Zer eman du Hezkuntza sailaren eta sindikatuen arteko negoziazio-bilerak?
EAEko hezkuntza publikoan inbertsioa handitzeko eta baldintzak hobetzeko azken hilabeteotan egiten ari diren mobilizazioen artean, Eusko Jaurlaritzako Hezkuntza sailarekin bildu dira sindikatuak, eta proposamen berria luzatu die administrazioak. Hona sindikatuen balorazioa:
LAB: “Jarrera aldaketa nabaritzen da administrazioan”
LAB sindikatuaren arabera, sei hilabeteko borrokaren ostean jarrera aldaketa eta borondatea erakutsi du administrazioak, eta “aukerak ikusten ditugu urratsak ematen jarraitzeko”. Nahiz eta sektorekako mahai guztiak pasa arte ez duten balorazio sakonik egingo, irakasleen mahai-sektorialari dagokionez administrazioak mahai gainean eduki interesgarriak jarri dituela azpimarratu dute, “hezkuntza sistemarentzat onuragarriak”. “Adibidez, 60 urtetik gorakoentzat eskola-orduen murrizketa; ordezkapenak lehen egunetik Haur Hezkuntzan eta Lehen Hezkuntzan [aurreko bileran jada bazegoen proposamen hau] eta ordezkapenak hirugarren egunetik aurrera DBH eta Batxilergoan; edota ratioei lotuta, tutoretza bikoitzak aplikatzea ratioaren arabera (bi irakasle jartzea, alegia)”. Fintzen eta lantzen jarraitu beharreko puntuak direla dio LABek, baina abiapuntu ere badirela. “Halere, elementu batzuk faltan bota ditugu eta negoziatzen segitzeko beharra ikusten dugu. Kontrastea egin nahi dugu orain langileekin, euren iritzia entzun”.
STEILAS: “Proposamen zehaztu gabea eta eskasa da, ez ditu gai garrantzitsuak aipatzen”
Kritikoago mintzatu da STEILAS: “Mobilizazioak bertan behera uzteko jarri dugun lehenengo baldintza da hezkuntza publikoan inbertsioa nabarmen igotzea. Eta administrazioak luzatu digun proposamenak ez du inondik inora hori jasotzen. Izan ere, zehaztu gabea eta eskasa da, eta ez ditu gai garrantzitsuak aipatzen: ratio jaitsiera, baliabide gehigarriak, bajak zigortzea eta eros-ahalmena berreskuratzea, besteak beste”. Hala, “egoera aldatzen ez den bitartean, urtarriletik ekainera mobilizazio eta greba dinamikarekin jarraitu besterik ez dugu”.
ELA: “Proposamen berririk ezean, mobilizazioak indartzea beste biderik ez digu utziko”
ELAk ere oso ezkor hartu du Jaurlaritzaren proposamena: plantillak handitzeko proposamenik ez dietela egin nabarmendu du, eta 7.900 lanpostutik gora egonkortu gabe jarraitzen dutela. “Enpleguari dagokionez, aurrekoan egindako proposamen berbera mantendu du”, eta aurreikuspen horiekin, “behin-behinekotasun tasa %30,5ean utziko luke legealdiaren amaieran”. Sindikatuek eskatzen dutenetik oso urruti, behin-behineko lanpostuak %6ra jaistea eskatzen baitute. 60 urtetik gorakoei eskola-orduak murrizteaz dio jadanik Lan Hitzarmenean jasota dagoena berreskuratzea baino ez dela, eta DBHn eta Batxilergoan hirugarren egunetik aurrera ez, lehenengo egunetik nahi dituztela ordezkapenak. Beste aldarrikapen batzuk alde batera utzi ditu administrazioak, ELAren hitzetan. “Inola ere ez da nahikoa Hezkuntza Sailak mahai gainean jarri duen proposamena. Beraz, proposamen berririk izan ezean, urtarriletik aurrera greba eta mobilizazioak indartzea beste biderik ez digu utziko”.
Eta beste urte batez, sindikatuek prefabrikatutako grebak antolatu dizkigute. Eta guk, indibidualki, erabakia hartuko dugu grebarekin bat egin ala ez, ikastetxean inongo asanbladaren beharrik gabe.
Niri irakatsi zidaten greba eredua jada ez dago modan, antza. Nire... [+]
Salbatore Mitxelena ikastolak 140.000 euro ordaindu beharko ditu, Eusko Jaurlaritzak Haur Hezkuntzarako ezarri dion matrikulazio muga gainditzeagatik, baina zortzi ikasleak mantenduko ditu, negoziazioen ondorio. Hezkuntza Sailaren erabakiak eta jarrerak salatu ditu ikastolak.
