Zerrenda bakarraren aldeko manifestazioa deitu du Kontseiluak Iruñean abenduaren 16rako
Kontseiluak deitu du manifestazioa kezkatuta dagoelako "hizkuntza-politikari lotutako gertakariekin". Bereziki zerrenda bakarraren aferak sortu du ezinegona. Abenduaren 16an Iruñean eginen da manifestazioa.
Zerrenda bakarra ezarriko zela iragarri eta berehala iritsi dira kontrako hotsak. Baina, ez dira hots hutsetan gelditu. PSNk lege proposamen bat eraman du parlamentura, zerrenda bakarra eragozteko: gaztelaniazko eta euskarazko epaimahaiak bereiztea proposatu du. UPNk eta PPk ez ezik, Izquierda- Ezkerrak ere bat egin du planteamendu horrekin. Ezkerraren proposamena da euskarazko eta gaztelaniazko azterketak egun desberdinetan jartzea, eta, hartara, elebidunek aukera izatea bietara aurkezteko. Bi aldiz erakutsi beharko lukete gaitasuna kasu horretan. Maria Solanak gogorarazi du iaztik martxan dela eredu hori. "Bi aukerako eredua deitzen diote batzuek; beste batzuek, zigor bikoitza. Ez du zerikusirik zerrenda bakarrarekin, beste planteamendu bat da hori".
Nafarroako hezkuntzan zerrenda bakarra ezarriko duela jakinarazi zuen joan den astean Nafarroako Gobernuak. Hezkuntzako mahai sektorialaren babesa du horretarako, gehiengoa ados baitago: ELA, LAB eta Steilas. Maria Solana kontseilaria maiz agertu da zerrenda bakarraren alde, «aukera berdintasuna» bermatzeko. Orain, izan ere, irakasle elebidunek, euskaraz eta gaztelaniaz dakitenek, hautatu egin behar dute euskarazko edo gaztelaniazko zerrendetan sartu, nahiz eta bietan aritzeko gai izan. Bi hizkuntza ofizial dituzten inguruko herrialdeetan ez da horrelakorik gertatzen. Joan den asteko iragarpena txalotu egin zuen gehiengo sindikalak; Kontseiluak nabarmendu zuen "euskaldunen diskriminazioa" bukatzea ekarriko zuela eredua aldatzeak.
Abenduaren 21ean bozkatuko dute. Kontseiluak manifestaziora deituko du horren aurretik, abenduaren 16an, larunbatarekin. Parlamentuak proposamena onartzen badu, bete egin beharko du gobernuak. "Zerrenda bereiziaren sistemari eustea ezartzen badu, ez da legea bete beste erremediorik geratuko, jakina", esana du Solanak berak. Ezkerraren aldeko botoarekin, badu horretarako gehiengoa oposizioak. Podemos-Ahal Duguk, berriz, ez du babestu PSNren proposamena aintzat hartzea, baina zerrenda bakarrari buruzko iritzia hurrengo Herritar Kontseiluan hartuko du.
Zerrenda bakarraren alde, kalera
Kontseiluak kezkaz jaso du zerrenda bakarrarekin gertatzen ari dena. "Hizkuntza-politikarekin eta bereziki orain zerrenda bakarraren aurka hartzen ari diren jarrerak kezkatzen gaitu", nabarmendu du ohar batean. Berehalako manifestazio baterako deia egin du. Abenduaren 16an eginen dute, Iruñean. Xehetasun guztiak abenduaren 5ean emanen dituzte agerraldi batean.
Albiste hau Euskalerria irratiak argitaratu du eta Creative Commons lizentziari esker ekarri dugu.
Euskararen biziraupena ez da euskaldunok politikaren partidan jokatzen dugun arazo bakarra, baina bai, euskalduntasunaren elementu bereizgarriena den neurrian, gure egoera gehien islatzen duena. Beste esparru batzuetan hainbeste ageri ez dena oso ongi erakusten du. Hasteko,... [+]
GUKA Bilboko euskaltzaleen mugimenduak euskararen aldeko ekintza esanguratsua burutu du astearte arratsaldean Deustuko metro geltokian, Bilbon euskaraz bizitzeko oztopoak eta aukerak irudikatzeko.
