGIA

Hurritza astindu nahi dutenak

Gorka Bereziartua

“Irtenbidea Polizia kopurua handitzea balitz, arazoa jadanik konponduta legoke”

Zigor Olabarria Oleaga

Euskarazko esamoldeak baloratzen lagundu online galdetegi honetan

Sustatu

Efemeridea: Sarako biztanleak deportatzea planteatzen hasi ziren Frantziako agintariak

ARGIA

Azkenak

2024-11-25 | Leire Ibar

Euskal Herriko I. Hikadromoa antolatu dute Durangoko Azokan

Durangoko Azokako berrikuntzetako bat izango da ZirHika taldeak sortu duen hikalarien bilgunea. Hika hitz egitea eta ongi pasatzea izango da helburua, abenduaren 7an Landako ikastetxean.

2024-11-25 | Euskal Irratiak

Alokairuak mugatzeko legea indarrean jada, Lapurdiko 24 herritan

Alokairuen bidezko espekulazioa oztopatzeko neurria azaroaren 25etik goiti izanen da indarrean Ipar Euskal Herrian. Momentuko, tentsiopean diren Lapurdiko 24 herriei eraginen die: Ahetze, Angelu, Arbona, Arrangoitze, Azkaine, Basusarri, Baiona, Biarritz, Bidarte, Biriatu,... [+]

2024-11-25 | Gorka Peñagarikano Goikoetxea

'Superbotereak' liburua

Eskola-proiektuak izango dira mintzagai asteazkenean, Larraulen

Larraulgo eskolan da hitzordua, azaroaren 27an, 17:30ean. 'Superbotereak' liburuaren egile Koldo Rabadan ez ezik, hitzaurrea idatzi duen Nora Salbotx eta hainbat kide izango dira mahaiaren bueltan: Ainhoa Azpirotz (Hik Hasi-ko koordinatzailea), Irati Manzisidor... [+]

2024-11-25 | Haritz Pascual Garjon | Euskalerria irratia

Lan istripu hilgarrien gaineko datuak estaltzea leporatu dio LABek Nafarroako Gobernuari

Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.

2024-11-25 | ARGIA

Nazio auzia “erdigunean” ipintzeko eskatu du EH Bilduk, “jauzi” bat egin eta estatusaren eztabaida abiatzeko

Jendetza elkartu da Bilboko Casillatik abiatu den manifestazioan, Nazioa gara aldarrikatzeko. Buruan, EH Bilduko Mahai Politikoko kideak joan dira, eta atzeraxeagotik jarraitu diote ERC, BNG, CUP, Compromis eta Mes Per Mallorca alderdietako kideek. Ikurrinak, Nafarroako ikurrak... [+]

2024-11-25 | Gorka Peñagarikano Goikoetxea

Gobernuarekin kritiko den ‘Haaretz’ egunkaria itotzeko neurriak hartu ditu Israelek, hura desagerraraztea helburu

Egunkariaren editoreak egindako adierazpen batzuen harira hartu du neurria Israelgo Gobernuak. "Netanyahuren erregimena krudela da eta apartheid-a ari da egiten", esan zuen Amos Shocken editoreak Londresen emandako hitzaldi batean, duela hilabete.

2024-11-25 | Jon Torner Zabala

EHUko errektoretzarako bozketaren atarian

Bengoetxeak eskatu du Ferreiraren hautagaitzaren “jardunbide irregularrak” ikertzeko

Asteartean, hilak 26, egingo dira EHUko errektoretzarako hauteskundeak. Kanpaina nahasia izaten ari da, eta, horren erakusgarri, Joxerramon Bengoetxearen taldeak eskatu izana "ustez Eva Ferreiraren hautagaitzako pertsonek edo ingurukoek egindako ekintzak eta kanpainako... [+]

2024-11-25 | Leire Ibar

Fronte Zabala itzuliko da boterera Uruguain, bost urteren ostean

95.000 botogatik gailendu da Fronte Zabala azaroaren 24an eginiko hauteskundeetan. Yamandu Orsi izango da Uruguaiko hurrengo presidentea, Álvaro Delgado eskuineko Alderdi Nazionaleko presidentegaiari aurre hartuta.

2024-11-25 | Ahotsa.info

Mikel Zabalza auzia argitzeko eskariarekin jarraituko du familiak

MULTIMEDIA - Albistea

2024-11-25 | Bertsozale.eus

Alaia Martin Etxebestek irabazi du Zarauzko finalaurrekoa

Finalerako pase zuzena eskuratu du Martinek, finalaurrekoa irabaztearekin bat. Azken finalaurrekoa datorren igandean jokatuko da, Arrasaten, eta orduan osatuko da finala.

2024-11-25 | Gorka Bereziartua Mitxelena

Hurritza astindu nahi dutenak

2024-11-25 | Marije Etxebarria Ezpeleta | Ana Perez | Steilas sindikatua

Gure gorputza gudu zelai bat da

Azaroaren 25ean, Indarkeria Matxistaren Aurkako Nazioarteko Egunean, Steilas sindikatuko Idazkaritza Feministak kartel bat argitaratu du: Gure gorputza gudu zelai bat da du leloa, eta Hego Euskal Herriko ikastetxe guztiek jaso dute. Gatazka armatuetan emakumeek eta adingabeek... [+]

2024-11-25 | Zigor Olabarria Oleaga

“Irtenbidea Polizia kopurua handitzea balitz, arazoa jadanik konponduta legoke”

Azken asteetan albiste izan da Gasteizko Errota auzoa, urriaren 8az geroztik delinkuentziaren aurkako eta segurtasunaren aldeko mobilizazioak egiten baitituzte zenbait auzokidek asteartero, bi lonja huts okupatu zituzten gazte migratzaile batzuk jo-puntuan jarrita. Inguruan... [+]

2024-11-25 | ARGIA

Mugimendu feministak gizonei dei egin die konplizitatea eta justifikazioa desagerrarazteko konpromisoa hartzera

Azaroak 25 Indarkeria Matxistaren Aurkako Nazioarteko Eguna da. Mugimendu feministak Bilbo, Iruñea, Gasteiz, Donostia eta Baionan mobilizazioak egingo ditu. Mugimenduak argitaratu duen manifestuan, 2024an Euskal Herrian eraildako bost emakumeak gogoratu dituzte. Aurtengo... [+]

2024-11-25 | Mikel Garcia Idiakez

“Mugikor tentelen” demanda hazi da, deskonexioa helburu

Eguneraketa berriak daude