Abuztuaren hasieran, kultur ekimen, ostatu eta jatetxeetara sartzeko bezeroek osasun ziurtagiria erakutsi beharra sartu zen indarrean. Abuztu bukaeran berriz, ostatu eta kultur arloko langile guztiei osasun ziurtagiria edukitzea behartu zaie. Horren harira, Ziburuko Boga jatetxeak zerbitzua eten eta etxera eramateko zerbitzuarekin hastea erabaki du, neurriekiko desadostasuna erakustearren.