Zortzi bideo, AEBetako indarkeria poliziala ageriko egiteko
Duela bi urte New Yorkeko poliziak Eric Garner herritarra hil zuenetik, ez dira gutxi izan AEBetako biolentzia poliziala publiko egin dituzten irudiak. Gehienak afroamerikarren hilketenak dira. Haiek biltzen dituen bilduma osatu du The Guardian egunkariak.
Eric Garner: 2014ko uztailaren 17a, New York
Polizia batek itoarazteko giltza bat egin zion Garnerri, Ramsey Orta testiguak zabaldutako bideoan ikusi ahal denez. Lurrean, arnasa hartu ezinik dagoela esan arren, agenteek jaramonik egin ez eta bertan zendu zen.
Michael Brown: 2014ko abuztuaren 9a. Ferguson, Missouri
Lau orduz lurrean botata egon zen Michael Brown 18 urteko gaztearen gorpua. Darren Wilson poliziaren ofizialarekin izandako tiroketa batean hil zen Brown, testiguen arabera. Tiroketaren bideorik ez dagoen arren, testiguek adierazi zuten besoak altxata zegoela Brown tiroak jaso zituen unean.
Tamir Rice: 2014ko azaroaren 23a. Cleveland, Ohio
Jostailuzko pistola batekin jolasean ari zen Tamir Rice 12 urteko mutikoa poliziak tiro egin zionean. Timothy Loehmann poliziak autoa geratu eta tiro egin zion Riceri. Aditu batzuek epaiketan azaldu zutenez, mugimendu arraro bat egin zuen Ricek, eta hori dela-eta tirokatu zuen poliziak
David Kassick: 2015eko otsailaren 2a. Hanover, Pennsylvania
Lisa Mearkle poliziak teaser batekin eraso egin ostean hil zen David Kassick, 59 urtekoa. Hirugarren graduko hilketagatik kondenatu zuten, baina Kassick arma bat ateratzen ari zela uste zuelako eraso ziola adierazi zuen. Absolbitu egin zuten.
Walter Scott: 2015eko apirilaren 4a. North Charleston, Hego Karolina
Poliziarengandik ihesean ari zela tirokatu hil zuen Walter Scott Michael Slagerrek. Datozen asteetan izango da epaiketa.
Eric Harris: 2015eko apirilak 2. Tulsa, Oklahoma
Robert Bates 73 urteko poliziak nahigabean tiro eginda hil zuen Eric Harris. Ezkutuko agente bati arma bat saltzen saiatzeagatik atxilotuta zeukatela gertatu zen.
Lacquan McDonald: 2014ko urriaren 20a. Chicago, Illinois
Errepidetik oinez zihoala tirokatu zuten McDonald, eta bertan hil zen. Gertakariak jazo eta urtebete geroago publikatu zen bideoa. Chicagon protesta handiak egin zituzten kasu honengatik.
Philando Castile: 2016ko uztailaren 6a. Falcon Heights, Minnesota
Orain arteko azken hilketa Philando Castilerena da. Errepideko kontrol batean geratu ostean, dokumentazioa erakustera zihoala tirokatu zuen agenteak. Aurrez, lizentziadun arma bat soinean zeramala jakinarazi zion Castilek poliziari.
Iazko abuztuan, Irundik gertu, ertzainek atxilotzean izan zuen bihotzekoa gizon batek. Eneko Valdésen heriotzaren ikerketan, Polizia errugabetu zuten.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
"Amorru handiko eguna" dela adierazi du Zabarteren senar Noboak, emazteak epailearen aurrean deklaratu berritan. 2024ko martxoan jokatu zen Realaren partidu baten atarian zauritu zen foam jaurtigai batekin, eta Donostiako ospitaleko Zaintza Intentsiboko Unitatean... [+]
Directa hedabideak ikertu eta argitaratu du poliziaren infiltrazioa. 2019ko irailean hurbildu zen lehen aldiz Lleidako Ateneu Cooperatiu taldera, Joan Llobet García izenpean, eta 2021eko azaroan utzi zuen militantzia, Bartzelonan lana aurkitu zuela eta amonaren... [+]
350 poliziako "Force Frontière" dispositiboa baliatu dute Gipuzkoako eta Lapurdiko mugetan migratzaileen kontra egiteko martxoaren 26 eta 27an. Aurrez "terrorismo islamistaren" aurka egiteko aitzakiaz erabiltzen zituzten dispositiboak, orain "migrazio... [+]
Fusilamenduak, elektrodoak eta poltsa, hobi komunak, kolpismoa, jazarpena, drogak, Galindo, umiliazioak, gerra zikina, Intxaurrondo, narkotrafikoa, estoldak, hizkuntza inposaketa, Altsasu, inpunitatea… Guardia Zibilaren lorratza iluna da Euskal Herrian, baita Espainiako... [+]
Azken astean ezagutarazi moduan, Eusko Jaurlaritzaren Balorazio Batzordeak txosten banatan aitortu ditu estatuaren biktima gisa. Justizia sailburuak ekitaldi pribatu banatan entregatu dizkie dokumentuak.
Guardia Zibilaren historia bat - Hemendik alde egiteko arrazoiak izenburupean, datorren astean argitaratuko dugun 305. LARRUN aldizkariaren pasarte batzuk dira ondorengoak, erakunde armatuaren sorrera garaietan girotutakoak.
Rosa Zarra Ertzaintzaren pilotakada baten ondorioz hil zela da Eusko Jaurlaritzako Poliziaren Biktimen Balorazio Batzordeak atera duen ondorioa, Berria-k jakinarazi duenez. Orain arte, Ertzaintzak beti egin dio uko bertsio horri, eta Rosa Zarra berak zuen gaixotasunaren ondorioz... [+]
Ustez, lokalaren jabetza eskuratu dutenek bidali dituzte sarrailagileak sarraila aldatzera; Ertzaintzak babestuta aritu dira hori egiten. Birundak epaiketa bat irabazi du duela gutxi.
Lau agenteak lesio-delituengatik ikertzen ari dira eta horrek galarazten du 2024ko amnistia aplikatzea. Polizia horietako batek, ustez, gomazko bala batekin begi bat zartatu zion Roger Español kataluniarrari.
Ertzaintzak martxoaren 13an Bilbon zauritutako bi pertsonaren testigantza jaso ditugu. Athleticen partidaren ostean larriki zauritu zituzten aita-semeak, borra-kolpeka, eta atxilo eraman zuten haietako bat. Furgonetatik ikusi zuen ertzainek nola egin zuten tiro jendearen kontra,... [+]
2022ko ekainaren 7an, Directa-k serie luze bateko lehen polizia infiltratuaren kasua argitaratu zuen. Martxoaren 5ean, Belen Hammad fikziozko izena erreta geratu zen, polizia-argotean dioten bezala. Jada hamar dira Directa, El Salto eta El Diario-k azken hiru urteetan argitara... [+]
2023an Zaballako espetxean euskal presoen alde egindako martxarengatik ezarri zizkieten isunak. Helegiteen ezeztapenaren aurrean epaitegietara joko dutela adierazi du antolakundeak, eta Poliziaren inpunitatea salatu du.