Aske geratu da Zunbeltz Larrea presoa hamabost urteren ostean. Valentzian Castello I espetxean egon da azkenaldian preso. Senideak eta lagunak kartzela kanpoan zain zituen espetxetik atera bezain laster.
34 urte ditu Larreak, eta ia bizi erdia eman du espetxean. 2001eko martxoan atxilotu zuten lehen aldiz. Ordutik, beste hainbatetan auziperatu zuten eta 2002ko azarotik espetxean egon da. Gutxienez, bost espetxetan egon da hamabost urtetan.
Arratsaldeko 18:30etan Durangon eta 20:30etan Ondarroan egingo dizkiote ongi etorri ekitaldiak.
Zunbeltz Larrea euskal preso politikoa aske 15 urteren ondoren. Castelló I-eko espetxetik atera berri da. Ongi etorri Zunbeltz! #BatGutxiago pic.twitter.com/lBa32EG11x
— Etxerat Elkartea (@EtxeratElkartea) March 19, 2018