Zer da Venezuelan deitu duten asanblada konstituziogilea eta nola bozkatuko dute?
Nicolas Madurok Venezuelako Asanblada Konstituziogilerako deia egin du herrialdea astintzen ari diren oposizioaren protesta bortitzak baretzeko. Oraindik ez dago zehaztuta noiz eta nola egingo den bozketa, hori Hauteskunde Kontseilu Nazionalak zehaztu behar baitu.
Asanblada 500 konstituziogilek osatuko dute, eta denak boto bidez aukeratuko dituzte. Telesurren arabera, 500 horien erdiak kandidatuen zerrenda arruntetan izango dute jatorria, eta beste erdiak, berriz, hainbat sektoretan egindako zerrendetatik hautatuko dituzte; sektore horiek izango dira ekoizpena, enpresaritza, nekazaritza, lana eta hezkuntza, besteren artean.
Oposizioa eta bere aldeko medio ugari, berriz, zabaltzen ari dira hautagaien erdiak komunek osatutako antolaketa sozialetatik hautatuko dituztela. Komunen sistema herri-antolaketaz osatutako egitura da, Hugo Chavezek berak jarri zituen martxan gizarte egitura herrikoiak sortzeko. Horietan parte-hartzea mundu guztiari irekita dagoen arren, oro har gizarteko sektore ezkertiarrak izan dira horietan antolatu direnak, oposizioak uko egin izan baitio horietan parte hartzeari.
Dena den, Hauteskunde Kontseilu Nazionalak datozen egunetan emango du jakitera bozketa sistema definitiboa.
Bestalde, Madurok asanblada konstituziogilean jorratzeko bederatzi gai proposatu ditu:
- Bakea lortzea.
- Venezuelako sistema ekonomikoa hedatu eta hobetzea (Historikoki petrolioaren ustiaketatik bizi izan den herrialdea da Venezuela).
- Orain arte martxan jarritako programa sozialak konstituzioan txertatzea.
- Justizia eta segurtasun eraginkorragoak sortzea.
- Komunen antolaketa soziala konstituzioan txertatzea.
- Demokrazia zuzenagoa eta parte-hartzaileagoa martxan jartzea.
- Soberania nazionala indartzea.
- Gazteen errealitateari erreparatzea.
- Klima aldaketaren eraginei erreparatzea.
Madurok behin baino gehiagotan eskaini dio oposizioari elkarrizketaren irtenbidea Venezuelan sortzen ari den bortizkeria eta gatazka egoeran. Iazko udazkenean arrakastarik gabeko saiakerak egin bazituzten ere, oposizioak ez du biltzeko asmorik azaldu ordutik. “Asanblada konstituziogile bat deitzea da Venezuelan gertakari larriak gertatu daitezen ekiditeko bide bakarra”, Maduroren arabera.
Eskuineko oposizioak salatu du prozesu horrek Asanblada Nazionala —oposizioaren eskuetan— desegiteko aitzakia emango diola chavismoari, baina azaldu dute prozesu konstituziogileak iraun bitartean botere publikoak prozesuarekin batera indarrean izango direla, 1999ko prozesu konstituziogilean egin zuten antzera.
Venezuelatik itzuli zenetik, Tolosako Zuloaga auzoaren behealdeko parkean ematen ditu arratsaldeak Miren Egigurenek, bizpahiru lagunekin. Hantxe aurkitu dugu ekainaren bukaerako egun batean. Elkarrizketa egiteko lagunaren etxera igo garenean, Hugo Chavezen panpinarekin... [+]
Urte luzez egin du borroka, nortasun juridikoa aitor ziezaiotela exijitzeko. Herrigabe eta heriotza zibil egoeran izan dute hamar urtez Venezuelan.
Angel Prado Padua borrokalari venezuelarra Euskal Herriko hainbat tokitan ibili zen hilaren hasieran, El Maizal komuna sozialistaren berri ematen, Demokrazia Komunalaren Aldeko Nazioarteko Sareak gonbidatuta. Hernanin bildu ginen harekin, bere hitzaldiaren bezperan. El Maizalen... [+]
Asteazkena zuen baraualdiaren 36. eguna, baina azaldu duenez, erietxean artatu behar izan dute. Gose greba eten arren, bere nortasun juridikoa lortzeko borrokan jarraituko duela dio.
Martxoaren 29an abiatu zuen gose greba Asier Guridi Zaloña errefuxiatu politikoak Caracaseko (Venezuela) Espainiako Kontsulatuaren aurrean, nortasun juridikoa eskatzeko. Espainiako Estatuak ez dio nortasuna aitortu eta oinarrizko eskubideetara sarbidea murriztua dauka... [+]
Martxoaren 29an gose greba hasi du Asier Guridi Zaloña errefuxiatu politikoak Venezuelako Espainiako Kontsulatuaren aurrean "nortasun judirikoa" eskatzeko: izan ere, Espainiako Estatuak ukatu egin dio nortasun juridikoa eta ondorioz, oinarrizko eskubideetara... [+]
Venezuelan dagoen Asier Guridi Zaloña euskal iheslari politikoak abenduaren 3an gose greba abiatu duela jakinarazi du. Caracas hiriburuko Espainiako kontsuletxearen aurrean dago, bere eskubideak eta 13 urteko bere semearenak aitortuak izan daitezen eskatzeko. 2005ean... [+]
Nazioarteko 500 bat ordezkari elkartu ditu ekainaren 21etik 24ra Caracasen burutu den kongresuak. Autodeterminazioa eta amnistiaren aldeko ebazpen bana onartu dituzte. Itxiera ekitaldian Venezuelako presidente Nicolas Madurok Euskal Herria herri “ausart eta... [+]
Hil berri duten Jesus Santrich FARCeko komandante eta bake negoziatzailea ezagutzeko aukera izan nuen 2020ko martxoan. ARGIA izan zen Kolonbiako borroka armatuaren fase berri horretan Santrich komandantea elkarrizketatu zuen munduko lehen komunikabidea, bere kartzelaldia eta... [+]
Nicolás Maduro presidentearen GPPSB Simon Bolivar Polo Patriotiko Handiak irabazi ditu hauteskundeak Venezuelan. %67ko zifra eman dute botoen %82 zenbatuta zegoela. Aliantza Demokratikoa koalizioak botoen %18 eskuratu du. Juan Guaidó oposizioko kideak... [+]
Arantxa Tirado Sánchez (Bartzelona, 1978) politologoa da, Nazioarteko Harremanetan eta Latinoamerikako Ikasketetan doktorea. Martxoan zen Bilbora etortzekoa, Venezuela, más allá de la mentiras y mitos [Venezuela, gezur eta mitoetatik harago] liburua... [+]