Zonalde “ez-euskalduneko” gurasoak jantokirako eta garraiorako diru-laguntza eske
Artaxoa, Larraga eta Mendigorriako guraso talde batek eskolako jantokirako eta garraiorako diru-laguntza eskaera egin du Nafarroako Gobernuko Erregistroan. “Nafarrak gara, euskaraz bizitzeko eskubidea dugu”, aldarrikatu dute.
Eunate Lopez eskaera egin duten gurasoetako batek Info7 Irratian izandako elkarrizketan azpimarratu duenez, eskakizun zehatza egin dute: “Ez dugu gauza berezirik eskatzen, beste herrietan dutena baizik”.
Herriok zonalde “ez-euskaldunean” deitutakoan daudenez, haurrek ez dute euskaraz ikasteko aukerarik. Egun Mendigorria, Artaxoa eta Larragako umeak Gareseraino joan behar dute euskaraz ikasi ahal izateko. Mendigorriatik egunero 14 kilometro egiten dituzte, Artaxoa eta Larragatik berriz 28na kilometro egin behar dituzte: “Gure seme-alabak goizago esnatu behar dira eta horretaz gain, kotxea egunero hartu behar dugu. Behintzat zailtzasun hori apaltzeko laguntza eskatzen dugu”.
2008-2009 ikasturtean diru-laguntza murritzak kendu zizkietela salatu du Lopezek: “Egoera aldatuko denaren ilusioa dugu. Nafarroako gizarteak aldaketa handia izan du hauteskunde hauetan”.
Bakoitzak bere herrian euskaraz ikasteko eskubidea
Sortzen Elkarteak babes osoa eskaini die Nafarroako Gobernuko Erregistroan eskaera zuzena aurkeztu duten gurasoei: “Euren seme-alabek euskaraz ikasi dezaten, Gareseko edota Lizarrako eskolara egunero mugitu behar dira, horrek suposatzen duen gastu ekonomiko eta fisikoarekin”.
“Euskaraz ikasteko eskubidea, nafar guztien eskubidea da, bakoitza bere herrian, Artaxoan, Oibarren, Otsagin eta Iruñean. Vascuencearen Legea bertan behera uzteko garaia da, eta honekin batera, euskarak Nafarroan bere lekua berreskuratzea”, azpimarratu dute Sortzeneko kideek.
Egoera berean dauden herritarrei antzerako eskaera egiteko gonbita luzatu diete elkartetik.
Nafarroako Legebiltzarrean datorren urteko aurrekontuak ixteko negoziazioetan ari dira egunotan alderdiak, eta horietan adostutakoaren arabera, euskararen Euskararen Nafar Institutuak iaz baino 1,3 milioi gehiago izango ditu.
Euskal Herri osoan euskara eta hiztun komunitatea larrialdi egoeran daudela berretsi zuen azaroan Kontseiluak eta, ostegun honetan, egoera hori Nafarroan zertan datzan azaldu du Iruñean. Era berean, herrialdean ataka horretatik ateratzeko egin beharrekoak azpimarratu ditu.
Hamabi haur eskola publiko daude Iruñean, eta horretatik bakarrean dago euskarazko eredua. Protesta egin dute dozena bat eragilek, eta euskal hiztunen “egoera berezia” aintzat har dezan galdegin diote udalari.
“Ez da posible hiri guztia zeharkatu behar izatea seme-alabak hemengo jatorriko hizkuntzan murgiltzeko” salatu dute guraso askok. Euskarazko plazak ere “oso urriak direla” salatu dute familia askoren artean eginiko bideoan.
Euskarari Puzka azken kanpainan 16.000 saski saldu dituzte, eta euskararen alde lan egiten duten elkarteentzat bideratuko zaie lortutako etekina.
“Ikae” edo “igae” bezala transkribitu ditu aurkituriko ikurrak Nafarroako Gobernuko Kultura Zuzendaritza Nagusiko ikertzaile taldeak. Duela 2.000 urteko "baskoierazko" idazkun bat izan daitekeela diote ikerleek, baina garai hartako hizkuntzei... [+]
Premiazko txostena eskatu dio Nafarroako Kontseiluari. Behin betiko onartzeko aurretiazko urratsa da, Nafarroako Justizia Auzitegi Nagusiak aurreko dekretuaren zati batzuk baliogabetu eta bost urtera.
Barañaingo EH Bilduk salatu du Barañaingo Udalak haur eskoletarako hezitzaileen deialdian euskarazko eta gaztelaniazko azterketak egun eta ordu berean jarri dituela, eta hala, hautagaiak hizkuntza bat aukeratzera behartzen dituela.
Euskaltzaleen Topaguneko kideek euskara sustatzeko jarreren inguruko datu kezkagarriak hauteman dituzte. Hori dela eta, Gero eta aldeko gehiago gizartean ikerketaren bidez, herritarrak euskarara hurbiltzeko estrategia berriak landu dituzte. Horretaz mintzatu dira, apirilean,... [+]
Hezkuntzak aurreikuspena zuzendu eta onartu du institutuak Zientzia, Humanitate eta Gizarte Zientzien Batxilergoko lehen mailan bi talde izaten jarraitzea.