Behin batean, gazterik, gidoi nagusia betetzea egokitu zitzaion. Elbira Zipitriaren ikasle izanak, ikastolen mugimendu berriarekin bat egin zuen. Irakasle izan zen artisau baino lehen. Gero, eskulturgile. Egun, musika jotzen du, bere gogoz eta bere buruarentzat. Eta beti, eta 35... [+]
Hezkuntza publikoko lehen bi greba egunei ekin diete EAEn. Asteazken eta ostegun honetan irakasleen txanda da, eta lehenengo egunaren jarraipena %75etik gorakoa dela adierazi dute sindikatuek: "Grebak jarraipen zabala izan du". Eusko Jaurlaritzak berriz, jarraipena... [+]
Hezkuntza Departamentuak Oibarko ikastetxe publikoan D eredua ezarriko dutela iragarri du. Hilabeteetako protesten ondoren, euskarazko lerroa ezartzea lortu dute.
6 urtetik beherakoek 16:30-17:30 artean baino ezin dute liburutegian egon Deban, eta 2 urtetik beherakoek zuzenean debekaturik dute. Bestelako neurri baztertzaileak ere jasaten dituzte. Ageriko diskriminazioak haurrak literaturatik aldendu baino ez ditu egiten, eta borroka luzea... [+]
.jpg)
2025eko irailarekin hasiko den ikasturtean ez da izango sexu bereizketarik Gipuzkoako ikastetxeetan, Eusko Jaurlaritzako Hezkuntza Sailak asteazken honetan jakinarazi duenez. Eskibel eta Erain ikastetxe kontzertatuak dira gaur egun ikasleak sexuaren arabera banatzen dituzten bi... [+]
Eric Etxartek Seaskako lehendakarikide ardura hartu berri du urte hatsarrean, Antton Etxeberri eta Sophie Layusekin batera. Peio Jorajuriaren lekukoa hartu dute hirurek, eta Lehendakarikidetza taldea osatu dute.
Haur Hezkuntzako lehenengo zikloan, hiru ikastetxera joateko aukera dute familiek: bata publikoa, beste biak itunpekoak. Legeak kontrakoa agintzen duen arren, plazen eskaintza ez dela orekatua eta itunpekoek dagokiena baino nabarmen plaza gehiago eskaintzen dituztela salatu dute... [+]
“Urte berri-berri, zer dakarrazu berri?” oihukantatzen genien, urteko lehen eguneko gaupasatik bueltan, bidean gurutzatzen genituen goiztiarrei. Eske puxken esperantzan gu, mozkor panparrotuok. Eta artean ez baitzen ez runner-ik ez eta selfie-rik ere,... [+]
Behar dugun hezkuntzarako, independentzia! lelopean deitu du grebara Ikamak unibertsitateetan, Derrigorrezko Bigarren Hezkuntzan eta Lanbide Heziketan. Datozen asteetan iragarriko dituzte greba deialdiari lotutako mobilizazioak.
HezkuntzArtea Irakasleen Elkargunea sortu du EAEko irakasle talde batek. Hezkuntza politiken “noraeza” salatu nahi dute, politika horiek etengabeko metodologia berrietan, “burokrazia ikaragarrian” eta IKTen “erabilera zentzugabean”... [+]
Entzumen eta hizkuntza irakasleak (EHI) eta logopedak eskola publikoan zein kontzertatuetan lan egiten duten irakasle espezialistak dira. Horien funtzioen artean hizkuntzan eta komunikazioan zailtasunak dituzten ikasleei arreta zuzena ematea da, baina baita komunikazio sistema... [+]
PAIk sortutako biktimak ez dira bakarrik PAIren Legeak eragindako egonkortze prozesuari esker funtzionarizatutako irakasleak, baizik askoz gehiago. Batzuei nolabaiteko ikusgarritasun mediatikoa eman zaie Steilasek jarritako errekurtsoaren ondorioz; gehienak, alabaina, ikusezinak... [+]
.jpg)
Hazparneko Armand David laborantza lizeo pribatuko ikasleek Agro-ekipamendua, Zientzia sozial eta ekonomikoak, eta Enpresa ekonomia irakasgaiak euskaraz ikasteko aukera izango dute. Horrek formakuntzaren ia erdia hartuko duela azaldu du Bertrand Gaufryau ikastetxeko zuzendariak.