Zinebik mundu osoko zinegile berrien bederatzi opera prima lehiatuko diren sekzioa jasoko du lehen aldiz
Azaroaren 18tik 25era bere 58. edizioa ospatuko duen Bilboko Dokumentalen eta Film Laburren Nazioarteko Jaialdiak, Zinebik, bost kontinenteetako zinegile berrien opera primei eskainitako nazioarteko lehiaketa jasoko du lehen aldiz. Fikzio, dokumental eta animazio film luzeei zabalduta egongo den Zinebi First Film sekzioaren lehenengo edizio honetan bederatzi filmek hartuko dute parte, eta horietako sei Estatu mailako estreinaldiak izango dira. Saria 7.000 eurokoa izango da.
Mundu osoko film laburren lehiaketa garrantzitsuenetako gisa duen nortasun historikoan oinarrituz, sari horren bitartez Zinebik, film laburretan lan egin ondoren film luzeen munduan lehenengo pausoak eman nahi dituzten ekoizle eta egile gazteei laguntzen jarraitu nahi du. Beste alde batetik, ikus-entzuleek, lan berri-berri horien bitartez, zine garaikidearen panorama osatzen duen sorkuntzako joera, estilo eta argumentu aniztasunera hurbiltzeko aukera izango dute.
Horrela, zine dokumentalari eskainitako 'Beautiful Docs' eta azken aldiko euskal ekoizpen lanei eskainitako 'Bertoko begiradak' sekzioez gain, film luzeen dimentsio berri bat gehituko du Zinebik, askotan industria handian eta areto komertzialetan aurkitzea zaila dena, jaialdiak urtero aurkezten duen zine proposamenaren parte garrantzitsu gisa.
Lehiaketaren lehenengo edizio honetan 9 film luze lehiatuko dira Zinebi First Film Saria jasotzeko. Film horien ekoizpenean 13 herrialdek hartu dute parte: Argentinak, Bulgariak, Txinak, Danimarkak, Estatu Batuek, Arabiar Emirerri Batuek, Frantziak, Israelek, Libanok, Qatarrek, Errumaniak, Tunisiak eta Turkiak. Politika, gizarte, ekonomia, erlijio eta kultura alorretatik hain anitzak diren gune horietan, lehenengo lan horien egileek euren zinea eszenaratzean estilo ezaugarri bereziak eta borondate kritikoa ere baduen subjektibotasunez betetako begiradak erakusten dituzte.
Aukeraketa honetan, ikus-entzuleek mundu garaikidean gizakiek bizi behar dituzten gorabeheren funtsezko gaiak aurkituko dituzte, hirietako bizitza, naturarekiko erlazioa, inmigrazioa eta horek kulturan dituen ondorioak, maitasun harremanak, nortasun pertsonala eta kolektiboa, errealitatea eta fantasia edo familia barruko erlazio berriak, besteak beste.
Aukeratutako filmen artean azpimarragarriak dira Locarnoko Nazioarteko Zine Jaialdian (Suitza) urrezko lehoinabarra jaso zuen Ralitza Petrovaren Godless; Veneziako Nazioarteko Zine Jaialdiko Kritikaren Astean Opera Prima Hoberenaren Etorkizuneko Lehoia - Luigi de Laurentiis Saria irabazi zuen Ala Eddine Slimen Akher Wahed Fina; eta Locarnoko zinemaldiaren azken edizioan Gazteriaren Epaimahaiaren aipamen berezia lortu zuen Nele Wohlatzen El futuro perfecto ekoizpen lan argentinarra. Azken bi horiek Zinebi 58ren barruan ikusi ahal izango dira Estatuan lehen aldiz.
Zinebi First Film-en barruan lehiatu eta Golem - Alhondiga zine-aretoetan eskainiko diren filmak hauek dira:
- Rat Film (Theo Anthony. EE.BB., 2016. Dok. 84 min.) Estreinaldia Espainian.
- Akher Wahed Fina (Ala Eddine Slim. Tunisia, Arabiar Emirerri Batuak, Libano eta Qatar, 2016. Fikz. 95 min.) Estreinaldia Espainian.
- El futuro perfecto (Nele Wohlatz. Argentina, 2016. Fikz. 65 min.) Estreinaldia Espainian.
- Anashim Shehem Lo Ani (Hadas Ben Aroya. Israel, 2016. Fikz. 80 min.) Estreinaldia Espainian.