Agorrilaren 27an igorri nizuen gutunean, irailaren 10eko auzian euskaraz deklaratzeko asmoa nuela adierazi nizuen. Auzi honen hastapenean, epaile nagusiari euskaraz zekienez galdegin nion. Gutxiespenarekin ezetz erantzun zidan. Orduan, nere gutuna eskuratu zuenez frantsesez... [+]
Euskara eta euskal hiztunen komunitatea larrialdi linguistikoan dagoela adierazi du Kontseiluak. Ohartarazi du “indarrean diren joera soziolinguistikoak eta egiturazko arazoak itzulikatzeko neurri egokiak epe laburrean hartu ezean”, atzeraldia datorrela. Kontseiluak... [+]
Komunikazioa, kirola, musika edo sukaldaritza bezalako esparruetan aritzeagatik ezagunak diren Euskal Herriko txoko guztietako euskaldunekin osatu dute Euskaraldiaren enbaxadore taldea.
Bilboko kaleak bete zituen mobilizaziotik urtebetera, auzitegiek euskararen normalizazioa eta hizkuntza eskubideak gutxiesten jarraitu dutela salatu du Euskalgintzaren Kontseiluak. Auzia gainditzeko euskararen "normalizazioa eta biziberritzea" ezinbestekoak direla... [+]
.jpg)
Ingurumen-inpaktuaren berri izateko eta, hurrengo edizioei begira emisioak murrizteko egin du azterketa Lander Crespo klima adituak. Garraioa izan zen Korrikako azken edizioan isurketa gehienen jatorria.
Bilboko Alde Zaharreko Korrika batzordeak auzoan egin zuten ekimen bat baimenik gabe antolatzeagatik udalaren 1.500 euroko isuna salatu du. Ekintza hau arau-hauste larritzat jo zuen udalak, eta auzokideek espazio publikoaren erabilera defendatu dute.
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
Aurreko edizioetako esperientziak oinarri hartuta, antolatzaileek “Euskaraldia gaindituko duen Euskaraldia” egitea proposatu dute. Iruñean, Nafarroako Antzerki Eskolan, aurkeztu dute 2025eko maiatzaren 15etik 25era egingo den Euskaraldiaren laugarren edizioa.
"Euskaldunentzako Jabetze Eskola. Menpeko perpausa izateari uzteko langintzak" eskola antolatu da Gasteizen Izaskun Arrue Kulturguneko (IAK) programazioaren barruan eta UEUren laguntzarekin. Eskolaren dinamizatzailea da Manex Agirre Arriolabengoa (Aramaio, 1982)... [+]
Gasteizko Izaskun Arrue Kulturguneak (IAK) eta UEUk elkarlanean Euskaldunentzako Jabetze Eskola martxan jarriko dute, euskaldunok ahaldundu, eta ondorioz, jendartea eraldatzeko asmoz. Aurkezpen hitzaldia urriaren 30ean egingo du Garikoitz Goikoetxeak. "Hizkuntzaren... [+]
Euskalgintzaren Kontseiluak antolatutako "Ongi etorri Euskararen Mundura" jardunaldiak izan dira Gasteizen ostegunean eta ostiralean. Egun bi bete-beteak, eta mahai gainean Euskararen normalizazio prozesuan euskal herritar berriak integratzeari buruzko praktikak... [+]
Euskal Herrian Euskarazek manifestazio nazionala deitu du abenduaren 7an. "Hizkuntza larrialdiaren aurrean Euskararen Errepublika eraikitzea beharrezkoa" dela aldarrikatu du mugimendu euskaltzaleak. Mundu mailako eskuin muturraren hazkundeari “euskaratik eta... [+]