EH Bilduk Kutxako batzarra inpugnatuko du, presidentea hautatzeko prozesu gorabeheratsuaren ondoren
Kutxaren astearteko batzarra inpugnatuko du EH Bilduk, gaur adierazi duenez. Bart Xabier Iturbe aukeratu zuten Kutxako presidente, EAJ, PSE eta PP alderdiek eta CCOO eta Pixkanaka Kaskari sindikatuek bat eginda. Elkar-hartze horrek oztopatu zuen EH Bilduko hautagai Antton Izagirre Kutxako presidente izendatzea. Presidentea aukeratzeko prozesuan gorabehera handiak izan dira. Pausoz pauso xehetu dugu gertatutakoa.
Atzoko batzarra hasi eta berehala, jarduneko presidente gisa, Xabier Iturbek DYAko kide bat izendatu zuen gizarte eragileek batzarrean daukaten ordezkari. Joan den ostiralean hauteskunde batzordeak baliogabetu egin zuen gizarte eragileen aurreko hautagaia, Kontseiluko Paul Bilbao. Hori egiteko erabilitako arrazoia, Bilbaoren ordezkoak 70 urte baino gehiago zituela izan zen. Hainbat hedabidetan zabaldu denez, Bilbaok EH Bilduren alde egingo zuen susmoa egon liteke ordezkaritza hori baliogabetu izanaren atzean.
Horren ordez Javier Barace DYAko kidea izendatu zuten, CCOO sindikatuko kide ohia eta Kutxako Giza Baliabideen alorreko buru ohia. Baraceren ordezko gisa izendatu zuen Iturbek Paul Bilbao, baina honek uko egin zion postuari. Ordezkorik ez egotea ez zen oztopo izan ordea, prozesuak aurrera jarraitzeko.
Ondoren udaletako ordezkarien artean zegoen berdinketa konpontzeko zozketa egin zen (EH Bilduko 7 ordezkari zeuden; EAJ, PSE eta PPko beste hainbeste). Kasu honetan zozketak EH Bilduren alde egin zuen eta emaitza horrekin eta batzarreko bozketa orokorrarekin, EH Bilduk administrazio kontseiluan 7 postu lortu zituen. EAJrentzat izan ziren beste 3, PSErentzat 2 eta postu bana CCOOrentzat, Pixkanaka Kaskari Kutxako langileen sindikatuarentzat eta DYArentzat.
Administrazio kontseiluko 15 kideak bildurik bozketa hasi zen. DYAko ordezkaria abstenitu zenez, zazpinako berdinketa gertatu zen bilkurako presidentea nor izan behar zen aukeratzeko bozketan. Kalitate-boto erabakigarria emateko eskumena dauka bilkurako presidenteak eta Iturberekin lerratutako kontseilariek eta Kutxako talde juridikoak erabaki zuten adin gehiena zeukan kideari zegokiola postua –PSEko Jacinto Hernandez, 69 urte–. EH Bilduk bilera bertan behera uzteko eskatu zuen alferrik. Beraz, Hernandezen adinak emandako kalitate-botoaz baliatu da Xabier Iturbe berriz Kutxako presidente izateko.
EH Bilduk prozesu guztia baliogabetzeko eskatu du hartutako erabakiei baliagarritasun juridikoa emango dion txosten bat eduki arte. Argitu nahi dute, batetik, gizarte eragileei dagokien ordezkaritza baliogabetzeko erabakia legearen barruan ote dagoen eta bestetik zein oinarriren gainean hartu den atzoko bilkurako presidentea adinaren arabera aukeratzeko erabakia.
Sare sozialetan EAJko eta ezker abertzaleko kideen artean ika-mika gogorra piztu da erabakiaren ostean. Joseba Egibar EAJko GBBko buruak adierazi du "harrokeria soberan" duela ezker abertzaleak eta aldiz "harremanetarako eta akordiorako ahalmenik ez". Joseba Permach ezker abertzaleko kideak berriz, gertatutakoa "putxerazoa" dela adierazi du Twitterreko bere profilean eta EAJk Vitalen eta BBKn ere EH Bildu baztertzeko "trikimailuak" erabili dituela.
Informazio gehiago:
Batzarraren ostean Ainhoa Beola EH Bilduko kideak gertatutakoaren inguruko azalpenak eman zizkion prentsari. Adierazpenak jaso eta Youtuben jarri ditu Unai Gorrotxategik. Behean ikus dezakezue.