- Tramontane (Rabih) (Vatche Boulghourjian. Libano, Frantzia, Qatar eta Arabiar Emirerri Batuak, 2016. Fikz. 105 min.).
- Zhi Fan Ye Mao (Zhang Hanyi. Txina, 2016. Fikz. 80 min.) Estreinaldia Espainian.
- Albüm (Mehmet Can Mertoğlu. Turkia, Frantzia, Errumania, 2016. Fikz. 105 min.).
- Donald Cried (Kris Avedisian. EE.UU, 2016. Fikz. 85 min.) Estreinaldia Espainian.
- Godless (Ralitza Petrova. Bulgaria, Danimarka eta Frantzia, 2016. Fikz. 99 min.).
Albiste hau Bilboko Uriolak argitaratu du eta CC-by-sa lizentziari esker ekarri dugu ARGIAra
Helena Taberna zinegileak jasoko du aurten Donostiako Giza Eskubideen Zinemaldiaren Saria. Sariaren entrega ostiralean, apirilak 11, 20:00etan Viktoria Eugenia Antzokian ospatuko den bukaera emanaldian izango da.
Ezagutzen duzue Kneecap filma? Oscar sarietarako hautatu zuten. Belfasteko hirukote baten istorioa da. Kneecap Hip Hop talde ezaguna da gaur egun, eta hizkuntzaren aldeko jarrera (gaelikoa) argia dute, IRAren osteko belaunaldiaren gorabeherak kontatzen ditu filmak; drogak eta... [+]
No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.
Donostiako Tabakaleran, beste urte batez, hitza eta irudia elkar nahasi eta lotu dituzte Zinea eta literatura jardunaldietan. Aurten, Chantal Akerman zinegile belgikarraren obra izan dute aztergai; haren film bana hautatu eta aztertu dute Itxaro Bordak, Karmele Jaiok eta Danele... [+]
35 film aurkeztu dira lehiaketara eta zortzi aukeratu dituzte ikusgai egoteko Euskal Herriko 51 udalerritan. Euskarazko lanak egiten dituzten sortzaileak eta haiek ekoitzitako film laburrak ezagutaraztea da helburua. Taupa mugimenduak antolatzen du ekimena.
Pantailak Euskarazek eta Hizkuntz Eskubideen Behatokiak aurkeztu dituzte datu "kezkagarriak". Euskaraz eskaini diren estreinaldi kopurua ez dela %1,6ra iritsi ondorioztatu dute. Erakunde publikoei eskatu diete "herritar guztien hizkuntza eskubideak" zinemetan ere... [+]
Geroz eta ekoizpen gehiagok baliatzen dituzte teknologia berriak, izan plano orokor eta jendetsuak figurante bidez egitea aurrezteko, izan efektu bereziak are azkarrago egiteko. Azken urtean, dena den, Euskal Herriko zine-aretoak gehien bete dituztenetako bi pelikulek adimen... [+]
Otsailaren 24tik eta martxoaren 1era bitartean, astebetez 60 lan proiektatuko dituzte Punto de Vista zinema dokumentalaren jaialdian. Hamar film luze eta zazpi labur lehiatuko dira Sail Ofizialean; tartean mundu mailako lau estreinaldi eta Maddi Barber eta Marina Lameiro... [+]
Madrilen arkitektoentzako kongresu bat burutu berri da, arkitekto profesioaren krisiaz eztabaidatzeko. Arkitekto izateko modu tradizionala eta gaur egungoa desberdindu dute. Zertan den tradiziozkoa? Oscar bidean den The Brutalist filmean ageri den arkitekto epikoarena. Nor bere... [+]
Makroproiektu "berriztagarriek" sortzen dituzten ondorioak filmatu ditu Vidas irrenovables (Bizitza ez-berriztagarriak. Euskarazko eta frantsesezko azpitituluak prestatzen ari dira) dokumentalean Extremadurako (Cabeza del buey, Espainia, 1985) landagunean hazitako... [+]
Euskal herritar ugari saritu ditu Espainiako zine akademiak pasa den asteburuan banatu diren Goya sarietan. Artikuluaren bigarren partean, zeresana eman duten hainbat kontu aletuko ditugu.
Itoiz, udako sesioak filma estreinatu dute zinema aretoetan. Juan Carlos Perez taldekidearen hitz eta doinuak biltzen ditu Larraitz Zuazo, Zuri Goikoetxea eta Ainhoa Andrakaren filmak. Haiekin mintzatu gara Metropoli Foralean.