Martxoaren 27an bete dituzte 50 egun lurperatuta Alberto Sololuze eta Joaquín Beltran langileek, Zaldibarren Verter Recycling 2002 enpresaren zabortegia behera erori zenetik. Bezpera iluntzean kazerolada egin dute inguruko herrietan Zaldibar Argitu plataformak deituta eta herritarrek leihora ateratako kartel eta marrazkien bidez zabaldu dituzte aldarrikapenak.
Koronabirusaren zabalpenak itzali du hedabideetan Zaldibarko zabor-jauziaren afera. Konfinamendu egoerak biltzeko aukerak erabat murriztu ditu. Egoera berezi honetan, etxean bakoitzak bere lanketa egin eta leihora atera dute herritarrek protesta. Hemen sare sozialetan martxoaren 26an zabaldu dituzten argazkiak:
👉🏼LANGILEAK
— ZALDIBAR ARGITU (@ZaldibarArgitu) March 26, 2020
👉🏼OSASUNA
👉🏼ERANTZUNKIZUNAK#ZaldibarArgitu #JoaquinEtaAlbertoGogoan pic.twitter.com/FcPfY7PsSv