Donostiako Kultura Garaikidearen Nazioarteko Zentroan dituen 6.300 metro koadroak erabiliko ditu Kutxa Fundazioak espazio berriarentzat eta 15 milioi euroko aurrekontua du proiektuarentzat. 2026ko udazkenean ireki asmo dute Atenea, eta hori baino lehen itxiko dute Miramongo... [+]
Ikerketa batek Espainiako Estatuko banketxeen eta enpresen 'greenwashing' praktikak azaleratu ditu. Estatu sionistak lur okupatuetan eginiko eguzki-energia parkeen finantziazioan murgilduta dago estatuko finantza-sistema; BBVA eta Kutxabank ere tartean dira.
Komisioak ezabatu egingo dira 30 urtetik beherako guztientzat eta baldintza batzuk bete beharko dituzte kontua eta txartela doan mantendu nahi duten bezero orok. Urtarrilaren 15ean sartuko da araudi hau indarrean.
Kutxabankek inbertsio bankuen sektorean sartzeko pausoa eman du eta akordioa sinatu du sektore horretako Espainiako Estatuko eta Europako eragile nagusienetako batekin, Alantra sozietatearekin. "Enpresen merkatuan" presentzia handiagoa izatea litzateke helburua.
Ekainaren 15ean aurkeztu dute ekimena Inés Monguilot (Kutxabank) eta Luis Manuel Martínek (EITB). Guztira 60.000 ikurrin atera dituzte Frantziako Tourrean banatzeko, hiru erakundeen logoekin.
Kutxabankeko presidenteak finantza entitatearen hurrengo urtetarako asmoak azaldu ditu Cebek Bizkaiko patronalak egindako jardunaldi batean. Bere hitzartzean iradoki du Euskal Herritik kanpo hazteko proiektua duela Kutxabankek, eta horretarako banku pribatuetan eta inbertsio... [+]
Kutxa zerbitzua ez ematea, eskudirutan ordaintzeko zerbitzua ezabatzea eta "abusuzko praktikak" egitea egotzi dizkio Kontsumobidek erakundeari.
Sindikatuek salatu dute gero eta langile gutxiago daudela, presio komertziala handitu dela, eta Kutxabank "talentu handiko" langileak galtzen ari dela baldintza ekonomikoak okertu direlako.
Galdakaon 67 urteko pentsiodun bat eta emakume bat bere hiru seme-alabekin etxetik botatzeko prozedurak abian dituzte. Arduradunak Kutxabank eta Santander Bankua dira putre funtsekin elkarlanean. Astelehenean egindako prentsaurrekoan Etxebizitza Sindikatuak salatu du... [+]
Kutxabankek 2.500 zor "toxiko" saldu dizkio Irlandako Zima Finances funts putreari, eta salerosketak EAEko hainbat familia kaltetu ditu; putre-funtsak demandak aurkez ditzake, eta etxegabetze prozesuak abiatu. Stop Kaleratzeak plataformak zazpi kasu identifikatu ditu... [+]
Belen Bilbao mediku eta militante feministaren, Argitan Emakumeentzako Aholku Etxearen eta Skolastika literatur proiektuaren ibilbidea aitortuko dute VII. Zirgari Sariek. Martxoaren 7an egingo da sari banaketa, Bilboko BBK Aretoan.
Hiru erreferentzia gune garrantzitsu dira Gipuzkoan eta, fundazioak jakinarazi duenez, haietan egiten diren jarduerak Donostiako Tabakaleran dagoeneko duten 5.600 metro koadroko espaziora eramango dituzte. 2001ean ireki zen Zientzia Museoa 2023an itxiko da.
Euskaltelek jabe berria dauka: MásMóvil. "Gutxienez bost urtez" mantenduko du egoitza soziala eta fiskala Euskal Herrian. EAJk José María Aznar Espainiako presidente egitea ahalbidetzearen truke sortu zen enpresa duela 27 urte, %100 diru... [+]
Kaleratzeak Stop plataformak salatu duenez, Kutxabank banketxeak Egiako bi bizilagun kaleratu nahi ditu: 76 urteko Rosario eta bere semea, 51 urtekoa; biek ala biek ezintasuna dute, %54koa amak eta %70ekoa semeak.
Iturbe Kutxa enpresa gipuzkoarreko lehendakaria zen, Kutxabank pribatizatu zenean. Finantza zuzendaria izan da Euskaltelen, eta azken urteetan Kutxabankeko presidenteorde lanetan aritu da.